Бўталоқ сийдиги билан даволаниш мумкинми?

Савол: Беморга антисептик стимулятор истеъмол қилишга рухсат бериш мумкинми? Таркибида ҳайвон суяк ва тўқималари уни мавжуд. Бу восита мусулмонлар учун ҳалолми, ҳаромми?

Жавоб: Агар ушбу нарсалар дорига қўшилиш жараёнида ўзининг асл моҳиятини ўзгартирган бўлса, бу каби дориларни даво учун истеъмол қилиш жоиздир. Валлоҳу аълам.

Савол: Бизга бир киши зулук қўйиб касални даволаш ёки касалликни олдини олиш ҳақида гапириб қолди. Зулук ҳақида шунчалик тушунтирганидан биз бу зулук ҳамма дардга даво деб ўйлаб ҳам қолдик. Ҳатто Пайғамбаримиз соллаллоҳу алайҳи васаллам ҳам зулук ҳақида таъкидлагани ҳақида айтиб қолди. Шу тўғрими, зулукдан фойдаланишда бирор ҳадис собит бўлганми?

Жавоб: Зулук қўйиб касални даволаш ҳақида ҳадис топа олмадик. Лекин ҳижома (қон олдириш) ҳақида бир қанча ҳадислар ворид бўлган. Зулукнинг фойдалари ҳақида эса тиббиёт мутахассислари кўплаб маълумотларни келтиришган. Валлоҳу аълам.

Савол: “Қон олдиришда 40 та касалликка даво бор” деган ҳадис ўқиган эдим. Шу боис биз тез-тез қон олдиришга жазм қилганмиз. Шундай қилсак шаъран тўғри қилган бўламизми?

Жавоб: Расулуллоҳ соллаллоҳу алайҳи васаллам қон олдириб турганлар ва қон олдиришни суннат қилганлар. Шунга кўра қон олдириш фойдалидир. Валлоҳу аълам.

Савол: Туянинг боласи — бўталоқнинг сийдиги билан одам организмини жуда кўп касалликлардан даволаш мумкин экан. Бўталоқ сийдигини ичиш ҳаром эмасми? Бундай даволаш усулини маъқулланадими?

Жавоб: Даво учун рухсат берилган. Валлоҳу аълам.

Савол: Жанозаларда, амру маъруфларда тиловат вақтида ичимдан қаттиқ йўтал тутмоқда. Бунга сабаб нима. Менга нимани маслаҳат берасизлар? Одамлардан хижолат бўлмоқдаман.

Жавоб: Тиббиёт ходимларига мурожаат қилинг. Шунингдек, сиз тақводор деб билган, илмли ҳамда суннатга мувофиқ дам солишдан хабари бор домлага дам солдиринг. Эрталабки ва тунги дуоларни ўқиб юринг. Иншаа Аллоҳ, шифо топасиз. Валлоҳу аълам.

Ўзбекистон Мусулмонлари идораси Фатво ҳайъати

Savol: Bemorga antiseptik stimulyator iste’mol qilishga ruxsat berish mumkinmi? Tarkibida hayvon suyak va to‘qimalari uni mavjud. Bu vosita musulmonlar uchun halolmi, harommi?

Javob: Agar ushbu narsalar doriga qo‘shilish jarayonida o‘zining asl mohiyatini o‘zgartirgan bo‘lsa, bu kabi dorilarni davo uchun iste’mol qilish joizdir. Vallohu a’lam.

Savol: Bizga bir kishi zuluk qo‘yib kasalni davolash yoki kasallikni oldini olish haqida gapirib qoldi. Zuluk haqida shunchalik tushuntirganidan biz bu zuluk hamma dardga davo deb o‘ylab ham qoldik. Hatto Payg‘ambarimiz sollallohu alayhi vasallam ham zuluk haqida ta’kidlagani haqida aytib qoldi. Shu to‘g‘rimi, zulukdan foydalanishda biror hadis sobit bo‘lganmi?

Javob: Zuluk qo‘yib kasalni davolash haqida hadis topa olmadik. Lekin hijoma (qon oldirish) haqida bir qancha hadislar vorid bo‘lgan. Zulukning foydalari haqida esa tibbiyot mutaxassislari ko‘plab ma’lumotlarni keltirishgan. Vallohu a’lam.

Savol: “Qon oldirishda 40 ta kasallikka davo bor” degan hadis o‘qigan edim. Shu bois biz tez-tez qon oldirishga jazm qilganmiz. Shunday qilsak sha’ran to‘g‘ri qilgan bo‘lamizmi?

Javob: Rasululloh sollallohu alayhi vasallam qon oldirib turganlar va qon oldirishni sunnat qilganlar. Shunga ko‘ra qon oldirish foydalidir. Vallohu a’lam.

Savol: Tuyaning bolasi — bo‘taloqning siydigi bilan odam organizmini juda ko‘p kasalliklardan davolash mumkin ekan. Bo‘taloq siydigini ichish harom emasmi? Bunday davolash usulini ma’qullanadimi?

Javob: Davo uchun ruxsat berilgan. Vallohu a’lam.

Savol: Janozalarda, amru ma’ruflarda tilovat vaqtida ichimdan qattiq yo‘tal tutmoqda. Bunga sabab nima. Menga nimani maslahat berasizlar? Odamlardan xijolat bo‘lmoqdaman.

Javob: Tibbiyot xodimlariga murojaat qiling. Shuningdek, siz taqvodor deb bilgan, ilmli hamda sunnatga muvofiq dam solishdan xabari bor domlaga dam soldiring. Ertalabki va tungi duolarni o‘qib yuring. Inshaa Alloh, shifo topasiz. Vallohu a’lam.

O‘zbekiston Musulmonlari idorasi Fatvo hay’ati 

• Олдинги
• Кейинги