Ўрта Чирчиқ туманидаги Хўжаи Корсоз” жоме масжиди биноси қайта қурилади

Рукн: Янгиликлар Чоп этилган: 06.07.2017

Тошкент вилояти, Ўрта Чирчиқ тумани, Гулзор маҳалласида жойлашган “Хўжаи Корсоз” жоме масжиди биносини қайта қуриш учун тамал тоши қўйилди. Ўзбекистон мусулмонлари идораси раиси, муфтий Усмонхон Алимов ушбу маҳаллага ташриф буюриб, XIII асрда яшаб ўтган “Хўжаи Корсоз” номи билан машҳур зот шарафига бино қилинган масжиднинг янги биносини барпо этишда қатнашаётганлар билан суҳбатлашди.  

Аҳолининг “Хўжаи Корсоз” масжидининг эски биносини бузиб, унинг ўрнига янгисини барпо қилиш бўйича бошлаган саъй-ҳаракатлари амалга кўчди. Муфтий ҳазратлари қурилаётган масжид қиёматгача хизмат қилишини ният қилиб, биринчи ғиштни қўйиб бердилар.

* * *

Toshkent viloyati, O‘rta Chirchiq tumani, Gulzor mahallasida joylashgan “Xo‘jai Korsoz” jome masjidi binosini qayta qurish uchun tamal toshi qo‘yildi. O‘zbekiston musulmonlari idorasi raisi, muftiy Usmonxon Alimov ushbu mahallaga tashrif buyurib, XIII asrda yashab o‘tgan “Xo‘jai Korsoz” nomi bilan mashhur zot sharafiga bino qilingan masjidning yangi binosini barpo etishda qatnashayotganlar bilan suhbatlashdi.  

Aholining “Xo‘jai Korsoz” masjidining eski binosini buzib, uning o‘rniga yangisini barpo qilish bo‘yicha boshlagan sa’y-harakatlari amalga ko‘chdi. Muftiy hazratlari qurilayotgan masjid qiyomatgacha xizmat qilishini niyat qilib, birinchi g‘ishtni qo‘yib berdilar.

Мулоҳаза қўшиш


Ҳимоя коди
Янгилаш