Расулуллоҳ солалллоҳу алайҳи васалламнинг 40 фазилатлари

“Маҳбуб Пайғамбар (с.а.в.)” номли сийрат танловига

1. Аллоҳ таоло барча махлуқотларнинг гултожи қилиб инсон зотини яратди. Ана шу инсониятнинг ичидан афзалларини пайғамбар этиб танлаб олди. Ана шу пайғамбарларнинг эса афзали Муҳаммад Мустафо солалллоҳу алайҳи васалламдирлар.

2. У зот алайҳиссалом Ҳабибуллоҳдирлар.

3. Аллоҳ таоло пайғамбарларга мўъжизалар берган. Лекин Расулуллоҳ солалллоҳу алайҳи васалламдан аввалги пайғамбарларнинг мўъжизалари ҳаётларига боғлиқ бўлган. Расулуллоҳ солалллоҳу алайҳи васалламга берилган мўъжиза – Қуръони Карим абадий мўъжизадир!

4. Аллоҳ таоло Расулуллоҳ солалллоҳу алайҳи васалламдан бошқа ҳеч бир пайғамбарга меърож мўъжизасини бермаган.

5. Фақатгина Расулуллоҳ солалллоҳу алайҳи васаллам барча пайғамбарларга имом бўлиб намоз ўқиб берганлар (Исро кечасида).

6. Меърожда Жаброил алайҳиссалом билан Расулуллоҳ солалллоҳу алайҳи васаллам Сидратул мунтаҳога етганларида Жаброил алайҳиссалом ундан нарига ўта олмасликларини айтадилар. Ундан нарига барча махлуқотлар ичра фақат Муҳаммад солалллоҳу алайҳи васаллам ўтганлар.

7. Муҳаммад солалллоҳу алайҳи васалламга уммат бўлишни ҳатто пайғамбарлар орзу қилган.

8. Барча пайғамбарларга ижобат бўлиши аниқ бўлган дуо берилган, ундан Муҳаммад солалллоҳу алайҳи васалламдан бошқа барча пайғамбарлар фойдаланиб бўлишган. Расулуллоҳ солалллоҳу алайҳи васаллам буни шафоат учун олиб қўйганлар, бу ҳам у зот учун имтиёздир.

9. Ҳар бир Пайғамбар ўз қавми учун юборилган, Муҳаммад алайҳиссалом бутун оламга юборилганлар.

10. Расулуллоҳ солалллоҳу алайҳи васалламга ҳатто жинлар иймон келтирган.

11. Ҳар бир Расул янги шариат билан келган. Муҳаммад алайҳиссалом сўнги расулдирлар. Бинобарин, у зотнинг шариатлари қиёматгача амалда бўлади.

12. Пайғамбаримиз алайҳиссаломга ўлжалар ҳалол қилинди.

13. Расулуллоҳ солалллоҳу алайҳи васалламга тупроқ покловчи қилиб берилди.

14. Пайғамбаримиз алайҳиссаломга ер масжид қилинди. Яъни қаерда бўлмасин пок бўлган ерда мусулмон киши намоз ўқиши мумкин.

15. Муҳаммад алайҳиссаломнинг душманлари бир ойлик масофадан у зотдан қўрқиб турган.

16. Расулуллоҳ солалллоҳу алайҳи васаллам Мадинага кирган кунлари ундаги барча нарсадан зиё чиқган.

17. Расулуллоҳ солалллоҳу алайҳи васаллам вафот қилган кунлари Мадинадаги барча нарсани зулмат босган.

18. У зот алайҳиссалом жамловчи калималар ила юборилганлар.

19.  У зот алайҳиссалом Қиёмат куни Одам фарзандининг саййидидирлар.

20. У зот алайҳиссаломнинг устиларидан қабр биринчи бўлиб ёрилади.

21. Қиёмат куни Расулуллоҳ солалллоҳу алайҳи васалламнинг қўлларида ҳамд байроғи бўлади (мажоз).

22. Расули акрам соллаллоҳу алайҳи ва саллам биринчи бўлиб шафоат сўровчи ва биринчи бўлиб шафоат қилувчидирлар.

23. У зот алайҳиссалом Қиёмат куни набийларнинг имоми, хатиби ва шафоатчилари бўладилар.

24. Расулуллоҳ соллаллоҳу алайҳи ва саллам биринчи бўлиб жаннатга кирувчи зотдирлар.

25. Расулуллоҳ солалллоҳу алайҳи васалламга ҳавзи Кавсар берилган.

26. Бугунги кунда дунёда «Инсониятга энг кўп манфаат келтирган шахслар» рўйхати тузилганда,  Муҳаммад алайҳиссаломни ҳақли равишда биринчи ўринга қўйишмоқда. Бу номусулмонларнинг ҳам эътирофидир.

27. Аллоҳ таоло мусулмонларга фақатгина Муҳаммад солалллоҳу алайҳи васалламга саловат айтишликка амр қилган.

28. Муҳаммад солалллоҳу алайҳи васаллам сўнги набий ва расулдирлар.

29. У зот алайҳиссаломнинг исмлари Тавротда, Инжилда, Қуръони Каримда зикр этилган.

30. Улул азм (сабот-матонатли) пайғамбарларнинг биридирлар.

31. У зот алайҳиссаломнинг исмлари туғилишларидан олдин саноқли кишиларгагина қўйилган.

32. Бугунги кунда дунёда энг кўп қўйилаётган исм Муҳаммад исмидир.

33. Муҳаммад солалллоҳу алайҳи васаллам пайғамбар бўлишларидан олдин ҳам, кейин ҳам ҳаргиз гуноҳ қилмаганлар, Аллоҳ таолонинг Ўзи у зотни гуноҳ қилишдан асраган. Шундай бўлса ҳам (фаразан гуноҳлари бўладиган бўлса ҳам) Аллоҳ таоло уларни аввалги-ю охиргисини кечирганини эълон қилган.

34. Расулуллоҳ солалллоҳу алайҳи васалламнинг аҳли оилалари (яъни завжалари, фарзандлари) орасида кофир ва мушриклар бўлмаган.

35. У зот солалллоҳу алайҳи васалламнинг завжалари Хадижа розияллоҳу анҳо дунё бўйича ўтган 4 та фозила аёлнинг биридирлар.

36. У зот солалллоҳу алайҳи васалламнинг қизлари Фотима розияллоҳу анҳо дунё бўйича ўтган 4 та фозила аёлнинг биридирлар.

37. У зот алайҳиссаломнинг қайноталари Абу Бакр ва Умар розияллоҳу анҳумо жаннат башоратини олган кишилардир.

38. У зот солалллоҳу алайҳи васалламнинг куёвлари Усмон ва Али розияллоҳу анҳумо жаннат башоратини олган кишилардир.

39. Муҳаммад алайҳиссалом халқи ва хулқи энг гўзал кишидирлар. Бу ҳақда Оиша онамиздан иккита таъриф келтирсак. У кишидан Расулуллоҳ солалллоҳу алайҳи васалламнинг хулқлари ҳақида сўралганда «Хулқлари Қуръон эди», деганлар. Халқлари, яъни, яратилишлари, ташқи кўринишлари ҳақида бошқа бир ривоятда «Юсуф (алайҳиссалом)ни кўрган аёллар қўлларини кесишган бўлса, мени Расулуллоҳимни кўрганларида юракларига пичоқни урардилар», деган маънода сўз айтганлар.

40. Расулуллоҳ солалллоҳу алайҳи васалламдан биров бир нарса сўраса, ҳаргиз йўқ демас эдилар. Бўлса берар, бўлмаса, бошқага йўллаб қўяр эдилар.

Ғиёсиддин Муҳаммад Юсуф

1. Alloh taolo barcha maxluqotlarning gultoji qilib inson zotini yaratdi. Ana shu insoniyatning ichidan afzallarini payg‘ambar etib tanlab oldi. Ana shu payg‘ambarlarning esa afzali Muhammad Mustafo solalllohu alayhi vasallamdirlar.

2. U zot alayhissalom Habibullohdirlar.

3. Alloh taolo payg‘ambarlarga mo‘‘jizalar bergan. Lekin Rasululloh solalllohu alayhi vasallamdan avvalgi payg‘ambarlarning mo‘‘jizalari hayotlariga bog‘liq bo‘lgan. Rasululloh solalllohu alayhi vasallamga berilgan mo‘‘jiza – Qur’oni Karim abadiy mo‘‘jizadir!

4. Alloh taolo Rasululloh solalllohu alayhi vasallamdan boshqa hech bir payg‘ambarga me’roj mo‘‘jizasini bermagan.

5. Faqatgina Rasululloh solalllohu alayhi vasallam barcha payg‘ambarlarga imom bo‘lib namoz o‘qib berganlar (Isro kechasida).

6. Me’rojda Jabroil alayhissalom bilan Rasululloh solalllohu alayhi vasallam Sidratul muntahoga yetganlarida Jabroil alayhissalom undan nariga o‘ta olmasliklarini aytadilar. Undan nariga barcha maxluqotlar ichra faqat Muhammad solalllohu alayhi vasallam o‘tganlar.

7. Muhammad solalllohu alayhi vasallamga ummat bo‘lishni hatto payg‘ambarlar orzu qilgan.

8. Barcha payg‘ambarlarga ijobat bo‘lishi aniq bo‘lgan duo berilgan, undan Muhammad solalllohu alayhi vasallamdan boshqa barcha payg‘ambarlar foydalanib bo‘lishgan. Rasululloh solalllohu alayhi vasallam buni shafoat uchun olib qo‘yganlar, bu ham u zot uchun imtiyozdir.

9. Har bir Payg‘ambar o‘z qavmi uchun yuborilgan, Muhammad alayhissalom butun olamga yuborilganlar.

10. Rasululloh solalllohu alayhi vasallamga hatto jinlar iymon keltirgan.

11. Har bir Rasul yangi shariat bilan kelgan. Muhammad alayhissalom so‘ngi rasuldirlar. Binobarin, u zotning shariatlari qiyomatgacha amalda bo‘ladi.

12. Payg‘ambarimiz alayhissalomga o‘ljalar halol qilindi.

13. Rasululloh solalllohu alayhi vasallamga tuproq poklovchi qilib berildi.

14. Payg‘ambarimiz alayhissalomga yer masjid qilindi. Ya’ni qaerda bo‘lmasin pok bo‘lgan yerda musulmon kishi namoz o‘qishi mumkin.

15. Muhammad alayhissalomning dushmanlari bir oylik masofadan u zotdan qo‘rqib turgan.

16. Rasululloh solalllohu alayhi vasallam Madinaga kirgan kunlari undagi barcha narsadan ziyo chiqgan.

17. Rasululloh solalllohu alayhi vasallam vafot qilgan kunlari Madinadagi barcha narsani zulmat bosgan.

18. U zot alayhissalom jamlovchi kalimalar ila yuborilganlar.

19.  U zot alayhissalom Qiyomat kuni Odam farzandining sayyididirlar.

20. U zot alayhissalomning ustilaridan qabr birinchi bo‘lib yoriladi.

21. Qiyomat kuni Rasululloh solalllohu alayhi vasallamning qo‘llarida hamd bayrog‘i bo‘ladi (majoz).

22. Rasuli akram sollallohu alayhi va sallam birinchi bo‘lib shafoat so‘rovchi va birinchi bo‘lib shafoat qiluvchidirlar.

23. U zot alayhissalom Qiyomat kuni nabiylarning imomi, xatibi va shafoatchilari bo‘ladilar.

24. Rasululloh sollallohu alayhi va sallam birinchi bo‘lib jannatga kiruvchi zotdirlar.

25. Rasululloh solalllohu alayhi vasallamga havzi Kavsar berilgan.

26. Bugungi kunda dunyoda «Insoniyatga eng ko‘p manfaat keltirgan shaxslar» ro‘yxati tuzilganda,  Muhammad alayhissalomni haqli ravishda birinchi o‘ringa qo‘yishmoqda. Bu nomusulmonlarning ham e’tirofidir.

27. Alloh taolo musulmonlarga faqatgina Muhammad solalllohu alayhi vasallamga salovat aytishlikka amr qilgan.

28. Muhammad solalllohu alayhi vasallam so‘ngi nabiy va rasuldirlar.

29. U zot alayhissalomning ismlari Tavrotda, Injilda, Qur’oni Karimda zikr etilgan.

30. Ulul azm (sabot-matonatli) payg‘ambarlarning biridirlar.

31. U zot alayhissalomning ismlari tug‘ilishlaridan oldin sanoqli kishilargagina qo‘yilgan.

32. Bugungi kunda dunyoda eng ko‘p qo‘yilayotgan ism Muhammad ismidir.

33. Muhammad solalllohu alayhi vasallam payg‘ambar bo‘lishlaridan oldin ham, keyin ham hargiz gunoh qilmaganlar, Alloh taoloning O‘zi u zotni gunoh qilishdan asragan. Shunday bo‘lsa ham (farazan gunohlari bo‘ladigan bo‘lsa ham) Alloh taolo ularni avvalgi-yu oxirgisini kechirganini e’lon qilgan.

34. Rasululloh solalllohu alayhi vasallamning ahli oilalari (ya’ni zavjalari, farzandlari) orasida kofir va mushriklar bo‘lmagan.

35. U zot solalllohu alayhi vasallamning zavjalari Xadija roziyallohu anho dunyo bo‘yicha o‘tgan 4 ta fozila ayolning biridirlar.

36. U zot solalllohu alayhi vasallamning qizlari Fotima roziyallohu anho dunyo bo‘yicha o‘tgan 4 ta fozila ayolning biridirlar.

37. U zot alayhissalomning qaynotalari Abu Bakr va Umar roziyallohu anhumo jannat bashoratini olgan kishilardir.

38. U zot solalllohu alayhi vasallamning kuyovlari Usmon va Ali roziyallohu anhumo jannat bashoratini olgan kishilardir.

39. Muhammad alayhissalom xalqi va xulqi eng go‘zal kishidirlar. Bu haqda Oisha onamizdan ikkita ta’rif keltirsak. U kishidan Rasululloh solalllohu alayhi vasallamning xulqlari haqida so‘ralganda «Xulqlari Qur’on edi», deganlar. Xalqlari, ya’ni, yaratilishlari, tashqi ko‘rinishlari haqida boshqa bir rivoyatda «Yusuf (alayhissalom)ni ko‘rgan ayollar qo‘llarini kesishgan bo‘lsa, meni Rasulullohimni ko‘rganlarida yuraklariga pichoqni urardilar», degan ma’noda so‘z aytganlar.

40. Rasululloh solalllohu alayhi vasallamdan birov bir narsa so‘rasa, hargiz yo‘q demas edilar. Bo‘lsa berar, bo‘lmasa, boshqaga yo‘llab qo‘yar edilar.

G‘iyosiddin Muhammad Yusuf

• Олдинги
• Кейинги