Ўзбекистонда Қурбон ҳайити 12 сентябрда нишонланади

Ўзбекистон Республикаси Президенти вазифасини бажарувчи Ш.Мирзиёевнинг қарорига кўра, Ўзбекистон мусулмонлари идорасининг жорий йилда Қурбон ҳайитининг биринчи куни 12 сентябрь душанба кунига тўғри келиши ҳақидаги мурожаатини инобатга олиб, 2016 йил 12 сентябрь мамлакатимизда дам олиш куни деб белгиланди.

Қарорда Республика “Нуроний”, “Маҳалла” жамғармалари ва бошқа барча мутасадди идоралар, жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга оширилиши белгиланди. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилди.

Саудия Арабистони Олий маҳкамаси ҳам 1437 йил Зулҳижжа ойининг ўнинчи куни 12 сентябрга тўғри келишини эълон қилди. Ҳожиларнинг Арафот водийсида туришлари 11 сентябрга, Қурбон ҳайитининг биринчи куни  эса 12 сентябрга тўғри келади.

* * *

O‘zbekiston Respublikasi Prezidenti vazifasini bajaruvchi Sh.Mirziyoevning qaroriga ko‘ra, O‘zbekiston musulmonlari idorasining joriy yilda Qurbon hayitining birinchi kuni 12 sentyabr dushanba kuniga to‘g‘ri kelishi haqidagi murojaatini inobatga olib, 2016 yil 12 sentyabr mamlakatimizda dam olish kuni deb belgilandi.

Qarorda Respublika “Nuroniy”, “Mahalla” jamg‘armalari va boshqa barcha mutasaddi idoralar, jamoat tashkilotlari Qurbon hayitining joylarda tartibli va yuqori darajada, xalqimizning milliy qadriyatlariga mos ravishda o‘tishi uchun tegishli tadbirlarni amalga oshirilishi belgilandi. O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bog‘liq tadbirlarni keng yoritish tavsiya etildi.

Saudiya Arabistoni Oliy mahkamasi ham 1437 yil Zulhijja oyining o‘ninchi kuni 12 sentyabrga to‘g‘ri kelishini e’lon qildi. Hojilarning Arafot vodiysida turishlari 11 sentyabrga, Qurbon hayitining birinchi kuni  esa 12 sentyabrga to‘g‘ri keladi.

• Олдинги
• Кейинги