номли илмий анжуман ўтказилди

Рукн: Янгиликлар Чоп этилган: 24.05.2017

Бугун «Ҳилол-нашр» нашриёти ҳамда Ислом.уз порталида бугунги куннинг энг долзарб мавзуларидан бирига бағишланган «Дин ва илм омонатдир» номли илмий анжуман бўлиб ўтди.

Анжуманда Тошкент шаҳар «Тўхтабой» масжиди имом хатиби Исҳоқжон Бегматов «Ислом номидан гапиришдаги омонатдорлик ва унинг масъулияти» мавзусида, Мубашшир Аҳмад «Интернет ва ижтимоий тармоқларда маълумот тарқатиш ва унинг масъулияти» мавзусида маъруза қилдилар.

«Тинчлик» жомеъ масжиди имом-хатиби Алишер Дўнгбоев илм аҳлининг, уламоларнинг, толиби илмларнинг фазли уларнинг ҳам илмда, ҳам одобда барчага ўрнак ва намуна бўлишида экани, бугунги ёш авлодга илм билан бирга аввало одоб-ахлоқ ўргатиш лозимлиги ҳақида сўзлади.

Шаръий жиҳатдан интернетда онлайн дарслар ташкил қилиш, турли диний ва маърифий саволларга онлайн жавоб бериш, фатво бериш мумкинми, йўқми? Бунинг қандай меъёр ва одоблари бор? Бу борада биздаги ҳолат қандай? Ушбу мавзуда Тошкент шаҳар «Мирза Юсуф» жомеъ масжиди имом-хатиби Раҳматуллоҳ Сайфуддинов сўз олиб, бугунги кунда интернетда авж олаётган турли туҳмату иғволарнинг асл мақсади нимадан иборат эканини, бунинг қанчалик хатарли иллат эканини айтиб ўтди.

«Дин ва илм омонатдир» деб номланган анжуманни Исмоилжон Муҳаммад Юсуф якунлаб, шайх Муҳаммад Содиқ Муҳаммад Юсуф ҳазратларининг бу борадаги шахсий ўрнакларини таъкидларкан, айтиб ўтилган муҳим нуқталар, билдирилган қимматли фикр-мулоҳазаларни умумлаштириб, уларга ўзига хос якуний хулоса ясади.

Bugun «Hilol-nashr» nashriyoti hamda Islom.uz portalida bugungi kunning eng dolzarb mavzularidan biriga bag‘ishlangan «Din va ilm omonatdir» nomli ilmiy anjuman bo‘lib o‘tdi.

Anjumanda Toshkent shahar «To‘xtaboy» masjidi imom xatibi Ishoqjon Begmatov «Islom nomidan gapirishdagi omonatdorlik va uning mas’uliyati» mavzusida, Mubashshir Ahmad «Internet va ijtimoiy tarmoqlarda ma’lumot tarqatish va uning mas’uliyati» mavzusida ma’ruza qildilar.

«Tinchlik» jome’ masjidi imom-xatibi Alisher Do‘ngboev ilm ahlining, ulamolarning, tolibi ilmlarning fazli ularning ham ilmda, ham odobda barchaga o‘rnak va namuna bo‘lishida ekani, bugungi yosh avlodga ilm bilan birga avvalo odob-axloq o‘rgatish lozimligi haqida so‘zladi.

Shar’iy jihatdan internetda onlayn darslar tashkil qilish, turli diniy va ma’rifiy savollarga onlayn javob berish, fatvo berish mumkinmi, yo‘qmi? Buning qanday me’yor va odoblari bor? Bu borada bizdagi holat qanday? Ushbu mavzuda Toshkent shahar «Mirza Yusuf» jome’ masjidi imom-xatibi Rahmatulloh Sayfuddinov so‘z olib, bugungi kunda internetda avj olayotgan turli tuhmatu ig‘volarning asl maqsadi nimadan iborat ekanini, buning qanchalik xatarli illat ekanini aytib o‘tdi.

«Din va ilm omonatdir» deb nomlangan anjumanni Ismoiljon Muhammad Yusuf yakunlab, shayx Muhammad Sodiq Muhammad Yusuf hazratlarining bu boradagi shaxsiy o‘rnaklarini ta’kidlarkan, aytib o‘tilgan muhim nuqtalar, bildirilgan qimmatli fikr-mulohazalarni umumlashtirib, ularga o‘ziga xos yakuniy xulosa yasadi.