Ўзбекистон мусулмонлари идораси раиси, муфтий юртдошларимизни Рамазон билан қутлади

Тошкент шаҳридаги Ҳазрати Имом жомеъ масжидида таровиҳ намозида иштирок этган Ўзбекистон мусулмонлари идораси раиси, муфтий Усмонхон Алимов юртдошларимизни Рамазон кириб келиши билан қутлади.

“Мана шундай кунларга етказгани учун, Рамазон неъматини бу диёрга насиб қилгани учун, барчаларимизни эътиқодли бандалари қаторида қилгани учун Аллоҳга ҳамдлар бўлсин! Рамазони шариф ойининг кириши билан сизларни, сиз орқали барча оила аъзоларингизни чин қалбимиздан муборакбод этамиз! Рамазони шариф ўзининг шукуҳи билан, фазилати билан, шарофат-барокати билан барчаларимизнинг хонадонларимизни нурга тўлдириб мунаввар айлаган бўлсин!” – деди муфтий ҳазратлари.

Муфтий ҳазратларининг таъкидлашича, ушбу Рамазонда хатми Қуръонлар энг ками 15 кунлик этиб белгиланди.

Муфтий Усмонхон Алимов, шайх Абдулазиз Мансур ва бошқа уламолар юртимизнинг бир қанча жомеъ масжидларига ҳам ташриф буюришлари ва табрик ҳамда маъруза билан иштирок этишлари кутилмоқда.  

* * *

Toshkent shahridagi Hazrati Imom jome’ masjidida tarovih namozida ishtirok etgan O‘zbekiston musulmonlari idorasi raisi, muftiy Usmonxon Alimov yurtdoshlarimizni Ramazon kirib kelishi bilan qutladi.

“Mana shunday kunlarga yetkazgani uchun, Ramazon ne’matini bu diyorga nasib qilgani uchun, barchalarimizni e’tiqodli bandalari qatorida qilgani uchun Allohga hamdlar bo‘lsin! Ramazoni sharif oyining kirishi bilan sizlarni, siz orqali barcha oila a’zolaringizni chin qalbimizdan muborakbod etamiz! Ramazoni sharif o‘zining shukuhi bilan, fazilati bilan, sharofat-barokati bilan barchalarimizning xonadonlarimizni nurga to‘ldirib munavvar aylagan bo‘lsin!” – dedi muftiy hazratlari.

Muftiy hazratlarining ta’kidlashicha, ushbu Ramazonda xatmi Qur’onlar eng kami 15 kunlik etib belgilandi.

Muftiy Usmonxon Alimov, shayx Abdulaziz Mansur va boshqa ulamolar yurtimizning bir qancha jome’ masjidlariga ham tashrif buyurishlari va tabrik hamda ma’ruza bilan ishtirok etishlari kutilmoqda.  

• Олдинги
• Кейинги