“Ҳазрати Имом” жоме масжидида хатмона

Тошкент шаҳрининг “Ҳазрати Имом” жоме масжидида Қуръони карим хатмонаси адо этилди. 15 кун давом этган хатми Қуръонда Исмоилжон қори ва Аҳмадхон қорилар гўзал қироатлари билан жамоатни мамнун қилдилар. Қуръони каримнинг сўнги сураларини устоз Яхёхон қори тиловат қилиб берди.

Хатмонада иштирок этган Ўзбекистон Мусулмонлари идораси раиси, муфтий Усмонхон Алимов “Масжид ҳовлисини тўлдириб, Қуръон тиловатларини тинглаб, яхши дуолар қилиб ўтирган инсонларни кўриш кўнгилга фараҳ уйғотади, Қуръонсевар, илмпарвар, мухлис халқимиз бор экан, ўтмишда бўлганидек, келгусида ҳам халқимиз орасидан етук олим ва қорилар етишиб чиқади, иншааллоҳ”, дея таъкидладилар.

Фотосуратлар muslim.uz томонидан тақдим этилган.

* * *

Toshkent shahrining “Hazrati Imom” jome masjidida Qur’oni karim xatmonasi ado etildi. 15 kun davom etgan xatmi Qur’onda Ismoiljon qori va Ahmadxon qorilar go‘zal qiroatlari bilan jamoatni mamnun qildilar. Qur’oni karimning so‘ngi suralarini ustoz Yaxyoxon qori tilovat qilib berdi.

Xatmonada ishtirok etgan O‘zbekiston Musulmonlari idorasi raisi, muftiy Usmonxon Alimov “Masjid hovlisini to‘ldirib, Qur’on tilovatlarini tinglab, yaxshi duolar qilib o‘tirgan insonlarni ko‘rish ko‘ngilga farah uyg‘otadi, Qur’onsevar, ilmparvar, muxlis xalqimiz bor ekan, o‘tmishda bo‘lganidek, kelgusida ham xalqimiz orasidan yetuk olim va qorilar yetishib chiqadi, inshaalloh”, deya ta’kidladilar.

Fotosuratlar muslim.uz tomonidan taqdim etilgan.

• Олдинги
• Кейинги