Шаддод ибн Авс

Рукн: Саҳобалар Чоп этилган: 17.10.2017

Тўлиқ исми Шаддод ибн Авс ибн Собит ибн Мунзир. Куня­лари: Абу Яъло, Абу Абдураҳмон Ансорий, Нажорий, Хазражий. Шаддод Байтул Мақдисда яшаган. Ундан Яъло, Абу Ибрис Хавлоний, Абу Асмо Раҳбий, Абулашъаф, Саноний, Абдураҳмон ибн ўанам, Жубайр ибн Нуфайр, Касир ибн Мурра, Башир ибн Каъб ва бошқалар ҳадис ривоят қилган.

Абу Дардо (розияллоҳу анҳу) айтади: "Ҳар бир умматнинг ўз фақиҳи бор. Бу умматнинг фақиҳи Шаддод ибн Авсдир. Унга илм ва ҳилм берилгандир".

Саид ибн Абдулазиз эса: "Шаддод ибн Авс Ансорий икки хислат билан – фасоҳат билан сўзлаши ва ғазабини яшира олиши билан ажралиб турарди", деган.

Имом Бухорий (раҳматуллоҳи алайҳ): "Шаддод ибн Авс саҳобадир. Баъзиларнинг фикрига кўра, Бадрда иштирок этган", деган маълумотни келтиради.

Ибн Саъд маълумотига кўра, бу саҳобий: "Фаластинда яшаган. Унинг авлодлари бор бўлиб, ўзи ҳижратнинг эллик саккизинчи йили, етмиш беш ёшида вафот этган. Шаддод ибн Авс ибодатда бардавом мужтаҳид эди".

Холид ибн Маъдан (раҳматуллоҳи алайҳ) шундай эътирофни айтади: "Шом вилоятида Убода ибн Сомит ва Шаддод ибн Авсдан кўра ишончли, фақиҳ киши йўқ".

Муфассал ўилобий (раҳматуллоҳи алайҳ) фикрича эса: "Ансорларнинг зоҳидлари учтадир: Абу Дардо, Умайр ибн Саъд ва Шаддод ибн Авс".

* * *

Шаддоднинг бешта фарзанди бўлган. Ўғиллари Яъло, Муҳаммад, Абдулваҳҳоб, Мунзир ва қизи Хазраж Азд.

* * *

Қатода (розияллоҳу анҳу) Шаддод ибн Авсдан бундай ривоят қилади: "Эй одамлар, бу дунё ўткинчидир. Ундан яхши ҳам, ёмон ҳам насибасини олади. Охират абадий бўлиб, Қодир Подшоҳ унда ҳукм қилади. Огоҳ бўлинг, яхшиликнинг барчаси, тўлалигича жаннатдадир. Ёмонликнинг барчаси бутунича дўзахдадир".

Файзо тайёрлади  | Hidoyat.uz

To‘liq ismi Shaddod ibn Avs ibn Sobit ibn Munzir. Kunya­lari: Abu Ya’lo, Abu Abdurahmon Ansoriy, Najoriy, Xazrajiy. Shaddod Baytul Maqdisda yashagan. Undan Ya’lo, Abu Ibris Xavloniy, Abu Asmo Rahbiy, Abulash’af, Sanoniy, Abdurahmon ibn o‘anam, Jubayr ibn Nufayr, Kasir ibn Murra, Bashir ibn Ka’b va boshqalar hadis rivoyat qilgan.

Abu Dardo (roziyallohu anhu) aytadi: "Har bir ummatning o‘z faqihi bor. Bu ummatning faqihi Shaddod ibn Avsdir. Unga ilm va hilm berilgandir".

Said ibn Abdulaziz esa: "Shaddod ibn Avs Ansoriy ikki xislat bilan – fasohat bilan so‘zlashi va g‘azabini yashira olishi bilan ajralib turardi", degan.

Imom Buxoriy (rahmatullohi alayh): "Shaddod ibn Avs sahobadir. Ba’zilarning fikriga ko‘ra, Badrda ishtirok etgan", degan ma’lumotni keltiradi.

Ibn Sa’d ma’lumotiga ko‘ra, bu sahobiy: "Falastinda yashagan. Uning avlodlari bor bo‘lib, o‘zi hijratning ellik sakkizinchi yili, yetmish besh yoshida vafot etgan. Shaddod ibn Avs ibodatda bardavom mujtahid edi".

Xolid ibn Ma’dan (rahmatullohi alayh) shunday e’tirofni aytadi: "Shom viloyatida Uboda ibn Somit va Shaddod ibn Avsdan ko‘ra ishonchli, faqih kishi yo‘q".

Mufassal o‘ilobiy (rahmatullohi alayh) fikricha esa: "Ansorlarning zohidlari uchtadir: Abu Dardo, Umayr ibn Sa’d va Shaddod ibn Avs".

* * *

Shaddodning beshta farzandi bo‘lgan. O‘g‘illari Ya’lo, Muhammad, Abdulvahhob, Munzir va qizi Xazraj Azd.

* * *

Qatoda (roziyallohu anhu) Shaddod ibn Avsdan bunday rivoyat qiladi: "Ey odamlar, bu dunyo o‘tkinchidir. Undan yaxshi ham, yomon ham nasibasini oladi. Oxirat abadiy bo‘lib, Qodir Podshoh unda hukm qiladi. Ogoh bo‘ling, yaxshilikning barchasi, to‘laligicha jannatdadir. Yomonlikning barchasi butunicha do‘zaxdadir".

Fayzo tayyorladi  | Hidoyat.uz

Мулоҳаза қўшиш


Ҳимоя коди
Янгилаш