Андижондаги “Девонабой” жоме масжидида таровиҳ манзаралари

Андижон шаҳридаги “Девонабой” жоме масжидида ҳам тровиҳ намозлари хатми Қуръон билан адо этилмоқда. 3 июль кунги таровиҳ намозида ушбу тарихий масжидга Ўзбекистон мусулмонлари идораси раиси, муфтий Усмонхон Алимов ташриф буюриб, “Тинчлик неъматининг қадри ва фарзандлар тарбияси” мавзуларида маърузалари билан барчани хушнуд этдилар.

“Девонабой” жоме масжидида хатмона, Рамазоннинг 20-кечаси, 6 июль, душанба кунига белгиланган.

Ҳозирги кунда Андижон вилоятида 181 та масжид фаолият юритаётган бўлиб, уларнинг барчасида таровиҳ намозлари ўқиляпти, 158 та масжидда хатми Қуръон ўтказилмоқда. Истиқлолгача Андижон вилоятида атиги 8 та масжид фаолият кўрсатган бўлиб, уларнинг фақат 3 тасида хатми Қуръон ўтказилган.

* * *

Andijon shahridagi “Devonaboy” jome masjidida ham trovih namozlari xatmi Qur’on bilan ado etilmoqda. 3 iyul kungi tarovih namozida ushbu tarixiy masjidga O‘zbekiston musulmonlari idorasi raisi, muftiy Usmonxon Alimov tashrif buyurib, “Tinchlik ne’matining qadri va farzandlar tarbiyasi” mavzularida ma’ruzalari bilan barchani xushnud etdilar.

“Devonaboy” jome masjidida xatmona, Ramazonning 20-kechasi, 6 iyul, dushanba kuniga belgilangan.

Hozirgi kunda Andijon viloyatida 181 ta masjid faoliyat yuritayotgan bo‘lib, ularning barchasida tarovih namozlari o‘qilyapti, 158 ta masjidda xatmi Qur’on o‘tkazilmoqda. Istiqlolgacha Andijon viloyatida atigi 8 ta masjid faoliyat ko‘rsatgan bo‘lib, ularning faqat 3 tasida xatmi Qur’on o‘tkazilgan.

• Олдинги
• Кейинги