Шайх Муҳаммад Содиқ Муҳаммад Юсуфнинг янги китоблари чоп этилди
«Ҳилол-нашр» нашриёт-матбааси томонидан шайх Муҳаммад Содиқ Муҳаммад Юсуф роҳимаҳуллоҳнинг «Исломнинг мадори бўлган ҳадислар» туркумининг икки китоби — «Ҳалол очиқ ойдиндир ҳаром очиқ ойдиндир» ҳамда «Дин насиҳатдир» ва «Мўминнинг умр сафари — муфассал ҳаж китоби» китоблари чоп этилди.
Шайх Муҳаммад Содиқ Муҳаммад Юсуф ҳазратлари ҳаётларининг сўнгида «Исломнинг мадори бўлган ҳадислар» деб номланган туркумни ёзиб, туркумнинг «Амаллар ниятга боғлиқдир» деб номланган дастлабки китобини ўзлари тақдим қилган эдилар.
«Исломнинг мадори бўлган ҳадислар» туркумининг «Зуҳд ва ҳаё» номли китоби ҳам тақдим қилинган эди. «Ҳалол очиқ ойдиндир ҳаром очиқ ойдиндир» ҳамда «Дин насиҳатдир. Ўзига ярашмаган нарсаларни тарк этиш – киши Исломининг ҳуснидандир» китобларида ушбу ҳадислар билан боғлиқ масалалар, қоидалар ва фатволар ўрин олган.
«Мўминнинг умр сафари» китобида ҳаж ва умра қилишнинг тартиб-қоидалари, ҳаж ва умрада бажариладиган турли амаллар, эҳромга кириш, тавоф, саъй, бадал ҳажи кабиларни бажариш йўллари, ҳаж ва умрада беихтиёр йўл қўйиладиган хатолар ва уларнинг каффорати атрофлича баён қилиб берилган. Шунингдек, Мино, Арафот, Муздалифа, Жамарот, Мадинаи мунаввара каби маконларда қандай амаллар адо этилиши ҳам тартиби билан ёритилган. Китобда аёлларнинг ҳаж қилишдаги ҳолатлари, бунда уларнинг эркаклардан қандай фарқланишлари масалалари ҳам батафсил кўрсатилган.
«Hilol-nashr» nashriyot-matbaasi tomonidan shayx Muhammad Sodiq Muhammad Yusuf rohimahullohning «Islomning madori bo‘lgan hadislar» turkumining ikki kitobi — «Halol ochiq oydindir harom ochiq oydindir» hamda «Din nasihatdir» va «Mo‘minning umr safari — mufassal haj kitobi» kitoblari chop etildi.
Shayx Muhammad Sodiq Muhammad Yusuf hazratlari hayotlarining so‘ngida «Islomning madori bo‘lgan hadislar» deb nomlangan turkumni yozib, turkumning «Amallar niyatga bog‘liqdir» deb nomlangan dastlabki kitobini o‘zlari taqdim qilgan edilar.
«Islomning madori bo‘lgan hadislar» turkumining «Zuhd va hayo» nomli kitobi ham taqdim qilingan edi. «Halol ochiq oydindir harom ochiq oydindir» hamda «Din nasihatdir. O‘ziga yarashmagan narsalarni tark etish – kishi Islomining husnidandir» kitoblarida ushbu hadislar bilan bog‘liq masalalar, qoidalar va fatvolar o‘rin olgan.
«Mo‘minning umr safari» kitobida haj va umra qilishning tartib-qoidalari, haj va umrada bajariladigan turli amallar, ehromga kirish, tavof, sa’y, badal haji kabilarni bajarish yo‘llari, haj va umrada beixtiyor yo‘l qo‘yiladigan xatolar va ularning kafforati atroflicha bayon qilib berilgan. Shuningdek, Mino, Arafot, Muzdalifa, Jamarot, Madinai munavvara kabi makonlarda qanday amallar ado etilishi ham tartibi bilan yoritilgan. Kitobda ayollarning haj qilishdagi holatlari, bunda ularning erkaklardan qanday farqlanishlari masalalari ham batafsil ko‘rsatilgan.