Ўзбекистон Мусулмонлари идораси mp3muslim.uz мобил иловасини ишга туширди

Рукн: Янгиликлар Чоп этилган: 18.08.2016

Ўзбекистон Мусулмонлари идорасининг muslim.uz веб портали тизимида ишловчи mp3muslim.uz  диний-маърифий медиа-сайти ўз мобил иловасига эга бўлди. Унда юртимиздаги таниқли уламоларнинг мавъизалари, дунёдаги машҳур қориларнинг Қуръони карим тиловатлари ва воизларнинг аудио ривоятлари, салавотлари жойлаштирилган. Барча медиа-манбалар TAS-IX тармоғида жойлашган.

Мобил иловада Тошкент шаҳридаги “Ҳазрати Али” жомеъ масжиди имом хатиби устоз Салоҳиддин Абдуғаффор ўғли, Бухоро шаҳридаги “Хўжа Таббанд” жомеъ масжиди имом хатиби Азизхўжа Хайруллоҳ ўғли, Тошкент шаҳридаги “Шайх Зайниддин” жомеъ масжиди имом хатиби Одилхон қори Юнусхон ўғли, “Тўхтабой” жомеъ масжиди имом хатиби Исҳоқ Муҳаммад, Мирза Юсуф” жомеъ масжиди имом хатиби Раҳматуллоҳ Сайфуддинов, “Хўжа Аламбардор” жомеъ масжиди имом хатиби Раҳимберди Раҳмонов нинг маърузалари киритилган.

Қуръони карим рукнига Абдулбосит Абдуссомад, Халил Ҳусорий, Муҳаммадсиддиқ Миншавий, Абдураҳмон Судайс, Абу Бакр Шатрий, Моҳир ал-Муайқили,  Саъд ал-Ғомидий, Тавфиқ ибн Саид каби  жаҳонга машҳур қориларнинг қироатлари тўлиқ шаклда жойлаштирилган.

Ҳадиси шариф рукнида Ўзбекистон мусулмонлари идораси раиси ўринбосари Шайх Абдулазиз Мансурнинг 1001 ҳадисларга шарҳлари мавжуд.

mp3muslim.uz мобил иловасини Android қурилмалари учун "Play market" бозоридан бепул ўрнатиб олишингиз мумкин.

* * *

O‘zbekiston Musulmonlari idorasining muslim.uz veb portali tizimida ishlovchi mp3muslim.uz  diniy-ma’rifiy media-sayti o‘z mobil ilovasiga ega bo‘ldi. Unda yurtimizdagi taniqli ulamolarning mav’izalari, dunyodagi mashhur qorilarning Qur’oni karim tilovatlari va voizlarning audio rivoyatlari, salavotlari joylashtirilgan. Barcha media-manbalar TAS-IX tarmog‘ida joylashgan.

Mobil ilovada Toshkent shahridagi “Hazrati Ali” jome’ masjidi imom xatibi ustoz Salohiddin Abdug‘affor o‘g‘li, Buxoro shahridagi “Xo‘ja Tabband” jome’ masjidi imom xatibi Azizxo‘ja Xayrulloh o‘g‘li, Toshkent shahridagi “Shayx Zayniddin” jome’ masjidi imom xatibi Odilxon qori Yunusxon o‘g‘li, “To‘xtaboy” jome’ masjidi imom xatibi Ishoq Muhammad, Mirza Yusuf” jome’ masjidi imom xatibi Rahmatulloh Sayfuddinov, “Xo‘ja Alambardor” jome’ masjidi imom xatibi Rahimberdi Rahmonov ning ma’ruzalari kiritilgan.

Qur’oni karim rukniga Abdulbosit Abdussomad, Xalil Husoriy, Muhammadsiddiq Minshaviy, Abdurahmon Sudays, Abu Bakr Shatriy, Mohir al-Muayqili,  Sa’d al-G‘omidiy, Tavfiq ibn Said kabi  jahonga mashhur qorilarning qiroatlari to‘liq shaklda joylashtirilgan.

Hadisi sharif ruknida O‘zbekiston musulmonlari idorasi raisi o‘rinbosari Shayx Abdulaziz Mansurning 1001 hadislarga sharhlari mavjud.

mp3muslim.uz mobil ilovasini Android qurilmalari uchun "Play market" bozoridan bepul o‘rnatib olishingiz mumkin.