Юртимиз масжидларида хатми Қуръонлар бошланди

Рукн: Янгиликлар Чоп этилган: 18.06.2015

17 июнь куни юртимизнинг барча масжидларида таровиҳ намози адо этилди. Уларнинг 833 тасида хатми Қуръонлар бошланди.

Пойтахтимиздаги “Ҳазрати Имом” мажмуаси майдонида катта жамоат йиғилди. Таровиҳ намозида иштирок этган Ўзбекистон мусулмонлари идораси раиси, муфтий Усмонхон Алимов юртдошларимизни Рамазон кириб келиши билан қутлади.

“Ҳазрати Имом” жомеъ масжидида Исмоилжон қори ва Аҳмадхон қори хатми Қуръонни адо этадилар. Хатм 15 кунлик бўлиши режалаштирилган.

“Минор” жомеъ масжидида Садриддин қори ва Муҳаммадлойиқ қори хатми Қуръонни адо этадилар. Хатм 27 кунлик бўлиши режалаштирилган.

“Шайх Зайниддин” (Кўкча) жомеъ масжидида Ҳасанхон қори ва Насруллоҳ қори, “Хўжа Аламбардор” (Камолон) жомеъ масжидида Ҳусайнхон қори ва Абдулбосит қори хатмга ўтадилар.

Ўзбекистон мусулмонлари идорасининг маълумотларига кўра, бу йилги Хатми Қуръон тадбирларига юртимиздан етишиб чиққан 1042 нафар қорилар жалб қилинган. АҚШ, Россия Федерацияси ва Украина мусулмонлари ва диний идораларнинг расмий илтимосларига кўра, ўзбекистонлик қорилар ушбу мамлакатларга ҳам сафарбар қилинган.

* * *

17 iyun kuni yurtimizning barcha masjidlarida tarovih namozi ado etildi. Ularning 833 tasida xatmi Qur’onlar boshlandi.

Poytaxtimizdagi “Hazrati Imom” majmuasi maydonida katta jamoat yig‘ildi. Tarovih namozida ishtirok etgan O‘zbekiston musulmonlari idorasi raisi, muftiy Usmonxon Alimov yurtdoshlarimizni Ramazon kirib kelishi bilan qutladi.

“Hazrati Imom” jome’ masjidida Ismoiljon qori va Ahmadxon qori xatmi Qur’onni ado etadilar. Xatm 15 kunlik bo‘lishi rejalashtirilgan.

“Minor” jome’ masjidida Sadriddin qori va Muhammadloyiq qori xatmi Qur’onni ado etadilar. Xatm 27 kunlik bo‘lishi rejalashtirilgan.

“Shayx Zayniddin” (Ko‘kcha) jome’ masjidida Hasanxon qori va Nasrulloh qori, “Xo‘ja Alambardor” (Kamolon) jome’ masjidida Husaynxon qori va Abdulbosit qori xatmga o‘tadilar.

O‘zbekiston musulmonlari idorasining ma’lumotlariga ko‘ra, bu yilgi Xatmi Qur’on tadbirlariga yurtimizdan yetishib chiqqan 1042 nafar qorilar jalb qilingan. AQSh, Rossiya Federatsiyasi va Ukraina musulmonlari va diniy idoralarning rasmiy iltimoslariga ko‘ra, o‘zbekistonlik qorilar ushbu mamlakatlarga ham safarbar qilingan.