Шайх Муҳаммад Содиқ Муҳаммад Юсуф китоблари ҳарамайн кутубхонасида

Шайх Муҳаммад Содиқ Муҳаммад Юсуф раҳимаҳуллоҳнинг барча китоблари Мадинаи Мунавварадаги Масжидун Набавий, Маккаи Мукаррамаги Масжидул ҳаром кутубхоналарига қўйиладиган бўлди. Бу ҳақда олимнинг ўғли Исмоил Муҳаммад Содиқ  «Хатмга Марҳабо!» ва «Қуръон тартили» дарслиги тадқимотида маълум қилди.

«Аллоҳ таоло устозимиз шайх ҳазратларига ўзларининг шоҳ асарлари бўлмиш «Тафсир Ҳилол»нинг ҳамда «Ҳадис ва Ҳаёт» туркумининг катта қисмини ҳарами шарифда – Мадинаи Мунавварада, Маккаи Мукаррамада ёзишни тақдир қилган эди. Эндиликда Аллоҳ таоло Ўзининг инояти билан ушбу асарларнинг барчасига ҳарамайни шарифайн – икки ҳарами шарифдаги кутубхоналар токчаларидан ўрин олишни насиб қилиб турибди.

Ҳарамайн мактабаси билан келишувга мувофиқ, шайх Муҳаммад Содиқ Муҳаммад Юсуф ҳазратларининг барча асарлари Мадинаи Мунавварада, Маккаи Мукаррама кутубхоналарига қўйиладиган бўлди. Бундан буён дунёнинг турли чеккаларидан ҳаж ва умра сафари ниятида икки ҳарамга борган ҳожиларимиз ёки ўша муборак жойларда истиқомат қилаётган ўзбекзабон ҳамюртларимиз устозимизнинг китобларини ўз она тилларида ўқиб, улардаги илм-маърифатдан баҳраманд бўлишлари мумкин бўлди. Куни кеча китоб карвонининг биринчи қисми «Ўзбекистон почтаси» орқали Саудия Арабистонига жўнаб кетди» дейди Исмоил Муҳаммад Содиқ.

Shayx Muhammad Sodiq Muhammad Yusuf rahimahullohning barcha kitoblari Madinai Munavvaradagi Masjidun Nabaviy, Makkai Mukarramagi Masjidul harom kutubxonalariga qo‘yiladigan bo‘ldi. Bu haqda olimning o‘g‘li Ismoil Muhammad Sodiq  «Xatmga Marhabo!» va «Qur’on tartili» darsligi tadqimotida ma’lum qildi.

«Alloh taolo ustozimiz shayx hazratlariga o‘zlarining shoh asarlari bo‘lmish «Tafsir Hilol»ning hamda «Hadis va Hayot» turkumining katta qismini harami sharifda – Madinai Munavvarada, Makkai Mukarramada yozishni taqdir qilgan edi. Endilikda Alloh taolo O‘zining inoyati bilan ushbu asarlarning barchasiga haramayni sharifayn – ikki harami sharifdagi kutubxonalar tokchalaridan o‘rin olishni nasib qilib turibdi.

Haramayn maktabasi bilan kelishuvga muvofiq, shayx Muhammad Sodiq Muhammad Yusuf hazratlarining barcha asarlari Madinai Munavvarada, Makkai Mukarrama kutubxonalariga qo‘yiladigan bo‘ldi. Bundan buyon dunyoning turli chekkalaridan haj va umra safari niyatida ikki haramga borgan hojilarimiz yoki o‘sha muborak joylarda istiqomat qilayotgan o‘zbekzabon hamyurtlarimiz ustozimizning kitoblarini o‘z ona tillarida o‘qib, ulardagi ilm-ma’rifatdan bahramand bo‘lishlari mumkin bo‘ldi. Kuni kecha kitob karvonining birinchi qismi «O‘zbekiston pochtasi» orqali Saudiya Arabistoniga jo‘nab ketdi» deydi Ismoil Muhammad Sodiq.

• Олдинги
• Кейинги