Таҳорат сувининг ҳикмати

Рукн: Ибрат Чоп этилган: 10.12.2014
Ашраф Али Таҳонавий айтадилар:
«7 ёшимда мураттаб қори бўлганман. Шундан сўнг отам мени илм ўқитишга берди. Дастлаб «Зарур масалалар» деган кичик китобни ўқидик. Унда шундай масала бор эди:
Пок одам таҳорат қилди, таҳоратидан тушган сувларни бир идишга тўплади. Ариқда оқиб ётган сувда таҳорат қилса бўлади, лекин таҳоратдан қолган сувда таҳорат қилиб бўлмайди. Яна бир киши кўчадан терлаб келиб, салқинлайман деб сувдан фойдаланди. Ундан қолган сувда ҳам таҳорат қилса бўлади. Лекин таҳорат қилинган сувда қайта таҳорат қилиб бўлмайди.
Шу масалани ўқиганимдан бери унинг ҳикматини ўйлардим. Таҳорат қилувчининг бадани тоза эди-ку, нега ундан қолган сувни ишлатиб бўлмайди?
Аллоҳ таоло: «Мен сизга бир неъмат берсам, уни яширмангиз» дейди. Кейинчалик, Худойи таоло менга гўзал даражаларни ато этди. Таҳорат қилувчи банданинг таҳорати суви билан қўшилиб, гуноҳлари ҳам ювилиб кетишини кўзларим билан кўрдим. Шунинг учун асли тоза таҳорат суви банданинг гуноҳлари билан қўшилиб, ифлос сувга айланаркан…»
 
* * *
 
Ashraf Ali Tahonaviy aytadilar:
«7 yoshimda murattab qori bo‘lganman. Shundan so‘ng otam meni ilm o‘qitishga berdi. Dastlab «Zarur masalalar» degan kichik kitobni o‘qidik. Unda shunday masala bor edi:
Pok odam tahorat qildi, tahoratidan tushgan suvlarni bir idishga to‘pladi. Ariqda oqib yotgan suvda tahorat qilsa bo‘ladi, lekin tahoratdan qolgan suvda tahorat qilib bo‘lmaydi. Yana bir kishi ko‘chadan terlab kelib, salqinlayman deb suvdan foydalandi. Undan qolgan suvda ham tahorat qilsa bo‘ladi. Lekin tahorat qilingan suvda qayta tahorat qilib bo‘lmaydi.
Shu masalani o‘qiganimdan beri uning hikmatini o‘ylardim. Tahorat qiluvchining badani toza edi-ku, nega undan qolgan suvni ishlatib bo‘lmaydi?
Alloh taolo: «Men sizga bir ne’mat bersam, uni yashirmangiz» deydi. Keyinchalik, Xudoyi taolo menga go‘zal darajalarni ato etdi. Tahorat qiluvchi bandaning tahorati suvi bilan qo‘shilib, gunohlari ham yuvilib ketishini ko‘zlarim bilan ko‘rdim. Shuning uchun asli toza tahorat suvi bandaning gunohlari bilan qo‘shilib, iflos suvga aylanarkan…»