Тошкент шаҳридаги “Авайхон” жоме масжиди қайта қурилмоқда

Ўзбекистон мусулмонлари идораси масжидлар бўлимининг хабар қилишича, Тошкент шаҳри Мирзо Улуғбек туманида жойлашган “Авайхон” жоме масжиди жамоаси ҳам масжидни тўлиқ қайта қуришга бел боғлади. Узунлиги 23 метр, эни 16 метрни ташкил этиб, бир вақтни ўзида етти юздан зиёд намозхонларни сиғдира оладиган замонавий лойиҳа асосида қад ростлаши режалаштирилаётган масжид биносини қурилиш ишлари июн ойининг 17 куни бошланди.

 Ушбу тадбирга Ўзбекистон мусулмонлари идораси раиси, муфтий Усмонхон Алимов ҳамда идоранинг Масжидлар бўлими мудири Муҳаммадназар Қаюмов ва бир қанча меҳмонлар ташриф буюрди. Муфтий ҳазратлари тадбирда сўз олиб, ушбу хайрли ишларнинг бошида турган масжид жамоаси ва ҳомийларни дуо қилдилар ва жамоа таклифига кўра хонақонинг биринчи ғиштини қўйиб бердилар.

* * *

O‘zbekiston musulmonlari idorasi masjidlar bo‘limining xabar qilishicha, Toshkent shahri Mirzo Ulug‘bek tumanida joylashgan “Avayxon” jome masjidi jamoasi ham masjidni to‘liq qayta qurishga bel bog‘ladi. Uzunligi 23 metr, eni 16 metrni tashkil etib, bir vaqtni o‘zida yetti yuzdan ziyod namozxonlarni sig‘dira oladigan zamonaviy loyiha asosida qad rostlashi rejalashtirilayotgan masjid binosini qurilish ishlari iyun oyining 17 kuni boshlandi.

 Ushbu tadbirga O‘zbekiston musulmonlari idorasi raisi, muftiy Usmonxon Alimov hamda idoraning Masjidlar bo‘limi mudiri Muhammadnazar Qayumov va bir qancha mehmonlar tashrif buyurdi. Muftiy hazratlari tadbirda so‘z olib, ushbu xayrli ishlarning boshida turgan masjid jamoasi va homiylarni duo qildilar va jamoa taklifiga ko‘ra xonaqoning birinchi g‘ishtini qo‘yib berdilar.

• Олдинги
• Кейинги