Рамазон ойи арафасида бир қанча масжидлар фойдаланишга топширилди

Рамазон ойи арафасида юртимиздаги бир нечта масжидлар таъмирланиб, ибодат учун янги бинолар қурилмоқда. Бу ҳақда Ўзбекистон Мусулмонлар идорасининг muslim.uz сайти хабар бермоқда.

Наманган вилояти Уйчи тумани Ўнаҳаят шаҳарчасида жойлашган “Машҳад мозор” жомеъ масжиди хонақоси ҳам қайта таъмирланди. Шу йилнинг 29 май, муборак жума куни  масжид хонақосини очилиш маросими бўлиб ўтди. Масжид замонавий усулда 3 қават қилиб қурилган ҳамда ўртадаги асосий гумбаз атрофида 4 та баланд миноралар ўрнатилган.

Навоий вилояти Қизилтепа туманидаги ҳазрат Боязид Бистомий зиёратгоҳида 1925 йилгача маҳобатли масжид бўлиб, совет даврида  бузиб ташланган эди.  1990 йили бузиб ташланган масжид ҳашар йўли  билан имкон қадар қайта тикланди. 2015 йилнинг 29 май – муборак  жума куни ҳазрат Бистомий номи билан юритиладиган масжид асосий биносининг  биринчи ғишти қўйилди.

* * *

Ramazon oyi arafasida yurtimizdagi bir nechta masjidlar ta’mirlanib, ibodat uchun yangi binolar qurilmoqda. Bu haqda O‘zbekiston Musulmonlar idorasining muslim.uz sayti xabar bermoqda.

Namangan viloyati Uychi tumani O‘nahayat shaharchasida joylashgan “Mashhad mozor” jome’ masjidi xonaqosi ham qayta ta’mirlandi. Shu yilning 29 may, muborak juma kuni  masjid xonaqosini ochilish marosimi bo‘lib o‘tdi. Masjid zamonaviy usulda 3 qavat qilib qurilgan hamda o‘rtadagi asosiy gumbaz atrofida 4 ta baland minoralar o‘rnatilgan.

Navoiy viloyati Qiziltepa tumanidagi hazrat Boyazid Bistomiy ziyoratgohida 1925 yilgacha mahobatli masjid bo‘lib, sovet davrida  buzib tashlangan edi.  1990 yili buzib tashlangan masjid hashar yo‘li  bilan imkon qadar qayta tiklandi. 2015 yilning 29 may – muborak  juma kuni hazrat Bistomiy nomi bilan yuritiladigan masjid asosiy binosining  birinchi g‘ishti qo‘yildi.

• Олдинги
• Кейинги