“Болалар китоби” II республика фестивали давом этмоқда

Тошкент шаҳрининг Ғафур Ғулом номидаги маданият ва истироҳат боғида “Соғлом ва маънавий етук авлод - юрт келажаги” шиори остида “Болалар китоби” II республика фестивали ўтказилмоқда. Унда юртимизда фаолият юритаётган 60 дан зиёд нашриёт ва матбаа корхоналари ўз китоб маҳсулотлари билан иштирок этмоқдалар.

Фестивални Ўзбекистон Республикаси Вазирлар Маҳкамаси кўмагида Ўзбекистон матбуот ва ахборот агентлиги, Ўзбекистон Республикаси Маданият ва спорт ишлари, Халқ таълими вазирликлари, Ўзбекистон хотин-қизлар қўмитаси, Ёзувчилар уюшмаси, "Соғлом авлод учун" ҳукуматга қарашли бўлмаган халқаро хайрия фонди ташкил этган.

Тадбирнинг мақсадиўсиб келаётган авлодни интеллектуал ривожланган ва маънан баркамол қилиб вояга етказишда китобнинг ўрни ва аҳамиятини янада кенгайтириш, ёшларнинг миллий адабиётга бўлган қизиқишини, китобга бўлган ҳурматини ошириш ҳамда китобхонлик ва мутолаа маданиятини янада шакллантириб боришга ҳисса қўшиш, болалар учун мўлжалланган ижтимоий-бадиий жиҳатдан етук адабиётлар салмоғини кўпайтириш ҳамда болалар адабиётига ихтисослашган нашриётлар фаолиятини қўллаб-қувватлашдир.

“Болалар китоби” II республика фестивали бир вақтнинг ўзида Қорақалпоғистон Республикаси ва вилоятлар марказларида ҳам ўтказилмоқда. Фестивал 19 сентябргача давом этади.

Тадбирда иштирок этаётган “Hilol nashr” нашриёти ходими Ёрқинжон Ҳайдаровнинг айтишича, бу йилги фестивалда нашриёт томонидан болалар учун мўлжалланган 10 номдан ортиқ китоб тақдим этилган. Яқинда чоп этилган “Тўрт мучангиз соғ бўлсин” (муаллиф – Ирода Улуғбек қизи) китобида уй-рўзғор буюмларига шеърий тарзда, болалар учун қизиқарли усулда таъриф берилган, суратлари ҳам илова қилинган. “Одобингиз – обрўйингиз” китобида эса, ҳикматлар асосида болалар учун ахлоқ қоидалари баён қилинган. Шунингдек, Тоҳир Маликнинг “Меҳмон туйғулар”, “Сиз қандай яшамоқчисиз?” китоблари ҳам янги китоб сифатида тақдим этилди.

Ўзбекистон матбуот ва ахборот агентлиги томонидан 2015 йил 1 июль ҳолатига кўра, 111 та нашриёт, 1650 га яқин матбаа корхонаси давлат рўйхатидан ўтказилган. Республика нашриётлари томонидан ҳар йили 3 минг номдан зиёд, умумий адади 45 млн. нусхадан ортиқ турли китоб маҳсулотлари нашр этилмоқда. Элликдан ортиқ нашриёт болаларга бағишланган ноширлик маҳсулотларини чоп этиб келмоқда. Бугун юртимизда нашр этилаётган адабиётларнинг ҳар учтадан биттаси бевосита болаларга бағишланган нашрлардир.

* * *

Toshkent shahrining G‘afur G‘ulom nomidagi madaniyat va istirohat bog‘ida “Sog‘lom va ma’naviy yetuk avlod - yurt kelajagi” shiori ostida “Bolalar kitobi” II respublika festivali o‘tkazilmoqda. Unda yurtimizda faoliyat yuritayotgan 60 dan ziyod nashriyot va matbaa korxonalari o‘z kitob mahsulotlari bilan ishtirok etmoqdalar.

Festivalni O‘zbekiston Respublikasi Vazirlar Mahkamasi ko‘magida O‘zbekiston matbuot va axborot agentligi, O‘zbekiston Respublikasi Madaniyat va sport ishlari, Xalq ta’limi vazirliklari, O‘zbekiston xotin-qizlar qo‘mitasi, Yozuvchilar uyushmasi, "Sog‘lom avlod uchun" hukumatga qarashli bo‘lmagan xalqaro xayriya fondi tashkil etgan.

Tadbirning maqsadio‘sib kelayotgan avlodni intellektual rivojlangan va ma’nan barkamol qilib voyaga yetkazishda kitobning o‘rni va ahamiyatini yanada kengaytirish, yoshlarning milliy adabiyotga bo‘lgan qiziqishini, kitobga bo‘lgan hurmatini oshirish hamda kitobxonlik va mutolaa madaniyatini yanada shakllantirib borishga hissa qo‘shish, bolalar uchun mo‘ljallangan ijtimoiy-badiiy jihatdan yetuk adabiyotlar salmog‘ini ko‘paytirish hamda bolalar adabiyotiga ixtisoslashgan nashriyotlar faoliyatini qo‘llab-quvvatlashdir.

“Bolalar kitobi” II respublika festivali bir vaqtning o‘zida Qoraqalpog‘iston Respublikasi va viloyatlar markazlarida ham o‘tkazilmoqda. Festival 19 sentyabrgacha davom etadi.

Tadbirda ishtirok etayotgan “Hilol nashr” nashriyoti xodimi Yorqinjon Haydarovning aytishicha, bu yilgi festivalda nashriyot tomonidan bolalar uchun mo‘ljallangan 10 nomdan ortiq kitob taqdim etilgan. Yaqinda chop etilgan “To‘rt muchangiz sog‘ bo‘lsin” (muallif – Iroda Ulug‘bek qizi) kitobida uy-ro‘zg‘or buyumlariga she’riy tarzda, bolalar uchun qiziqarli usulda ta’rif berilgan, suratlari ham ilova qilingan. “Odobingiz – obro‘yingiz” kitobida esa, hikmatlar asosida bolalar uchun axloq qoidalari bayon qilingan. Shuningdek, Tohir Malikning “Mehmon tuyg‘ular”, “Siz qanday yashamoqchisiz?” kitoblari ham yangi kitob sifatida taqdim etildi.

O‘zbekiston matbuot va axborot agentligi tomonidan 2015 yil 1 iyul holatiga ko‘ra, 111 ta nashriyot, 1650 ga yaqin matbaa korxonasi davlat ro‘yxatidan o‘tkazilgan. Respublika nashriyotlari tomonidan har yili 3 ming nomdan ziyod, umumiy adadi 45 mln. nusxadan ortiq turli kitob mahsulotlari nashr etilmoqda. Ellikdan ortiq nashriyot bolalarga bag‘ishlangan noshirlik mahsulotlarini chop etib kelmoqda. Bugun yurtimizda nashr etilayotgan adabiyotlarning har uchtadan bittasi bevosita bolalarga bag‘ishlangan nashrlardir.

• Олдинги
• Кейинги