Қурбонлик гўштини сотиш мумкинми?

Савол: Ота-онам вафот этганлар улар вафотидан олдин Аллоҳ йўлига қурбонлик қилмаганлар. Энди мен уларнинг номидан қурбонлик қилсам бўладими?

Жавоб: Агар ота-онангиз тириклик чоғларида зиммаларига қурбонлик вожиб бўлмаган бўлса, сиз улар учун нафл қурбонлик қилиб савобини бағишлашингиз мумкин. Валлоҳу аълам.

Савол: Озгина қарзи бор киши уйида боқиб қўйган қўйини қурбонликка сўйса бўладими?

Жавоб: Унинг қарзи ҳали талаб қилинмайдиган қарз бўлса, қурбонлик қилиши жоиздир. Валлоҳу аълам.

Савол: Қурбонликка сўйиладиган қўйнинг гўштининг қанчасини тарқатиш керак?

Жавоб: Учдан бир қисмини тарқатиш мустаҳаб амалдир. Валлоҳу аълам.

Савол: Агар жонлиқ битта бўлса, уни қурбонликка сўйиш афзалми ёки ақиқага?

Жавоб: Зиммасига қурбонлик вожиб бўлган киши бўлса, албатта қурбонликка сўйиши вожиб бўлади. Агар зиммасига қурбонлик вожиб бўлмаса, ақиқага сўйгани афзалдир. Валлоҳу аълам.

Савол: Бир опахон қўй боққан эканлар. Шу қўйни хайр-эҳсон қилиб, ўз улушини сотиб, болаларига, рўзғорига ишлатса бўладими? Шундай қилса қурбонлик қабул бўладими?

Жавоб: Қурбонлик қилган киши ўзи сўйган жонлиқнинг гўштларини сотиши жоиз эмасдир. Валлоҳу аълам.

Савол: Менинг молим нисобга етган, закот бераман. Ҳар йили қурбонлик қилишим вожибми?

Жавоб: Закот нисобига етган мол-мулкга эга бўлган ҳар оқил-болиғ мўминнинг зиммасига қурбонлик вожиб бўлади. Валлоҳу аълам.

Савол: Ота-онамдан алоҳида яшайман, улар укам билан. Отамнинг моли нисобга етган. Мен отам учун мол олиб унинг номидан қурбонлик қилишим жоизми?

Жавоб: Отангиз тарафидан қурбонлик қилмоқлигингиз жоиздир. Валлоҳу аълам.

Савол: Бир танишим “Шу йил қурбонлик қилмоқчи эдим, менга бир-икки киши, биринчи марта қилаяпсан, ҳаром йилда биринчи марта қилинмайди деб айтишди, сиз шу ҳақда билмайсизми?" деб қолди. Шу ҳақда маълумот берсангиз. Маймун йилининг қурбонлик қилишга дахли борми?

Жавоб: Қурбонлик қилиш зиммасида закот бериши фарз бўлган ёки қурбонлик кунлариида закот миқдоридаги маблағга эга бўлган мусулмон кишига вожиб бўлади. Зиммасига қурбонлик қилиш вожиб бўлган киши йилнинг қандай йил бўлишидан қатъй назар уни амалга ошириши лозим. Валлоҳу аълам.

Ўзбекистон Мусулмонлари идораси Фатво ҳайъати

* * *

Savol: Ota-onam vafot etganlar ular vafotidan oldin Alloh yo‘liga qurbonlik qilmaganlar. Endi men ularning nomidan qurbonlik qilsam bo‘ladimi?

Javob: Agar ota-onangiz tiriklik chog‘larida zimmalariga qurbonlik vojib bo‘lmagan bo‘lsa, siz ular uchun nafl qurbonlik qilib savobini bag‘ishlashingiz mumkin. Vallohu a’lam.

Savol: Ozgina qarzi bor kishi uyida boqib qo‘ygan qo‘yini qurbonlikka so‘ysa bo‘ladimi?

Javob: Uning qarzi hali talab qilinmaydigan qarz bo‘lsa, qurbonlik qilishi joizdir. Vallohu a’lam.

Savol: Qurbonlikka so‘yiladigan qo‘yning go‘shtining qanchasini tarqatish kerak?

Javob: Uchdan bir qismini tarqatish mustahab amaldir. Vallohu a’lam.

Savol: Agar jonliq bitta bulsa uni qurbonlikka so‘yish afzalmi yoki aqiqaga?

Javob: Zimmasiga qurbonlik vojib bo‘lgan kishi bo‘lsa, albatta qurbonlikka so‘yishi vojib bo‘ladi. Agar zimmasiga qurbonlik vojib bo‘lmasa, aqiqaga so‘ygani afzaldir. Vallohu a’lam.

Savol: Bir opaxon qo‘y boqqan ekanlar. Shu qo‘yni xayr-ehson qilib, o‘z ulushini sotib, bolalariga, ro‘zg‘origa ishlatsa bo‘ladimi? Shunday qilsa qurbonlik qabul bo‘ladimi?

Javob: Qurbonlik qilgan kishi o‘zi so‘ygan jonliqning go‘shtlarini sotishi joiz emasdir. Vallohu a’lam.

Savol: Mening molim nisobga yetgan, zakot beraman. Har yili qurbonlik qilishim vojibmi?

Javob: Zakot nisobiga yetgan mol-mulkga ega bo‘lgan har oqil-bolig‘ mo‘minning zimmasiga qurbonlik vojib bo‘ladi. Vallohu a’lam.

Savol: Ota-onamdan alohida yashayman, ular ukam bilan. Otamning moli nisobga yetgan. Men otam uchun mol olib uning nomidan qurbonlik qilishim joizmi?

Javob: Otangiz tarafidan qurbonlik qilmoqligingiz joizdir. Vallohu a’lam.

Savol: Bir tanishim “Shu yil qurbonlik qilmoqchi edim, menga bir-ikki kishi, birinchi marta qilayapsan, harom yilda birinchi marta qilinmaydi deb aytishdi, siz shu haqda bilmaysizmi?" deb qoldi. Shu haqda ma’lumot bersangiz. Maymun yilining qurbonlik qilishga daxli bormi?

Javob: Qurbonlik qilish zimmasida zakot berishi farz bo‘lgan yoki qurbonlik kunlariida zakot miqdoridagi mablag‘ga ega bo‘lgan musulmon kishiga vojib bo‘ladi. Zimmasiga qurbonlik qilish vojib bo‘lgan kishi yilning qanday yil bo‘lishidan qat’y nazar uni amalga oshirishi lozim. Vallohu a’lam.

O‘zbekiston Musulmonlari idorasi Fatvo hay’ati

• Олдинги
• Кейинги