Ўзбекистонда Рамазон ҳайити 26 июнь куни нишонланади

Рукн: Янгиликлар Чоп этилган: 20.06.2017

2017 йил 20 июнь куни Ўзбекистон Республикаси Президентининг Рамазон ҳайитини нишонлаш тўғрисидаги Қарори эълон қилинди.

Қарорда Муборак Рамазон ҳайитининг маънавий ҳаётимиздаги олижаноб фазилатларни, шукроналик, меҳр-оқибат, ҳамжиҳатлик каби эзгу қадриятларни мустаҳкамлаш борасидаги ўрни ва аҳамиятини эътиборга олиб, миллий-диний анъаналаримизни асраб-авайлаш ва улуғлаш мақсадида,  Ўзбекистон мусулмонлари идорасининг 2017 йилда Рамазон ҳайитининг биринчи куни 26 июнь душанба кунига тўғри келиши ҳақида қабул қилган қарорини инобатга олиб, 2017 йил 26 июнь дам олиш куни деб белгиланди ва мамлакатимизда байрам сифатида кенг нишонланиши тавсия этилди.

Республика «Нуроний», «Маҳалла» жамғармалари ва бошқа мутасадди идоралар, жамоат ташкилотлари Рамазон ҳайитини жойларда халқимизнинг миллий урф-одатларига мос тарзда, тартибли ва юқори даражада ўтказиш учун зарур тадбирларни амалга ошириши, Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилди.

2017 yil 20 iyun kuni O‘zbekiston Respublikasi Prezidentining Ramazon hayitini nishonlash to‘g‘risidagi Qarori e’lon qilindi.

Qarorda Muborak Ramazon hayitining ma’naviy hayotimizdagi olijanob fazilatlarni, shukronalik, mehr-oqibat, hamjihatlik kabi ezgu qadriyatlarni mustahkamlash borasidagi o‘rni va ahamiyatini e’tiborga olib, milliy-diniy an’analarimizni asrab-avaylash va ulug‘lash maqsadida,  O‘zbekiston musulmonlari idorasining 2017 yilda Ramazon hayitining birinchi kuni 26 iyun dushanba kuniga to‘g‘ri kelishi haqida qabul qilgan qarorini inobatga olib, 2017 yil 26 iyun dam olish kuni deb belgilandi va mamlakatimizda bayram sifatida keng nishonlanishi tavsiya etildi.

Respublika «Nuroniy», «Mahalla» jamg‘armalari va boshqa mutasaddi idoralar, jamoat tashkilotlari Ramazon hayitini joylarda xalqimizning milliy urf-odatlariga mos tarzda, tartibli va yuqori darajada o‘tkazish uchun zarur tadbirlarni amalga oshirishi, O‘zbekiston Milliy teleradiokompaniyasi, O‘zbekiston Milliy axborot agentligi va boshqa ommaviy axborot vositalariga Ramazon hayitini nishonlash bilan bog‘liq tadbirlarni keng yoritish tavsiya etildi.

Мулоҳаза қўшиш


Ҳимоя коди
Янгилаш