Ўзбекистонлик зиёратчиларнинг дастлабки гуруҳи Ҳаж зиёратига жўнаб кетдилар

Рукн: Янгиликлар Чоп этилган: 24.08.2016

24 август куни Ўзбекистон ҳаж делегацияси, ишчи гуруҳи аъзолари, шифокорлар, ошпазлар ва зиёратчилардан иборат жами 450 нафар зиёратчилар икки рейсда Саудия Арабистони Подшоҳлигига жўнаб кетдилар, дея хабар беради Ўзбекистон Мусулмонлари идораси сайти.

Зиёратчиларимиз Мадинаи мунавварада “Масжид ан-Набавий” дан унча узоқ бўлмаган “Жавҳарат Ар-Рашид” меҳмонхонасига, Маккаи Мукаррама шаҳрида эса янги қурилган ва замонавий жиҳозланган “Аброж ал-Ҳидоя” меҳмонхонасига жойлашадилар. Улар 3 маҳал миллий таомлар, иссиқ чой ва яхна ичимликлар билан таъминланади.

Ҳаж арконлари ва ҳожиларимиз шароитини ёритиб бериш учун ишчи гуруҳ таркибидаги Тошкент ислом университети “Зиё” студияси вакиллари томонидан интервью ва репортажлар олиниб, “Ўзбекистон” телеканали орқали намойиш этилиши режалаштирилган.

Бу йили зиёратчилар “Ўзбекистон ҳаво йўллари” миллий авиакомпаниясининг “БОИНГ” русумли ҳаво кемаларида Тошкент, Наманган, Бухоро, Урганч, Қарши ва Самарқанд шаҳарларидан амалга оширилиши режалаштирилган чартер рейсларда 24 август - 4 сентябрь кунлари жўнаб кетишади,  17-28 сентябрь кунлари қайтиб келишади.

* * *

24 avgust kuni O‘zbekiston haj delegatsiyasi, ishchi guruhi a’zolari, shifokorlar, oshpazlar va ziyoratchilardan iborat jami 450 nafar ziyoratchilar ikki reysda Saudiya Arabistoni Podshohligiga jo‘nab ketdilar, deya xabar beradi O‘zbekiston Musulmonlari idorasi sayti.

Ziyoratchilarimiz Madinai munavvarada “Masjid an-Nabaviy” dan uncha uzoq bo‘lmagan “Javharat Ar-Rashid” mehmonxonasiga, Makkai Mukarrama shahrida esa yangi qurilgan va zamonaviy jihozlangan “Abroj al-Hidoya” mehmonxonasiga joylashadilar. Ular 3 mahal milliy taomlar, issiq choy va yaxna ichimliklar bilan ta’minlanadi.

Haj arkonlari va hojilarimiz sharoitini yoritib berish uchun ishchi guruh tarkibidagi Toshkent islom universiteti “Ziyo” studiyasi vakillari tomonidan intervyu va reportajlar olinib, “O‘zbekiston” telekanali orqali namoyish etilishi rejalashtirilgan.

Bu yili ziyoratchilar “O‘zbekiston havo yo‘llari” milliy aviakompaniyasining “BOING” rusumli havo kemalarida Toshkent, Namangan, Buxoro, Urganch, Qarshi va Samarqand shaharlaridan amalga oshirilishi rejalashtirilgan charter reyslarda 24 avgust - 4 sentyabr kunlari jo‘nab ketishadi,  17-28 sentyabr kunlari qaytib kelishadi.