“Чимир ота” жоме масжидида таровиҳ манзаралари

Тошкент шаҳрининг Шифокорлар шаҳарчасида жойлашган “Чимир ота” жомеъ масжидида таровиҳ намозлари хатми Қуръон билан адо этилмоқда. Қуръони карим хатмонаси 27 кунлик этиб белгиланган. Масжид имом-хатиби ноиби Абдулбосит қори ва Муҳаммадҳожи мирзо Мўминжон қори ўғли гўзал қироатлари билан жамоатни хурсанд қилмоқдалар.

Ўтган йили тўлиқ қайта таъмирланган масжид тарихий анъаналаримизга мос ҳолда пишиқ ғиштдан жуда чиройли қилиб тикланган. 40 квадрат метр майдонни эгаллаган масжид хонақоҳи бўйи 35 метр, хонақоҳ ичидан гумбазнинг баландлиги 27 метрдир. Масжидга ажратилган умумий ер майдони ярим гектарга яқин. Хонақоҳ ва айвонларга бир вақтда 2000 дан ортиқ намозхон жойлашиши мумкин.

Шинамгина безатилган қироатхона, кутубхона ва янги таҳоратхоналар намозхонлар ихтиёрида. Масжидда айвонлар, намоз ўқиш учун қўшимча бинолар мавжуд.

2014 йили Islom.uz портали томонидан ташкил қилинган “Энг обод масжид” кўрик-танловида “Чимир ота” жомеъ масжиди ғолиб деб топилган эди.

Қуйида таровиҳ намозидан лавҳалар билан танишинг.

* * *

Toshkent shahrining Shifokorlar shaharchasida joylashgan “Chimir ota” jome’ masjidida tarovih namozlari xatmi Qur’on bilan ado etilmoqda. Qur’oni karim xatmonasi 27 kunlik etib belgilangan. Masjid imom-xatibi noibi Abdulbosit qori va Muhammadhoji mirzo Mo‘minjon qori o‘g‘li go‘zal qiroatlari bilan jamoatni xursand qilmoqdalar.

O‘tgan yili to‘liq qayta ta’mirlangan masjid tarixiy an’analarimizga mos holda pishiq g‘ishtdan juda chiroyli qilib tiklangan. 40 kvadrat metr maydonni egallagan masjid xonaqohi bo‘yi 35 metr, xonaqoh ichidan gumbazning balandligi 27 metrdir. Masjidga ajratilgan umumiy yer maydoni yarim gektarga yaqin. Xonaqoh va ayvonlarga bir vaqtda 2000 dan ortiq namozxon joylashishi mumkin.

Shinamgina bezatilgan qiroatxona, kutubxona va yangi tahoratxonalar namozxonlar ixtiyorida. Masjidda ayvonlar, namoz o‘qish uchun qo‘shimcha binolar mavjud.

2014 yili Islom.uz portali tomonidan tashkil qilingan “Eng obod masjid” ko‘rik-tanlovida “Chimir ota” jome’ masjidi g‘olib deb topilgan edi.

Quyida tarovih namozidan lavhalar bilan tanishing.

• Олдинги
• Кейинги