Диний-маърифий мавзудаги энг яхши ижодий ишлар танловига марҳамат!

Рукн: Янгиликлар Чоп этилган: 22.10.2014

Вазирлар Маҳкамаси ҳузуридаги Дин ишлари бўйича қўмита, Ўзбекистон матбуот ва ахборот агентлиги, Ўзбекистон Миллий телерадиокомпанияси, Ўзбекистон мусулмонлари идораси, Тошкент ислом университети билан ҳамкорликда мустақиллик йиллари Ўзбекистонда диний-маърифий соҳада амалга оширилаётган ислоҳотларни кенг тарғиб этиш, динлараро бағрикенглик ва ҳамкорлик ғояларини оммалаштириш, халқимиз, айниқса, ўсиб келаётган ёш авлод онгида ёт ғояларга қарши мустаҳкам иммунитетни шакллантириш мақсадида “Сарҳисоб” танловини ўтказади.

Танловга 2014 йилнинг 1январидан 2014 йилнинг 21 ноябригача газета ва журналларда босилган, радио орқали эфирга узатилган, телевиденияда кўрсатилган ва Интернет тармоғида эълон қилинган материаллар 2014 йилнинг 28 ноябирига қадар қабул қилинади. 
Танловда ғолиб деб топилганлар қуйидаги мукофотлар билан тақдирланади:
Бош мукофот. Диний-маърифий мавзудаги энг яхши ижодий иш.
Ғолиб махсус диплом ва ташкилотчиларнинг қимматбаҳо эсдалик совғалари билан тақдирланади.

Асосий мукофотлар:
Энг яхши ижодий иш учун мукофот (телевидение 1-, 2- ва 3-ўринлар);
Энг яхши ижодий иш учун мукофот (радио 1-, 2- ва 3-ўринлар);
Энг яхши ижодий иш учун мукофот (даврий матбуот 1-, 2- ва 3-ўринлар);
Энг яхши ижодий иш учун мукофот (Интернет 1-, 2- ва 3-ўринлар);
Теле- ва радиодастурларда иштирок этган “Энг фаол тарғиботчи” (1-, 2- ва 3-ўринлар);
1-, 2- ва 3- ўринни олган ғолиблар диплом ва ташкилотчиларнинг қимматбаҳо эсдалик совғалари билан тақдирланади.

Танловга теле-, радио-, босма материаллар ҳамда Интернетда эълон қилинган ишлар тақдим этилади (3 тадан кам бўлмаслиги керак). 
Телевидение бўйича видеоматериаллар, ахборот ташувчи воситанинг қандай кўринишда бўлишидан қатъий назар, 5 минутдан 30 минутгача бўлиши керак. 
Радиоэшиттиришлар (аудиокассета ёки системали диск) 5 минутдан 30 минутгача бўлиши керак. 
Матбуот ва Интернет материаллари даврий нашрнинг асл нусхаси ёки  кўчирма  нусхасида тақдим этилиши лозим.

Танловга юборилган материалларга қуйидагилар илова қилинади: 
- муаллифнинг исми-шарифи, ўз соҳасида олиб бораётган фаолияти тўғрисида қисқача маълумот;
- муаллифнинг турар жойи, уй ва иш те6лефонлари;
- паспорт нусхаси. Танловда иштирок этувчиларнинг материаллари Ўзбекистон мусулмонлари идорасининг Матбуот хизматига топширилади

Манзил: 100002, Тошкент ш., Қорасарой кўчаси 47- уй.
Тел.: (+998 71) 240-39-33, (+998 71) 150-64-33.

Танловда иштирок этувчилар соҳаси чегараланмайди. Танлов ғолибларини мукофотлаш маросими 2014 йил декабрь ойининг иккинчи ўн кунлигида ўтказилади.

* * *

Vazirlar Mahkamasi huzuridagi Din ishlari bo‘yicha qo‘mita, O‘zbekiston matbuot va axborot agentligi, O‘zbekiston Milliy teleradiokompaniyasi, O‘zbekiston musulmonlari idorasi, Toshkent islom universiteti bilan hamkorlikda mustaqillik yillari O‘zbekistonda diniy-ma’rifiy sohada amalga oshirilayotgan islohotlarni keng targ‘ib etish, dinlararo bag‘rikenglik va hamkorlik g‘oyalarini ommalashtirish, xalqimiz, ayniqsa, o‘sib kelayotgan yosh avlod ongida yot g‘oyalarga qarshi mustahkam immunitetni shakllantirish maqsadida “Sarhisob” tanlovini o‘tkazadi.

Tanlovga 2014 yilning 1yanvaridan 2014 yilning 21 noyabrigacha gazeta va jurnallarda bosilgan, radio orqali efirga uzatilgan, televideniyada ko‘rsatilgan va Internet tarmog‘ida e’lon qilingan materiallar 2014 yilning 28 noyabiriga qadar qabul qilinadi.
Tanlovda g‘olib deb topilganlar quyidagi mukofotlar bilan taqdirlanadi:
Bosh mukofot. Diniy-ma’rifiy mavzudagi eng yaxshi ijodiy ish.
G‘olib maxsus diplom va tashkilotchilarning qimmatbaho esdalik sovg‘alari bilan taqdirlanadi.

Asosiy mukofotlar:
Eng yaxshi ijodiy ish uchun mukofot (televideniye 1-, 2- va 3-o‘rinlar);
Eng yaxshi ijodiy ish uchun mukofot (radio 1-, 2- va 3-o‘rinlar);
Eng yaxshi ijodiy ish uchun mukofot (davriy matbuot 1-, 2- va 3-o‘rinlar);
Eng yaxshi ijodiy ish uchun mukofot (Internet 1-, 2- va 3-o‘rinlar);
Tele- va radiodasturlarda ishtirok etgan “Eng faol targ‘ibotchi” (1-, 2- va 3-o‘rinlar);
1-, 2- va 3- o‘rinni olgan g‘oliblar diplom va tashkilotchilarning qimmatbaho esdalik sovg‘alari bilan taqdirlanadi.

Tanlovga tele-, radio-, bosma materiallar hamda Internetda e’lon qilingan ishlar taqdim etiladi (3 tadan kam bo‘lmasligi kerak).
Televideniye bo‘yicha videomateriallar, axborot tashuvchi vositaning qanday ko‘rinishda bo‘lishidan qat’iy nazar, 5 minutdan 30 minutgacha bo‘lishi kerak.
Radioeshittirishlar (audiokasseta yoki sistemali disk) 5 minutdan 30 minutgacha bo‘lishi kerak.
Matbuot va Internet materiallari davriy nashrning asl nusxasi yoki ko‘chirma nusxasida taqdim etilishi lozim.

Tanlovga yuborilgan materiallarga quyidagilar ilova qilinadi:
- muallifning ismi-sharifi, o‘z sohasida olib borayotgan faoliyati to‘g‘risida qisqacha ma’lumot;
- muallifning turar joyi, uy va ish te6lefonlari;
- pasport nusxasi. Tanlovda ishtirok etuvchilarning materiallari O‘zbekiston musulmonlari idorasining Matbuot xizmatiga topshiriladi

Manzil: 100002, Toshkent sh., Qorasaroy ko‘chasi 47- uy.
Tel.: (+998 71) 240-39-33, (+998 71) 150-64-33.

Tanlovda ishtirok etuvchilar sohasi chegaralanmaydi. Tanlov g‘oliblarini mukofotlash marosimi 2014 yil dekabr oyining ikkinchi o‘n kunligida o‘tkaziladi.