китоблари тақдимоти бўлиб ўтди

Рукн: Янгиликлар Чоп этилган: 03.10.2015

3 октябрь куни «Ҳилол-нашр» нашриёт-матбаасида Ўзбекистон халқ ёзувчиси Тоҳир Маликнинг «Меҳмон туйғулар» ҳамда таниқли адиб Аҳмад Муҳаммад Турсуннинг «Сиз қандай яшамоқчисиз?» номли китобларининг тақдимоти бўлиб ўтди. Тадбирда нашриёт ходимлари, адиблар ва олимлар, адабиёт ихлосмандлари иштирок этди.

Ўзбекистон халқ ёзувчиси Тоҳир Маликнинг «Меҳмон туйғулар» китоби биринчи нашри бир неча йил аввал чоп этилган эди. Мазкур янги нашрда муаллиф унга кўп янгиликлар киритди. Дунёни тушунишга хизмат қилувчи янги ҳикматлар билан бойитди.

Аҳмад Муҳаммад Турсуннинг «Сиз қандай яшамоқчисиз?» номли китоби мазмунли турмуш кечириш, бахтли-саодатли бўлиш, саломатликни асраш, ҳалол йўл билан бойиш, оила фароғати, эр ва хотин муносабатлари, қиз ва йигитларни тушмушга тайёрлаш, маънавий ва руҳий оламни бойитиш каби кшплаб ҳаётий мавзуларни қамраб олган.

Шайх Муҳаммад Содиқ Муҳаммад Юсуф ҳазратлари асос солган нашриёт янги жанр ва йўналишларда китоблар чоп этишни ҳам кенг йўлга қўймоқда. «Мумтоз адабиёт дурдоналари» туркумида чоп этилган «Булбул ноласи», «Қалб гавҳари», «Маърифат ёғдуси», «Навоийдан чу топқайлар навое» китоблари, болалар адабиёти йўналишида чоп этилган «Одобингиз обрўйингиз», «Тўрт мучангиз соғ бўлсин», «Топишмоқлар», «Денгиз суви нега шўр» каби ўндан ортиқ китоблар шулар жумласидандир. Шунингдек, Ўзбекистон халқ ёзувчиси Тоҳир Маликнинг «Фалак» номли фантастик роман, қисса ва ҳикоялар тўплами, ёш ижодкорлардан Абдулазиз Сафийнинг «Нуриддин» романи, мемуар асарлар йўналишида эса таниқли болалар ёзувчиси Эркин Малик қаламига мансуб «Болалигим эртаклари» китоблари нашриётда чоп этилаётган китобларнинг мавзу жиҳатдан ранг-баранглашиб бораётганини кўрсатмоқда.

* * *

3 oktyabr kuni «Hilol-nashr» nashriyot-matbaasida O‘zbekiston xalq yozuvchisi Tohir Malikning «Mehmon tuyg‘ular» hamda taniqli adib Ahmad Muhammad Tursunning «Siz qanday yashamoqchisiz?» nomli kitoblarining taqdimoti bo‘lib o‘tdi. Tadbirda nashriyot xodimlari, adiblar va olimlar, adabiyot ixlosmandlari ishtirok etdi.

O‘zbekiston xalq yozuvchisi Tohir Malikning «Mehmon tuyg‘ular» kitobi birinchi nashri bir necha yil avval chop etilgan edi. Mazkur yangi nashrda muallif unga ko‘p yangiliklar kiritdi. Dunyoni tushunishga xizmat qiluvchi yangi hikmatlar bilan boyitdi.

Ahmad Muhammad Tursunning «Siz qanday yashamoqchisiz?» nomli kitobi mazmunli turmush kechirish, baxtli-saodatli bo‘lish, salomatlikni asrash, halol yo‘l bilan boyish, oila farog‘ati, er va xotin munosabatlari, qiz va yigitlarni tushmushga tayyorlash, ma’naviy va ruhiy olamni boyitish kabi kshplab hayotiy mavzularni qamrab olgan.

Shayx Muhammad Sodiq Muhammad Yusuf hazratlari asos solgan nashriyot yangi janr va yo‘nalishlarda kitoblar chop etishni ham keng yo‘lga qo‘ymoqda. «Mumtoz adabiyot durdonalari» turkumida chop etilgan «Bulbul nolasi», «Qalb gavhari», «Ma’rifat yog‘dusi», «Navoiydan chu topqaylar navoe» kitoblari, bolalar adabiyoti yo‘nalishida chop etilgan «Odobingiz obro‘yingiz», «To‘rt muchangiz sog‘ bo‘lsin», «Topishmoqlar», «Dengiz suvi nega sho‘r» kabi o‘ndan ortiq kitoblar shular jumlasidandir. Shuningdek, O‘zbekiston xalq yozuvchisi Tohir Malikning «Falak» nomli fantastik roman, qissa va hikoyalar to‘plami, yosh ijodkorlardan Abdulaziz Safiyning «Nuriddin» romani, memuar asarlar yo‘nalishida esa taniqli bolalar yozuvchisi Erkin Malik qalamiga mansub «Bolaligim ertaklari» kitoblari nashriyotda chop etilayotgan kitoblarning mavzu jihatdan rang-baranglashib borayotganini ko‘rsatmoqda.