Муфассал намоз китоби чоп этилди

Рукн: Янгиликлар Чоп этилган: 12.08.2016

“Мовароуннаҳр” нашриёти томонидан Абдулҳаким қори Комилжон ўғлининг “Намоз ибодати арконлари” китоби чоп этилди. Ушбу китобда Ислом динининг устунларидан бўлган намоз ибодати, унинг адо этилиши мавзулари билан бир қаторда таҳорат, ғусл ҳукмлари, диний калималар, 40 фарз, зарурий дуолар илова қилинган. Рисолада эркаклар ва аёллар учун намоз ўқиш қоидалари, таҳорат олиш  тартиблари рангли расмлар билан баён қилинган.  

Абдулҳаким қори Комилжон ўғли Тошкент шаҳридаги “Жўрабек” жоме масжиди имом-хатибидир.

Рисола  намоз ўқишни ўрганувчилар учун муҳим қўлланмадир. “Намоз ибодати арконлари” китобини юртимиз китоб расталаридан сотиб олишингиз мумкин.

* * *

“Movarounnahr” nashriyoti tomonidan Abdulhakim qori Komiljon o‘g‘lining “Namoz ibodati arkonlari” kitobi chop etildi. Ushbu kitobda Islom dinining ustunlaridan bo‘lgan namoz ibodati, uning ado etilishi mavzulari bilan bir qatorda tahorat, g‘usl hukmlari, diniy kalimalar, 40 farz, zaruriy duolar ilova qilingan. Risolada erkaklar va ayollar uchun namoz o‘qish qoidalari, tahorat olish  tartiblari rangli rasmlar bilan bayon qilingan.  

Abdulhakim qori Komiljon o‘g‘li Toshkent shahridagi “Jo‘rabek” jome masjidi imom-xatibidir.

Risola  namoz o‘qishni o‘rganuvchilar uchun muhim qo‘llanmadir. “Namoz ibodati arkonlari” kitobini yurtimiz kitob rastalaridan sotib olishingiz mumkin.