Ихлос сурасининг фазилатлари
Абу Саид Худрий ривоят қилади: “Расулуллоҳ (с.а.в.): “Биронтангиз бир кечада Қуръони каримнинг учдан бирини ўқий оласизми?” – деб сўрадилар.
– Бунга қандай қилиб кучимиз етади? – дейишди.
– “Аллоҳу аҳад, Аллоҳу самад” (яъни, “Ихлос” сураси) Қуръоннинг учдан биридир”, дедилар” (Муттафақун алайҳ).
Анас (р.а.) ривоят қилади: “Бир одам (“Ихлос” сурасини назарда тутиб): “Ё Расулуллоҳ, мен шу сурани жуда яхши кўраман”, деди. Расулуллоҳ (с.а.в.): “Уни яхши кўришинг сени жаннатга етаклайди”, дедилар” (Термизий ривояти).
Анас (р.а.) ривоят қилади: “Ким “Қул ҳуваллоҳу аҳад” сурасини кунига икки юз маротаба ўқиса, гарданидаги қарздан бошқа эллик йиллик гуноҳлари ўчирилади” (Термизий ривояти).
Анас (р.а.) ривоят қилади: “Расулуллоҳ (с.а.в) айтдилар: “Кимки ётиб ухламоқчи бўлиб, ўнг томонига қараб ётса, сўнг “Қул ҳуваллоҳу аҳад”ни 100 марта ўқиса, Аллоҳ қиёмат куни унга: “Ўнг тарафдан жаннатга кир” дейди” (Термизий ривояти).
“Ирфон” тақвимининг 2010 йил, 1-сонидан олинди.
* * *
Abu Said Xudriy rivoyat qiladi: “Rasululloh (s.a.v.): “Birontangiz bir kechada Qur’oni karimning uchdan birini o‘qiy olasizmi?” – deb so‘radilar.
– Bunga qanday qilib kuchimiz yetadi? – deyishdi.
– “Allohu ahad, Allohu samad” (ya’ni, “Ixlos” surasi) Qur’onning uchdan biridir”, dedilar” (Muttafaqun alayh).
Anas (r.a.) rivoyat qiladi: “Bir odam (“Ixlos” surasini nazarda tutib): “Yo Rasululloh, men shu surani juda yaxshi ko‘raman”, dedi. Rasululloh (s.a.v.): “Uni yaxshi ko‘rishing seni jannatga yetaklaydi”, dedilar” (Termiziy rivoyati).
Anas (r.a.) rivoyat qiladi: “Kim “Qul huvallohu ahad” surasini kuniga ikki yuz marotaba o‘qisa, gardanidagi qarzdan boshqa ellik yillik gunohlari o‘chiriladi” (Termiziy rivoyati).
Anas (r.a.) rivoyat qiladi: “Rasululloh (s.a.v) aytdilar: “Kimki yotib uxlamoqchi bo‘lib, o‘ng tomoniga qarab yotsa, so‘ng “Qul huvallohu ahad”ni 100 marta o‘qisa, Alloh qiyomat kuni unga: “O‘ng tarafdan jannatga kir” deydi” (Termiziy rivoyati).
“Irfon” taqvimining 2010 yil, 1-sonidan olindi.