2016 йил учун «Сарҳисоб» танлови эълон қилинди

Рукн: Янгиликлар Чоп этилган: 05.08.2016

Вазирлар Маҳкамаси ҳузуридаги Дин ишлари бўйича қўмита, Ўзбекистон матбуот ва ахборот агентлиги, Ўзбекистон Миллий телерадиокомпанияси, Ўзбекистон мусулмонлари идораси, Тошкент ислом университети билан ҳамкорликда мустақиллик йиллари Ўзбекистонда диний-маърифий соҳада амалга оширилаётган ислоҳотларни кенг тарғиб этиш, тинчлик ва осойишталикни қадрлаш, динлараро бағрикенглик ва ҳамкорлик ғояларини оммалаштириш, халқимиз, айниқса, ўсиб келаётган ёш авлодни ёт ғоялардан ҳимоя қилишда фаоллик кўрсатган ижодкорларни қўллаб-қувватлаш ва муносиб рағбатлантириш мақсадида «Сарҳисоб» танловини ўтказади.

Танловнинг ҳудудий босқичида 2016 йилнинг 1 январидан 2016 йилнинг 1 сентябргача газета ва журналларда босилган, радио орқали эфирга узатилган, телевидениеда кўрсатилган ва Интернет тармоғида эълон қилинган материаллар 2016 йилнинг 10 сентябрига қадар қабул қилинади. Ҳудудий босқич ғолиблари республика босқичида қатнашиш ҳуқуқини қўлга киритишади.

Танловнинг республика босқичи Мустақиллигимизнинг 25 йиллигига бағишлаб ўтказилади. Республика босқичи ғолиблари ҳудудий босқичда ғолиб чиққан иштирокчилар орасидан танлов асосида сараланади. Танловнинг ўтказилиш вақти ОАВда эълон қилинади.

Танловнинг республика босқичида ғолиб деб топилганлар қуйидаги мукофотлар билан тақдирланади:

Бош мукофот. Тинчлик ва осойишталикни қадрлаш мавзусидаги энг яхши ижодий иш. Ғолиб махсус диплом ва ташкилотчиларнинг қимматбаҳо совғалари билан тақдирланади.

Асосий мукофотлар:

Энг яхши ижодий иш учун мукофот (телевидение – 1 -, 2-, 3- ўринлар);     

Энг яхши ижодий иш учун мукофот (радио – 1-, 2-, 3- ўринлар);   

Энг яхши ижодий иш учун мукофот (даврий матбуот – 1-, 2-, 3- ўринлар);

Энг яхши ижодий иш учун мукофот (Интернет – 1-, 2-, 3- ўринлар); 

«Энг фаол тарғиботчи» (1-, 2-, 3- ўринлар); 

Ғолибларга асосий мукофотларга қўшимча тарзда ташкилотчиларнинг қимматбаҳо совғалари ҳам топширилади.  

Танловга теле-, радио-, босма материаллар ҳамда Интернетда эълон қилинган ишлар тақдим этилади (3 тадан кам бўлмаслиги керак).

Телевидение бўйича видеоматериаллар, ахборот ташувчи воситанинг қандай кўринишда бўлишидан қатъи назар, 5 минутдан 30 минутгача бўлиши керак. 

Радиоэшиттиришлар (аудиокассета ёки системали диск) 5 минутдан 30 минутгача бўлиши керак.

Матбуот ва Интернет материаллари даврий нашрнинг асл нусхаси ёки кўчирма нусхасида тақдим этилиши лозим.

Танловга юборилган материалларга қуйидагилар илова қилинади:

- муаллифнинг исми-шарифи, ўз соҳасида олиб бораётган фаолияти тўғрисида қисқача маълумот;

- муаллифнинг турар жойи, уй ва иш телефонлари;    

- паспорт нусхаси.

Танловда иштирок этувчиларнинг материаллари қуйидаги манзилга топширилади: Тошкент шаҳар, Олмазор тумани, Қорасарой кўчаси, 47-уй, тел.: 150-64-33.

* * *

Vazirlar Mahkamasi huzuridagi Din ishlari bo‘yicha qo‘mita, O‘zbekiston matbuot va axborot agentligi, O‘zbekiston Milliy teleradiokompaniyasi, O‘zbekiston musulmonlari idorasi, Toshkent islom universiteti bilan hamkorlikda mustaqillik yillari O‘zbekistonda diniy-ma’rifiy sohada amalga oshirilayotgan islohotlarni keng targ‘ib etish, tinchlik va osoyishtalikni qadrlash, dinlararo bag‘rikenglik va hamkorlik g‘oyalarini ommalashtirish, xalqimiz, ayniqsa, o‘sib kelayotgan yosh avlodni yot g‘oyalardan himoya qilishda faollik ko‘rsatgan ijodkorlarni qo‘llab-quvvatlash va munosib rag‘batlantirish maqsadida «Sarhisob» tanlovini o‘tkazadi.

Tanlovning hududiy bosqichida 2016 yilning 1 yanvaridan 2016 yilning 1 sentyabrgacha gazeta va jurnallarda bosilgan, radio orqali efirga uzatilgan, televidenieda ko‘rsatilgan va Internet tarmog‘ida e’lon qilingan materiallar 2016 yilning 10 sentyabriga qadar qabul qilinadi. Hududiy bosqich g‘oliblari respublika bosqichida qatnashish huquqini qo‘lga kiritishadi.

Tanlovning respublika bosqichi Mustaqilligimizning 25 yilligiga bag‘ishlab o‘tkaziladi. Respublika bosqichi g‘oliblari hududiy bosqichda g‘olib chiqqan ishtirokchilar orasidan tanlov asosida saralanadi. Tanlovning o‘tkazilish vaqti OAVda e’lon qilinadi.

Tanlovning respublika bosqichida g‘olib deb topilganlar quyidagi mukofotlar bilan taqdirlanadi:

Bosh mukofot. Tinchlik va osoyishtalikni qadrlash mavzusidagi eng yaxshi ijodiy ish. G‘olib maxsus diplom va tashkilotchilarning qimmatbaho sovg‘alari bilan taqdirlanadi.

Asosiy mukofotlar:

Eng yaxshi ijodiy ish uchun mukofot (televidenie – 1 -, 2-, 3- o‘rinlar);     

Eng yaxshi ijodiy ish uchun mukofot (radio – 1-, 2-, 3- o‘rinlar);   

Eng yaxshi ijodiy ish uchun mukofot (davriy matbuot – 1-, 2-, 3- o‘rinlar);

Eng yaxshi ijodiy ish uchun mukofot (Internet – 1-, 2-, 3- o‘rinlar); 

«Eng faol targ‘ibotchi» (1-, 2-, 3- o‘rinlar); 

G‘oliblarga asosiy mukofotlarga qo‘shimcha tarzda tashkilotchilarning qimmatbaho sovg‘alari ham topshiriladi.  

Tanlovga tele-, radio-, bosma materiallar hamda Internetda e’lon qilingan ishlar taqdim etiladi (3 tadan kam bo‘lmasligi kerak).

Televidenie bo‘yicha videomateriallar, axborot tashuvchi vositaning qanday ko‘rinishda bo‘lishidan qat’i nazar, 5 minutdan 30 minutgacha bo‘lishi kerak. 

Radioeshittirishlar (audiokasseta yoki sistemali disk) 5 minutdan 30 minutgacha bo‘lishi kerak.

Matbuot va Internet materiallari davriy nashrning asl nusxasi yoki ko‘chirma nusxasida taqdim etilishi lozim.

Tanlovga yuborilgan materiallarga quyidagilar ilova qilinadi:

- muallifning ismi-sharifi, o‘z sohasida olib borayotgan faoliyati to‘g‘risida qisqacha ma’lumot;

- muallifning turar joyi, uy va ish telefonlari;    

- pasport nusxasi.

Tanlovda ishtirok etuvchilarning materiallari quyidagi manzilga topshiriladi: Toshkent shahar, Olmazor tumani, Qorasaroy ko‘chasi, 47-uy, tel.: 150-64-33.