Шайх Муҳаммад Содиқ Муҳаммад Юсуф ҳазратлари “Шайх Зайниддин” қабристонига дафн этилди

Шайх Муҳаммад Содиқ Муҳаммад Юсуф ҳазратларини сўнгги манзилга кузатиш маросими Тошкент шаҳрининг Кўкча даҳаси, “Шайх Зайниддин” жомеъ масжидида ўтказилди. Жаноза маросимида республикамизнинг турли вилоятлари ва бошқа юртлардан ташриф буюрган тахминан 200 000 киши иштирок этди.

Жаноза намозига ташриф буюрганлар сафи жомеъ масжидидан ташқарига чиқиб, 1 километргача чўзилган. Зиёратчилар зичлигидан елкага сажда қилинди.

12:30 да пешин намозига азон айтилди. Намоз адо этиб бўлингандан сўнг, Ўзбекистон мусулмонлари идораси раиси, муфтий Усмонхон Алимов ҳамдардлик изҳор қилиб, Шайх ҳазратларининг қилган ишлари ҳақида нутқ сўзлади. Жаноза намозини Шайх ҳазратларининг ўғли Исмоилхон Муҳаммад Юсуф адо этди.

Бутун дунё бўйлаб Шайх ҳазратлари ҳақига 300 дан ортиқ хатми Қуръонлар қилингани маълум қилинди. Шайх Муҳаммад Содиқ Муҳаммад Юсуф ҳазратлари “Шайх Зайниддин” қабристонига дафн этилди. Аллоҳ у зотдан рози бўлсин!

* * *

Shayx Muhammad Sodiq Muhammad Yusuf hazratlarini so‘nggi manzilga kuzatish marosimi Toshkent shahrining Ko‘kcha dahasi, “Shayx Zayniddin” jome’ masjidida o‘tkazildi. Janoza marosimida respublikamizning turli viloyatlari va boshqa yurtlardan tashrif buyurgan taxminan 200 000 kishi ishtirok etdi.

Janoza namoziga tashrif buyurganlar safi jome’ masjididan tashqariga chiqib, 1 kilometrgacha cho‘zilgan. Ziyoratchilar zichligidan yelkaga sajda qilindi.

12:30 da peshin namoziga azon aytildi. Namoz ado etib bo‘lingandan so‘ng, O‘zbekiston musulmonlari idorasi raisi, muftiy Usmonxon Alimov hamdardlik izhor qilib, Shayx hazratlarining qilgan ishlari haqida nutq so‘zladi. Janoza namozini Shayx hazratlarining o‘g‘li Ismoilxon Muhammad Yusuf ado etdi.

Butun dunyo bo‘ylab Shayx hazratlari haqiga 300 dan ortiq xatmi Qur’onlar qilingani ma’lum qilindi. Shayx Muhammad Sodiq Muhammad Yusuf hazratlari “Shayx Zayniddin” qabristoniga dafn etildi. Alloh u zotdan rozi bo‘lsin!

• Олдинги
• Кейинги