2012 йил учун закот, фитр ва фидя нисоблари белгиланди

Рукн: Янгиликлар Чоп этилган: 04.08.2012

Ўзбекистон мусулмонлари идораси Уламолар Кенгаши 2012 йил учун закот, фитр садақа ва фидя нисобларини эълон қилди. Қарорга кўра, жорий йил учун закот нисоби 9 000 000 сўм, фитр садақаси 2000 сўм, фидя миқдори 6000 сўм этиб белгиланди.

Ушбу қарорга кўра:

1. Ўзбекистон мусулмонлари идораси Фатво ҳайъатининг ҳижрий 1433 йил (милодий 2012 йил) Рамазон ойи учун ЗАКОТ нисоби 1 гр. тиллонинг бугунги кундаги бозордаги ўртача нархи 105.882 ( бир юз беш минг саккиз юз саксон икки) сўм эканини эътиборга олиб, 85 гр. тилло ҳисобидан закот нисоби 9.000.000 (тўққиз миллион) сўм экани ва мазкур суммадан қирқдан бир ҳиссаси, яъни 225.000 (икки юз йигирма беш минг) сўм закот чиқариш тўғрисидаги хулосаси маъқулланди.

2. Бу йилги Фитр садақаси миқдори вилоят, шаҳар ва туман бозорларидаги 2 кг. буғдой нархидан келиб чиққан ҳолда белгилади. (Масалан Тошкент шаҳар бозорида 1 кг. буғдойнинг нархи ўртача 1000 сўм бўлса, демак 2 кг. буғдой нархи 2000 сўм бўлади)

3. Бу йилги Фидя миқдори бир оч одамнинг бир кунлик озиқ-овқати баробарида бўлиб, ўртача 6000 (олти минг) сўм деб белгиланди.

* * *

O‘zbekiston musulmonlari idorasi Ulamolar Kengashi 2012 yil uchun zakot, fitr sadaqa va fidya nisoblarini e‘lon qildi. Qarorga ko‘ra, joriy yil uchun zakot nisobi 9 000 000 so‘m, fitr sadaqasi 2000 so‘m, fidya miqdori 6000 so‘m etib belgilandi.

Ushbu qarorga ko‘ra:

1. O‘zbekiston musulmonlari idorasi Fatvo hay’atining hijriy 1433 yil (milodiy 2012 yil) Ramazon oyi uchun ZAKOT nisobi 1 gr. tilloning bugungi kundagi bozordagi o‘rtacha narxi 105.882 ( bir yuz besh ming sakkiz yuz sakson ikki) so‘m ekanini e’tiborga olib, 85 gr. tillo hisobidan zakot nisobi 9.000.000 (to‘qqiz million) so‘m ekani va mazkur summadan qirqdan bir hissasi, ya’ni 225.000 (ikki yuz yigirma besh ming) so‘m zakot chiqarish to‘g‘risidagi xulosasi ma’qullandi.

2. Bu yilgi Fitr sadaqasi miqdori viloyat, shahar va tuman bozorlaridagi 2 kg. bug‘doy narxidan kelib chiqqan holda belgiladi. (Masalan Toshkent shahar bozorida 1 kg. bug‘doyning narxi o‘rtacha 1000 so‘m bo‘lsa, demak 2 kg.bo‘g‘doy narxi 2000 so‘m bo‘ladi)

3. Bu yilgi Fidya miqdori bir och odamning bir kunlik oziq-ovqati barobarida bo‘lib, o‘rtacha 6000 (olti ming) so‘m deb belgilandi.