Ўзбекистонлик зиёратчиларнинг дастлабки гуруҳи Умра зиёратига жўнаб кетишди

Рукн: Янгиликлар Чоп этилган: 20.02.2017

20 февраль куни ўзбекистонлик зиёратчиларнинг дастлабки гуруҳи Тошкент–Жидда йўналишида умра амалларини адо этиш мақсадида Саудия Арабистонига жўнаб кетишди.

Дин ишлари бўйича қўмита ва Ўзбекистон мусулмонлари идораси масъул ходимлари, зиёратчилар, ишчи гуруҳи, гуруҳ раҳбарлари, шифокорлар ва ошпазлардан иборат 200 нафар киши Саудия Арабистонига кузатилди.

Зиёратчилар Маккаи мукаррамада “Аброж ал-Кисва” ва Мадинаи мунавварада “Нур ал-Мавадда” меҳмонхоналарида турадилар. Уларга Саудия Арабистони Подшоҳлигидаги “ал-Ҳидоя” ширкати хизмат кўрсатади.

Зиёратчиларни Жидда шаҳри аэропортида кутиб олиш ва кузатиш тадбирлари Ҳаж ва Умра масалалари бўйича атташе З.Абдуллаев бошчилигида ишчи гуруҳи ва “ал-Ҳидоя” ширкати ходимлари билан биргаликда амалга оширилади.

Бу йилги баҳорги умра мавсумида 5500 нафар ва Рамазон мавсумида 670 нафар юртдошларимиз умра зиёратига бориши режалаштирилган. Ўзбекистон мусулмонлари идораси ва “Ўзбекистон ҳаво йўллари” МАК ўртасидаги келишувга кўра, “Умра-2017” баҳор мавсуми зиёратчиларини кузатиш 1 апрелга қадар давом этади.

20 fevral kuni o‘zbekistonlik ziyoratchilarning dastlabki guruhi Toshkent–Jidda yo‘nalishida umra amallarini ado etish maqsadida Saudiya Arabistoniga jo‘nab ketishdi.

Din ishlari bo‘yicha qo‘mita va O‘zbekiston musulmonlari idorasi mas’ul xodimlari, ziyoratchilar, ishchi guruhi, guruh rahbarlari, shifokorlar va oshpazlardan iborat 200 nafar kishi Saudiya Arabistoniga kuzatildi.

Ziyoratchilar Makkai mukarramada “Abroj al-Kisva” va Madinai munavvarada “Nur al-Mavadda” mehmonxonalarida turadilar. Ularga Saudiya Arabistoni Podshohligidagi “al-Hidoya” shirkati xizmat ko‘rsatadi.

Ziyoratchilarni Jidda shahri aeroportida kutib olish va kuzatish tadbirlari Haj va Umra masalalari bo‘yicha attashe Z.Abdullayev boshchiligida ishchi guruhi va “al-Hidoya” shirkati xodimlari bilan birgalikda amalga oshiriladi.

Bu yilgi bahorgi umra mavsumida 5500 nafar va Ramazon mavsumida 670 nafar yurtdoshlarimiz umra ziyoratiga borishi rejalashtirilgan. O‘zbekiston musulmonlari idorasi va “O‘zbekiston havo yo‘llari” MAK o‘rtasidagi kelishuvga ko‘ra, “Umra-2017” bahor mavsumi ziyoratchilarini kuzatish 1 aprelga qadar davom etadi.