Янги 1437-ҳижрий йил кириб келди
Бир қанча мусулмон мамлакатларидаги ой кузатуви тадқиқига кўра, янги 1437-ҳижрий йилнинг муҳаррам ойи кириб келди.
Муҳаррам ойи ҳижрий-қамарий йил ҳисобининг биринчи ойи бўлиб, Исломдаги ҳурматли ойлардан биридир.
Ҳижрий-қамарий йил ҳисоби Пайғамбаримиз Муҳаммад (с.а.в.) ҳижратларидан олинган ва ой (қамар) тақвимига асосланган. Ушбу йил ҳисоби ҳазрати Умар розияллоҳу анҳунинг ташаббуслари билан 16-ҳижрий санадан бошлаб татбиқ этилган.
Муҳаррам ойида рўза тутиш фазилатлидир. Абу Ҳурайра розияллоҳу анҳудан ривоят қилинади: «Пайғамбар соллаллоҳу алайҳи васаллам: «Рамазондан кейинги энг афзал рўза, Аллоҳнинг Муҳаррам ойи рўзасидир. Фарз намоздан кейинги энг афзал намоз тунги намоздир», дедилар. (Бешовларидан фақат Бухорий ривоят қилмаган.)
Расулуллоҳ (с.а.в): “Ашуро кунидан бир кун олдин ва бир кун кейин ҳам рўза тутинглар” деганлар (Аҳмад ривояти).
Мазкур ҳадисларга биноан уламоларимиз: “Муҳаррам ойининг тўққизинчи, ўнинчи ва ўн биринчи кунлари рўза тутиш мустаҳабдир” – дейдилар.
Янги ҳижрий йилингиз муборак бўлсин!
* * *
Bir qancha musulmon mamlakatlaridagi oy kuzatuvi tadqiqiga ko‘ra, yangi 1437-hijriy yilning muharram oyi kirib keldi.
Muharram oyi hijriy-qamariy yil hisobining birinchi oyi bo‘lib, Islomdagi hurmatli oylardan biridir.
Hijriy-qamariy yil hisobi Payg‘ambarimiz Muhammad (s.a.v.) hijratlaridan olingan va oy (qamar) taqvimiga asoslangan. Ushbu yil hisobi hazrati Umar roziyallohu anhuning tashabbuslari bilan 16-hijriy sanadan boshlab tatbiq etilgan.
Muharram oyida ro‘za tutish fazilatlidir. Abu Hurayra roziyallohu anhudan rivoyat qilinadi: «Payg‘ambar sollallohu alayhi vasallam: «Ramazondan keyingi eng afzal ro‘za, Allohning Muharram oyi ro‘zasidir. Farz namozdan keyingi eng afzal namoz tungi namozdir», dedilar. (Beshovlaridan faqat Buxoriy rivoyat qilmagan.)
Rasululloh (s.a.v): “Ashuro kunidan bir kun oldin va bir kun keyin ham ro‘za tutinglar” deganlar (Ahmad rivoyati).
Mazkur hadislarga binoan ulamolarimiz: “Muharram oyining to‘qqizinchi, o‘ninchi va o‘n birinchi kunlari ro‘za tutish mustahabdir” – deydilar.
Yangi hijriy yilingiz muborak bo‘lsin!