“Ҳаж-2014” мавсумида 5200 нафар ўзбекистонликлар ҳаж амалини бажаришади

ЎМИ  Халқаро алоқалар бўлимининг маълум қилишича, бу йил жами 5200 нафар Ўзбекистон Республикаси фуқаролари  Ҳаж зиёратига боришга муяссар бўладилар. Шу йилнинг 15 сентябрь куни Тошкент шаҳридан муборак Ҳаж ибодатини адо этиш учун делегация, ишчи гуруҳи аъзолари, шифокорлар, ошпазлар ва зиёратчилардан иборат жами 255 нафар ҳожиларнинг 1-рейси Саудия Арабистони Подшоҳлигига жўнаб кетиши режалаштирилмоқда.

Шу йилнинг 4 сентябрь куни 10 кишидан иборат “Ҳаж -2014” мавсуми дастлабки ишчи гуруҳи аъзолари Саудия Арабистони Подшоҳлигига жўнаб кетди. Улар ҳожиларимизнинг Маккаи Мукаррама ва Мадинаи Мунаввара  шаҳарларидаги муқаддас жойларни зиёрат қилишлари ҳамда уларнинг ҳаж амалларини бекаму кўст адо этишлари учун зарур шарт-шароитларни яратиб бериш ва мавжуд камчиликларни бартараф этиш масалаларини ўрганиб чиқадилар.

Зиёратчиларимиз Мадинаи мунавварада “Масжид ан-Набавий” дан унча узоқ бўлмаган “Жулнар ат-Тоййиба” меҳмонхонасига  ва Маккаи Мукаррама шаҳрида эса тўрт бинодан иборат ҳашаматли “Аброж Маса ал-Муҳаммадия” меҳмонхонасига жойлашадилар. Уларга тажрибали ишчи гуруҳ аъзолари, малакали шифокорлар гуруҳи  ва моҳир ошпазлар ҳожиларимиз учун зарур бўлган барча ташкилий ишларни амалга оширишда камарбаста бўлишади.

Ҳар йилги сингари бу йил ҳам ҳожиларимизга Ўзбекистон мусулмонлари идорасининг бир неча йиллик ҳамкори “ал-Ҳидоя” ширкати томонидан фаол хизмат кўрсатилади.

Маълумки, Саудия Арабистони Ҳаж вазирлиги МДҲ мамлакатлари ичида Ўзбекистон ҳожиларига кўрсатилаётган хизматларнинг тартибли, намунали ва ҳавас қиладиган даражада ташкил этилганини мамнуният билан эътироф этмоқда.

O‘MI  Xalqaro aloqalar bo‘limining ma’lum qilishicha, bu yil jami 5200 nafar O‘zbekiston Respublikasi fuqarolari  Haj ziyoratiga borishga muyassar bo‘ladilar. Shu yilning 15 sentyabr kuni Toshkent shahridan muborak Haj ibodatini ado etish uchun delegatsiya, ishchi guruhi a’zolari, shifokorlar, oshpazlar va ziyoratchilardan iborat jami 255 nafar hojilarning 1-reysi Saudiya Arabistoni Podshohligiga jo‘nab ketishi rejalashtirilmoqda.

Shu yilning 4 sentyabr kuni 10 kishidan iborat “Haj -2014” mavsumi dastlabki ishchi guruhi a’zolari Saudiya Arabistoni Podshohligiga jo‘nab ketdi. Ular hojilarimizning Makkai Mukarrama va Madinai Munavvara  shaharlaridagi muqaddas joylarni ziyorat qilishlari hamda ularning haj amallarini bekamu ko‘st ado etishlari uchun zarur shart-sharoitlarni yaratib berish va mavjud kamchiliklarni bartaraf etish masalalarini o‘rganib chiqadilar.

Ziyoratchilarimiz Madinai munavvarada “Masjid an-Nabaviy” dan uncha uzoq bo‘lmagan “Julnar at-Toyyiba” mehmonxonasiga  va Makkai Mukarrama shahrida esa to‘rt binodan iborat hashamatli “Abroj Masa al-Muhammadiya” mehmonxonasiga joylashadilar. Ularga tajribali ishchi guruh a’zolari, malakali shifokorlar guruhi  va mohir oshpazlar hojilarimiz uchun zarur bo‘lgan barcha tashkiliy ishlarni amalga oshirishda kamarbasta bo‘lishadi.

Har yilgi singari bu yil ham hojilarimizga O‘zbekiston musulmonlari idorasining bir necha yillik hamkori “al-Hidoya” shirkati tomonidan faol xizmat ko‘rsatiladi.

Ma’lumki, Saudiya Arabistoni Haj vazirligi MDH mamlakatlari ichida O‘zbekiston hojilariga ko‘rsatilayotgan xizmatlarning tartibli, namunali va havas qiladigan darajada tashkil etilganini mamnuniyat bilan e’tirof etmoqda.

• Олдинги
• Кейинги