Расулуллоҳ (с.а.в.) ҳақларидаги энг яхши ҳикоя муаллифларига ҳаж йўлланмаси ва BMW X6 автомобили!

“Ҳалол” ижтимоий тармоқ сифатида фаолият кўрсатувчи Kitab сайтида бош мукофот сифатида BMW X6 русумли автомашина қўйилган Расуллулоҳ (с.а.в.)га бағишланган танлов эълон қилинди. Бу ҳақда Голос Ислама нашрига иқтибосан Инфо.Ислом.уз хабар берди.

Россиянинг Осиё қисми мусулмонлари диний бошқармаси ташаббуси билан бошланган “Расулуллоҳ” (с.а.в.) номли ушбу танловда ўзининг миллати ва динидан қатъий назар барча ҳоҳловчилар иштирок этиши мумкин.

Бунинг учун 2015 йил 24 апрелдан 17 июлга қадар Kitab.me ижтимоий тармоғининг “Расулуллоҳ” (с.а.в.) лойиҳаси тегишли номинациясига бағишланган саҳифасида “Сен учун Муҳаммад Расулуллоҳ (с.а.в.) ким?” саволига батафсил жавобни нашр этмоғи лозим.

Танловга ишлар турли кўринишларда қабул қилинади, яъни бу бир қайд, ҳикоя, очерк, эссе, репортаж, фото ёки видеоматериаллардан иборат бўлиши мумкин. Шунингдек, ҳозирги кунда оммабоп бўлган “мем”лар, яъни матнли суратлар ҳам иштирок этиши мумкин.

Тўрт номинациянинг ҳар бири бўйича энг яхши ишлар - бутун дунё мусулмонлари нишонлайдиган энг муҳим байрамлардан бири бўлган Ийд Ал-Фитр (Рамазон ҳайити) - 17 июл куни умумхалқ овоз бериш якунларига кўра аниқланади. Аввал биринчи ўнта финалчининг номи эълон қилинади, сўнг эксперт хакамлар хайъати улар орасидан энг яхши учта ғолибни белгилайди.

Ташкилотчиларнинг сўзларига кўра, ғолибларни қимматбаҳо мукофотлар кутмоқда – ҳаж ибодатига йўлланма, замонавий компютер ва мобил техника. Бош ғолиб эса BMW X6 соҳибига айланади.

* * *

“Halol” ijtimoiy tarmoq sifatida faoliyat ko‘rsatuvchi Kitab saytida bosh mukofot sifatida BMW X6 rusumli avtomashina qo‘yilgan Rasulluloh (s.a.v.)ga bag‘ishlangan tanlov e’lon qilindi. Bu haqda Golos Islama nashriga iqtibosan Info.Islom.uz xabar berdi.

Rossiyaning Osiyo qismi musulmonlari diniy boshqarmasi tashabbusi bilan boshlangan “Rasululloh” (s.a.v.) nomli ushbu tanlovda o‘zining millati va dinidan qat’iy nazar barcha hohlovchilar ishtirok etishi mumkin.

Buning uchun 2015 yil 24 apreldan 17 iyulga qadar Kitab.me ijtimoiy tarmog‘ining “Rasululloh” (s.a.v.) loyihasi tegishli nominatsiyasiga bag‘ishlangan sahifasida “Sen uchun Muhammad Rasululloh (s.a.v.) kim?” savoliga batafsil javobni nashr etmog‘i lozim.

Tanlovga ishlar turli ko‘rinishlarda qabul qilinadi, ya’ni bu bir qayd, hikoya, ocherk, esse, reportaj, foto yoki videomateriallardan iborat bo‘lishi mumkin. Shuningdek, hozirgi kunda ommabop bo‘lgan “mem”lar, ya’ni matnli suratlar ham ishtirok etishi mumkin.

To‘rt nominatsiyaning har biri bo‘yicha eng yaxshi ishlar - butun dunyo musulmonlari nishonlaydigan eng muhim bayramlardan biri bo‘lgan Iyd Al-Fitr (Ramazon hayiti) - 17 iyul kuni umumxalq ovoz berish yakunlariga ko‘ra aniqlanadi. Avval birinchi o‘nta finalchining nomi e’lon qilinadi, so‘ng ekspert xakamlar xay’ati ular orasidan eng yaxshi uchta g‘olibni belgilaydi.

Tashkilotchilarning so‘zlariga ko‘ra, g‘oliblarni qimmatbaho mukofotlar kutmoqda – haj ibodatiga yo‘llanma, zamonaviy kompyuter va mobil texnika. Bosh g‘olib esa BMW X6 sohibiga aylanadi.

• Олдинги
• Кейинги