2013 йил Ҳаж мавсуми учун баённома имзоланди

Рукн: Янгиликлар Чоп этилган: 03.05.2013

Шу йилнинг 27 март куни Саудия Арабистони Ҳаж вазирлигининг Жидда шаҳридаги қароргоҳида Подшоҳликнинг Ҳаж ишлари вазири Бандар бин Муҳаммад Ҳажжар билан Ўзбекистон Ҳаж делегацияси ўртасида бўлиб ўтган учрашувда 2013 йил ҳаж мавсумини тартибли ўтказиш бўйича шартнома баённомаси имзоланди.

Ўтган ҳаж мавсумини тартибли ва юқори даражада ўтказишда кўрсатилган ёрдам учун Ҳаж вазирлигининг барча идора ва вакилликларига миннатдорчилик билдирди.

Дин ишлари бўйича қўмита раиси О.Юсупов, Ўзбекистон мусулмонлари идораси раиси, муфтий У.Алимов ва ЎМИ фатво бўлими бошлиғи А.Турсуновлардан иборат Ўзбекистон Ҳаж делегацияси сафар мобайнида Жидда шаҳрида жойлашган Бирлашган вакилликлар уюшмаси раиси вазифасини бажарувчи Аҳмад Бахш бошчилигидаги ҳайъат аъзолари билан ҳам учрашишди. Шунингдек, Туркия, Европа, Америка ва Австралия ҳожилари учун хизмат кўрсатувчи миллий муассаса ҳайъати аъзолари билан ўтган учрашувда ҳайъат раиси Тариқ бин Муҳаммад Анқарий охирги йилларда Ўзбекистон ҳаж ишчи гуруҳи билан муассаса ўртасидаги узвий ҳамкорлик алоқалари такомиллашиб бораётгани, бунинг натижасида ўзбекистонлик ҳожиларнинг ҳаж амалларини бажаришларида қулайлик ва енгилликлар яратилаётганини таъкидлади.

* * *

Shu yilning 27 mart kuni Saudiya Arabistoni Haj vazirligining Jidda shahridagi qarorgohida Podshohlikning Haj ishlari vaziri Bandar bin Muhammad Hajjar bilan O‘zbekiston Haj delegatsiyasi o’rtasida bo’lib o’tgan uchrashuvda 2013 yil haj mavsumini tartibli o‘tkazish bo‘yicha shartnoma bayonnomasi imzolandi.

O‘tgan haj mavsumini tartibli  va yuqori darajada o‘tkazishda  ko‘rsatilgan yordam uchun Haj vazirligining barcha idora va vakilliklariga minnatdorchilik bildirdi.

Din ishlari bo‘yicha qo‘mita raisi O.Yusupov, O‘zbekiston musulmonlari idorasi raisi, muftiy U.Alimov va O‘MI fatvo bo‘limi boshlig‘i A.Tursunovlardan iborat O‘zbekiston Haj delegatsiyasi safar mobaynida Jidda shahrida joylashgan Birlashgan vakilliklar uyushmasi raisi vazifasini bajaruvchi Ahmad Baxsh boshchiligidagi hay’at a’zolari bilan ham uchrashishdi. Shuningdek, Turkiya, Yevropa, Amerika va Avstraliya hojilari uchun xizmat ko‘rsatuvchi milliy muassasa hay’ati a’zolari bilan o’tgan uchrashuvda hay’at raisi Tariq bin Muhammad Anqariy oxirgi yillarda O‘zbekiston haj ishchi guruhi bilan muassasa o‘rtasidagi uzviy hamkorlik aloqalari takomillashib borayotgani, buning natijasida o‘zbekistonlik hojilarning haj amallarini bajarishlarida qulaylik va yengilliklar yaratilayotganini ta’kidladi.