Сурхондарёда иккита янги масжид очилди

Рукн: Янгиликлар Чоп этилган: 03.06.2017

Сурхондарё вилоятининг Шеробод туманида жойлашган Исо ат-Термизий мажмуаси таркибида “Имом Термизий” номидаги ҳамда Бойсун туманида “Қадимий Дарбанд” номли янги жоме масжид очилди. Бу ҳақда Ўзбекистон мусулмонлари идораси ахборот хизмати хабар бермоқда.

“Имом Термизий” жоме масжиди бир вақтнинг ўзида беш юз нафар намозхонни ўз бағрига сиғдира олади. Масжиднинг очилиши ва таровиҳ намозига Ўзбекистон мусулмонлари идораси раиси, муфтий Усмонхон Алимов ташриф буюрдилар.

“Қадимий Дарбанд” жоме масжиди очилиш маросимида Сурхондарё вилояти бош имом-хатиби Эргашали Рустамов сўзга чиқиб, бу масжид Бойсун тумани аҳолиси учун мўътабар манзилга айланишини таъкидлади.

* * *

Surxondaryo viloyatining Sherobod tumanida joylashgan Iso at-Termiziy majmuasi tarkibida “Imom Termiziy” nomidagi hamda Boysun tumanida “Qadimiy Darband” nomli yangi jome masjid ochildi. Bu haqda O‘zbekiston musulmonlari idorasi axborot xizmati xabar bermoqda.

“Imom Termiziy” jome masjidi bir vaqtning o‘zida besh yuz nafar namozxonni o‘z bag‘riga sig‘dira oladi. Masjidning ochilishi va tarovih namoziga O‘zbekiston musulmonlari idorasi raisi, muftiy Usmonxon Alimov tashrif buyurdilar.

“Qadimiy Darband” jome masjidi ochilish marosimida Surxondaryo viloyati bosh imom-xatibi Ergashali Rustamov so‘zga chiqib, bu masjid Boysun tumani aholisi uchun mo‘‘tabar manzilga aylanishini ta’kidladi.