Расулуллоҳ севган егулик ва ичимликлар

Рукн: Муҳаммад (с.а.в.) сийратлари Чоп этилган: 30.05.2015

Сарвари коинот (с.а.в.) таомни жуда иссиқ ҳолда ейишни ёқтирмаганлар;

Оиша (р.а.)дан ривоят қилинишича, Пайғамбаримиз (с.а.в.)нинг нонхуруш сифатида суйиб ейдиган таомларидан баъзилари қуйидагилар: қўйнинг қўли, қийма, кабоб, товуқ гўшти, гўштли шўрва, тирит (араб миллий таомларидан бири), қовоқ, зайтун ёғи, пишлоқ, қовун, тарвуз, ҳолва, асал, хурмо;

У зот (с.а.в.) ҳеч қачон бирор таомни камситмас, ёқса ер, ёқмаса емас эдилар. Ёқтирмаганларини бошқаларга ёмонламасдилар;

Расулуллоҳ (с.а.в.) ўзлари севган егуликлар ҳақида айтган сўзларидан баъзилари: «Сирка қандай яхши нонхурушдир»;

«Зайтун ёғини истеъмол қилинглар ва фойдаланинглар, чунки бу ёғ муборакдир».

Мазкур сатрларни ўқиб: «Эҳ-ҳе, Пайғамбаримиз (с.а.в.) таомга жуда ихлос қўйган эканлар-да», деган хаёлга бормаслик керак. У зот бу нарсалар топилганида хуш кўриб еганлар, бош­қа маҳалда эса борига қаноат қилганлар. Тарихчилар Расули акрам (с.а.в.) ҳеч қачон бир кунда икки маҳал қоринлари тўйиб овқат емаганликларини қайд этишган.

Оиша онамиз (р.а.)дан ривоят қилинади: «Расулуллоҳ (с.а.в.)нинг энг яхши кўрган ичимликлари ширин ва салқин шарбатлар эди. Асал, хурмо ва қуритилган узум (ма­йиз)дан тайёрланган шарбатларни ҳам хуш кўрардилар».

Асал шарбати ва сут Пайғамбаримиз (с.а.в.)нинг энг севимли ичимликлари эди. Ҳадиси шарифларида сут ҳақида шундай деганлари ривоят қилинади: «Аллоҳ таоло бир кишига таом едирганида, у одам: «Аллоҳим, бу таомни бизга баракотли қил ва бизга бундан ҳам хайрли ризқ насиб эт», деб дуо қилсин. Аллоҳ таоло бир кишига бир миқдор сут ичиргани вақтда у одам: «Аллоҳим, бизга бу сутни баракотли қил ва бизга яна ҳам мўл сут ато эт», деб дуо қилсин. Чунки ҳам таом, ҳам ичимликнинг ўрнини боса оладиган сутдан яхши бошқа бирор нарса борлигини билмайман».

“Ирфон” тақвимининг 2011 йил, 1-сонидан олинди.

* * *

Sarvari koinot (s.a.v.) taomni juda issiq holda yeyishni yoqtirmaganlar;

Oisha (r.a.)dan rivoyat qilinishicha, Payg‘ambarimiz (s.a.v.)ning nonxurush sifatida suyib yeydigan taomlaridan ba’zilari quyidagilar: qo‘yning qo‘li, qiyma, kabob, tovuq go‘shti, go‘shtli sho‘rva, tirit (arab milliy taomlaridan biri), qovoq, zaytun yog‘i, pishloq, qovun, tarvuz, holva, asal, xurmo;

U zot (s.a.v.) hech qachon biror taomni kamsitmas, yoqsa yer, yoqmasa yemas edilar. Yoqtirmaganlarini boshqalarga yomonlamasdilar;

Rasululloh (s.a.v.) o‘zlari sevgan yeguliklar haqida aytgan so‘zlaridan ba’zilari: «Sirka qanday yaxshi nonxurushdir»;

«Zaytun yog‘ini iste’mol qilinglar va foydalaninglar, chunki bu yog‘ muborakdir».

Mazkur satrlarni o‘qib: «Eh-he, Payg‘ambarimiz (s.a.v.) taomga juda ixlos qo‘ygan ekanlar-da», degan xayolga bormaslik kerak. U zot bu narsalar topilganida xush ko‘rib yeganlar, bosh­qa mahalda esa boriga qanoat qilganlar. Tarixchilar Rasuli akram (s.a.v.) hech qachon bir kunda ikki mahal qorinlari to‘yib ovqat yemaganliklarini qayd etishgan.

Oisha onamiz (r.a.)dan rivoyat qilinadi: «Rasululloh (s.a.v.)ning eng yaxshi ko‘rgan ichimliklari shirin va salqin sharbatlar edi. Asal, xurmo va quritilgan uzum (ma­yiz)dan tayyorlangan sharbatlarni ham xush ko‘rardilar».

Asal sharbati va sut Payg‘ambarimiz (s.a.v.)ning eng sevimli ichimliklari edi. Hadisi shariflarida sut haqida shunday deganlari rivoyat qilinadi: «Alloh taolo bir kishiga taom yedirganida, u odam: «Allohim, bu taomni bizga barakotli qil va bizga bundan ham xayrli rizq nasib et», deb duo qilsin. Alloh taolo bir kishiga bir miqdor sut ichirgani vaqtda u odam: «Allohim, bizga bu sutni barakotli qil va bizga yana ham mo‘l sut ato et», deb duo qilsin. Chunki ham taom, ham ichimlikning o‘rnini bosa oladigan sutdan yaxshi boshqa biror narsa borligini bilmayman».

“Irfon” taqvimining 2011 yil, 1-sonidan olindi.