“Шайх Зайниддин” жоме масжидида Қуръони карим хатмонаси

Рукн: Янгиликлар Чоп этилган: 09.07.2015

“Шайх Зайниддин” жоме масжидида 7 июль куни таровеҳ намозида бошланган Қуръони карим тиловати Ҳасанхон қори ва Насруллоҳ қорилар томонидан тамомига етказилди.

10 мингдан ортиқ намозхон иштирок этган хатмонада бир қатор диний уламолар, устозлар, мураттаб қорилар ва имом домлалар иштирок этишди. Хусусан, Тошкент шаҳар бош имом хатиби, устоз Анвар қори Турсунов ҳамда Ўзбекистон Республикаси Вазирлар Маҳкамаси қошидаги дин ишлар бўйича қўмита мутахассиси, устоз Муҳаммад Бобур Йўлдош домлалар ташриф буюриб, ўзларининг ибратли насиҳатлари билан жамоатни хушнуд этишди. Хатмона дуосини Ҳасанхон қори ўқиди.

Хатмона якунида устоз Муҳаммад Бобур Йўлдош домла ва Тошкент шаҳар Шайхонтоҳур туман бош имом-хатиби, “Шайх Зайниддин” жоме масжид имоми Одилхон қори Юнусхон ўғли томонидан юртимиз тинчлиги ва элимиз фаровонлиги ҳамда дуоталаб намозхонлар хаққига дуои фотиҳалар қилинди.

Қуйидаги суратлари “Шайх Зайниддин” жоме масжиди матбуот хизмати томонидан тақдим этилган.

* * *

“Shayx Zayniddin” jome masjidida 7 iyul kuni taroveh namozida boshlangan Qur’oni karim tilovati Hasanxon qori va Nasrulloh qorilar tomonidan tamomiga yetkazildi.

 10 mingdan ortiq namozxon ishtirok etgan xatmonada bir qator diniy ulamolar, ustozlar, murattab qorilar va imom domlalar ishtirok etishdi. Xususan, Toshkent shahar bosh imom xatibi, ustoz Anvar qori Tursunov hamda O‘zbekiston Respublikasi Vazirlar Mahkamasi qoshidagi din ishlar bo‘yicha qo‘mita mutaxassisi, ustoz Muhammad Bobur Yo‘ldosh domlalar tashrif buyurib, o‘zlarining ibratli nasihatlari bilan jamoatni xushnud etishdi. Xatmona duosini Hasanxon qori o‘qidi.

 Xatmona yakunida ustoz Muhammad Bobur Yo‘ldosh domla va Toshkent shahar Shayxontohur tuman bosh imom-xatibi, “Shayx Zayniddin” jome masjid imomi Odilxon qori Yunusxon o‘g‘li tomonidan yurtimiz tinchligi va elimiz farovonligi hamda duotalab namozxonlar xaqqiga duoi fotihalar qilindi.

Quyidagi suratlari “Shayx Zayniddin” jome masjidi matbuot xizmati tomonidan taqdim etilgan.