QURAN.UZ сайтининг 10 йиллигига бағишланган илмий анжуман бўлиб ўтди

27 декабрь куни Қуръони Каримга бағишланган ўзбек тилидаги биринчи интернет манбаси – Quran.uz сайтининг 10 йиллигига бағишланган илмий-маърифий анжуман бўлиб ўтди, дея хабар беради Инфо.ислом.уз.

Ислом.уз портали ҳамда «Ҳилол-нашр» матбаа-нашриёт мажмуаси ижодий гуруҳи, меҳнат жамоаси ҳамда ташкилий ҳайъат томонидан ташкил этилган ушбу илмий анжуманга юртимизнинг дин арбоблари, Қуръон устозлари, аҳли Қуръонлар, толиби илмлар ва бошқа кўплаб азиз меҳмонлар ташриф буюрди.

Қуръони Каримга бағишланган ушбу анжуман учун махсус кўргазма ташкил қилинган бўлиб, унда кўплаб ноёб, қўлёзма мусҳафлар, Қуръони Каримнинг таржима ва тафсирлари намойиш қилинди. Айниқса, шайх Муҳаммад Содиқ Муҳаммад Юсуф ҳазратларининг қаламига мансуб «Тафсири Ҳилол» асарининг қўлёзмаси ва унинг турли нашрлари тадрижий жараёни меҳмонларда катта қизиқиш уйғотди. Кўргазмага қўйилган шоҳ асар эса машҳур хаттот Ҳабибуллоҳ Солиҳ томонидан тайёрланган ҳазрати Усмон мусҳафининг нусхаси бўлди. Махсус тайёрланган лавҳга ўрнатилган, нафақат юртимизда, бутун дунё мусулмонлари учун мўътабар бўлган ушбу мусҳафи шариф кўргазманинг кўркига кўрк қўшиб турди.

Анжуманда Қуръон.уз сайтининг 10 йиллиги муносабати билан ташкил қилган махсус танлов ғолиблари ҳам тақдирланди.

* * *

27 dekabr kuni Qur’oni Karimga bag‘ishlangan o‘zbek tilidagi birinchi internet manbasi – Quran.uz saytining 10 yilligiga bag‘ishlangan ilmiy-ma’rifiy anjuman bo‘lib o‘tdi, deya xabar beradi Info.islom.uz.

Islom.uz portali hamda «Hilol-nashr» matbaa-nashriyot majmuasi ijodiy guruhi, mehnat jamoasi hamda tashkiliy hay’at tomonidan tashkil etilgan ushbu ilmiy anjumanga yurtimizning din arboblari, Qur’on ustozlari, ahli Qur’onlar, tolibi ilmlar va boshqa ko‘plab aziz mehmonlar tashrif buyurdi.

Qur’oni Karimga bag‘ishlangan ushbu anjuman uchun maxsus ko‘rgazma tashkil qilingan bo‘lib, unda ko‘plab noyob, qo‘lyozma mushaflar, Qur’oni Karimning tarjima va tafsirlari namoyish qilindi. Ayniqsa, shayx Muhammad Sodiq Muhammad Yusuf hazratlarining qalamiga mansub «Tafsiri Hilol» asarining qo‘lyozmasi va uning turli nashrlari tadrijiy jarayoni mehmonlarda katta qiziqish uyg‘otdi. Ko‘rgazmaga qo‘yilgan shoh asar esa mashhur xattot Habibulloh Solih tomonidan tayyorlangan hazrati Usmon mushafining nusxasi bo‘ldi. Maxsus tayyorlangan lavhga o‘rnatilgan, nafaqat yurtimizda, butun dunyo musulmonlari uchun mo‘‘tabar bo‘lgan ushbu mushafi sharif ko‘rgazmaning ko‘rkiga ko‘rk qo‘shib turdi.

Anjumanda Qur’on.uz saytining 10 yilligi munosabati bilan tashkil qilgan maxsus tanlov g‘oliblari ham taqdirlandi.

• Олдинги
• Кейинги