Фотошоп дастурида инсонларнинг юзини силлиқлаш, ҳуснбузарини тозалаш жизми?
Савол: Жонли расмларни чизиш мумкинмас деб эшитганман. Бироқ бошқа жонсиз, табиат, уйлар, ўрмонларни расмини чизиб сотиб тирикчилик қилса бўладими? Пули ҳалолми?
Жавоб: Табиат манзаралари, уйлар, ўрмон ва тоғлар каби жонсиз нарсаларнинг расмини чизиб, уларни сотиб тирикчилик қилишнинг зарари йўқ. Валлоҳу аълам.
Савол: Ёшлигимиздан тирик жонзотларнинг расмини чизиш мумкин эмас деган тушунча билан улғайдик. Сурат солиш шаръан жоиз эмасми?
Жавоб: Бу ирим нуқтайи назаридан эмас, балки шариат эътиборидан қайтарилган амалдир. Пайғамбаримиз алайҳиссаломдан бу борада ваъид яъни қўрқутувлар баён қилинган ҳадислар ворид бўлган. Валлоҳу аълам.
Савол: Компьютерда фотошоп дастури ёрдамида фотосуратлардаги инсон юзини силлиқлаш, ҳуснбузарларини олиб ташлаш ёки бошқа костюмлар кийдириш имконияти мавжуд. Шундай қилиш жоизми?
Жавоб: Уламолар жонли нарсаларда фотошоп дастурини ишлатишни жоиз эмас деганлар. Валлоҳу аълам.
Савол: Расмга тушиш гуноҳ дейилади. Шу ростми?
Жавоб: Қимматли вақтни беҳудага сарфлаб, кераксиз расмларга тушавериш мумкин эмас. Лекин ҳужжат ёки баъзи эсдаликлар учун тушиш жоиздир. Валлоҳу аълам.
Ўзбекистон Мусулмонлари идораси Фатво ҳайъати
* * *
Savol: Jonli rasmlarni chizish mumkinmas deb eshitganman. Biroq boshqa jonsiz, tabiat, uylar, o‘rmonlarni rasmini chizib sotib tirikchilik qilsa bo‘ladimi? Puli halolmi?
Javob: Tabiat manzaralari, uylar, o‘rmon va tog‘lar kabi jonsiz narsalarning rasmini chizib, ularni sotib tirikchilik qilishning zarari yo‘q. Vallohu a’lam.
Savol: Yoshligimizdan tirik jonzotlarning rasmini chizish mumkin emas degan tushuncha bilan ulg‘aydik. Surat solish shar’an joiz emasmi?
Javob: Bu irim nuqtayi nazaridan emas, balki shariat e’tiboridan qaytarilgan amaldir. Payg‘ambarimiz alayhissalomdan bu borada va’id ya’ni qo‘rqutuvlar bayon qilingan hadislar vorid bo‘lgan. Vallohu a’lam.
Savol: Kompyuterda fotoshop dasturi yordamida fotosuratlardagi inson yuzini silliqlash, husnbuzarlarini olib tashlash yoki boshqa kostyumlar kiydirish imkoniyati mavjud. Shunday qilish joizmi?
Javob: Ulamolar jonli narsalarda fotoshop dasturini ishlatishni joiz emas deganlar. Vallohu a’lam.
Savol: Rasmga tushish gunoh deyiladi. Shu rostmi?
Javob: Qimmatli vaqtni behudaga sarflab, keraksiz rasmlarga tushaverish mumkin emas. Lekin hujjat yoki ba’zi esdaliklar uchun tushish joizdir. Vallohu a’lam.