Сувайба Асламия

Рукн: Саҳобалар Чоп этилган: 25.09.2017

Сувайба Асламия Абу Лаҳабнинг жорияси эди. У муборак чақалоқ туғилганини эшитиб, қувонди. Сўнгра гўдак туғилишини кутаётган хожасининг ҳузурига ошиқди ва хушхабарни етказди. Абу Лаҳаб укаси Абдуллоҳнинг фарзанди туғилгани ҳақидаги хабарни эшитиб, севинди ва эҳсон тарзида Сувайбани озод қилди.

Урва (розияллоҳу анҳу) айтади: "Абу Лаҳаб вафот этгач, аҳлидан бири уни тушида кўради ва ундан: "Ҳолинг не кечди?" деб сўрайди. Абу Лаҳаб: "Сизлардан сўнг менга ҳеч бир яхшилик етмади. Фақат Сувайбани озод қилганим эвазига чанқоғим қондирилди", деб бош бармоғи билан ўрта бармоғининг орасидаги чуқурчага ишора қилди" (Имом Бухорий).

Суҳайлий ва бошқалар (розияллоҳу анҳум) айтади: "Туш кўрган киши Аббосдир (розияллоҳу анҳу). Бу воқеа Абу Лаҳабнинг вафотидан бир йил ўтиб, бўлган".

Расулуллоҳни (соллаллоҳу алайҳи ва саллам) оналари Оминадан сўнг Абу Лаҳабнинг жорияси Сувайба Асламия эмизган.

Барро бинти Абу Тижора (розияллоҳу анҳо) айтади: "Ҳалима келишидан илгари Сувайба ўғли Масрухнинг сути билан Расулуллоҳни (алай­ҳиссалом) бир кун эмизди. Бундан олдин Ҳамза ибн Абдулмутталиб, сўнг Абу Салама ибн Абдуласад Махзумийни эмизган. Шунинг учун улар Расулуллоҳ (соллаллоҳу алайҳи ва саллам) билан эмикдошлардир".

Набий (алайҳиссалом) Сувайбани ҳурмат қилар, уни тез-тез зиёрат қилиб турардилар. Хадича (розияллоҳу анҳо) онамиз ҳам Сувайбани қадрларди.

Сувайба Исломни қабул қилган.

Ҳижрий еттинчи йили вафот этган.

Иқболой Наримонова тайёрлади  | Hidoyat.uz

Suvayba Aslamiya Abu Lahabning joriyasi edi. U muborak chaqaloq tug‘ilganini eshitib, quvondi. So‘ngra go‘dak tug‘ilishini kutayotgan xojasining huzuriga oshiqdi va xushxabarni yetkazdi. Abu Lahab ukasi Abdullohning farzandi tug‘ilgani haqidagi xabarni eshitib, sevindi va ehson tarzida Suvaybani ozod qildi.

Urva (roziyallohu anhu) aytadi: "Abu Lahab vafot etgach, ahlidan biri uni tushida ko‘radi va undan: "Holing ne kechdi?" deb so‘raydi. Abu Lahab: "Sizlardan so‘ng menga hech bir yaxshilik yetmadi. Faqat Suvaybani ozod qilganim evaziga chanqog‘im qondirildi", deb bosh barmog‘i bilan o‘rta barmog‘ining orasidagi chuqurchaga ishora qildi" (Imom Buxoriy).

Suhayliy va boshqalar (roziyallohu anhum) aytadi: "Tush ko‘rgan kishi Abbosdir (roziyallohu anhu). Bu voqea Abu Lahabning vafotidan bir yil o‘tib, bo‘lgan".

Rasulullohni (sollallohu alayhi va sallam) onalari Ominadan so‘ng Abu Lahabning joriyasi Suvayba Aslamiya emizgan.

Barro binti Abu Tijora (roziyallohu anho) aytadi: "Halima kelishidan ilgari Suvayba o‘g‘li Masruxning suti bilan Rasulullohni (alay­hissalom) bir kun emizdi. Bundan oldin Hamza ibn Abdulmuttalib, so‘ng Abu Salama ibn Abdulasad Maxzumiyni emizgan. Shuning uchun ular Rasululloh (sollallohu alayhi va sallam) bilan emikdoshlardir".

Nabiy (alayhissalom) Suvaybani hurmat qilar, uni tez-tez ziyorat qilib turardilar. Xadicha (roziyallohu anho) onamiz ham Suvaybani qadrlardi.

Suvayba Islomni qabul qilgan.

Hijriy yettinchi yili vafot etgan.

Iqboloy Narimonova tayyorladi  | Hidoyat.uz

Мулоҳаза қўшиш


Ҳимоя коди
Янгилаш