Бадназарлик

Зулфиқор Аҳмад Нақшбандий «Ҳаё ва покдомонлик» китобида шундай ҳикоя қилади:
«Пайғамбар с.а.в. айтадилар:
«Бегона аёлга қарашлик шайтон ўқларининг ичида заҳарланганидир»
(Ўқ тегиб ўлдирмаса-да, заҳари албатта қалбни ўлдиради).
Номаҳрамга тасодифан биринчи марта нигоҳ зарарли эмас, агар уни олиб қочилса. Биринчи қарашда ҳам унга лаззат билан қараш ҳаромдир.
Шайтоннинг энг кучли қуролларидан бири ҳаромни гўзал қилиб кўрсатишдир. Зеро, узоқдан қараганда кўп нарсалар гўзал кўринади.
Дунёда қилинган биринчи гуноҳга ҳам бадназарлик сабаб бўлган эди. Ўшанда Қобилнинг кўнглида Ҳобилнинг хотини гўзаллиги учун ёмон ният пайдо бўлган эди».


Бадназарликнинг оқибати

Ибни Жавзий «Талбиси иблис» деган китобида ҳикоя қилади:
«Абдуллоҳ ибн Жалол айтади:
«Бир куни олдимдан чиройли насроний қиз ўтиб кетаётганди, унга қарадим. Шунда Абу Абдуллоҳ Балхий олдимдан ўтаётиб, бу ерда нима иш билан машғул эканлигимни сўради. Мен:
— Ҳазрат, ана у ҳушсурат жуссани қаранг. Ўйланиб қолдим, Аллоҳ таоло шундай чиройли чеҳрани қандай қилиб дўзахга ташлаб юбораркин…
Шунда у зот икки кифтим орасига уриб:
— Мана шу қилган гуноҳингнинг натижасини йиллар ўтиб кетгандан кейин ҳам кўрасан, — дедилар.
40 йилдан сўнг, мураттаб қори бўлатуриб, Қуръонни унутиб юбордим…»


Ким зино қилса, униям зино қилишади

Қонун:
Ҳар мукофотнинг ажри ҳам ўз жинсидан бўлгани каби, ҳар гуноҳнинг жазоси ҳам ўз жинсидан бўлади. Зинокорнинг қиёматдаги жазоси зинокорларнинг фаржидан чиқадиган суюқликдир. Унинг бу дунёдаги жазосини эса Расулуллоҳ с.а.в. ваъид сифатида баён қиладилар:
«Ким зино қилса, унинг ҳам зиносини қиладилар, агарчи деворига ишқалаб кетиб бўлса ҳам…»
Яъни, ким зино қилса, унинг маҳрамлари – онаси, опа-синглиси, хонадонидаги яқинларини ҳам зино қиладилар. Ҳеч бўлмаган тақдирда унинг девори тагида зино қилиб кетадилар…

Ҳазрат Довуд алайҳиссалом Сулаймон алайҳиссаломга шундай насиҳат қилган эканлар:
«Ўғим, шер билан аждаҳонинг орқасидан юргин-у, ҳаргиз аёл кишининг ортидан юрма.»

Ҳазрат Умар р.а. айтадилар:
«Агар аёл ва эркакнинг иккита чириган суягини хилват жойга қўйсангиз, ҳатто суяги ҳам тортишади.»


Бадназарликдан сақланиш йўллари

1. Аллоҳ таоло айтганидек, кўзни пастга қаратиш.
2. Уйланиш.
3. Аллоҳ таолонинг уни кўриб турганини эслаш.

Бир улуғ зотнинг олдига шогирди келиб сўрабди:
— Устоз мен бозорда савдо қиламан. Аёлларга ҳам савдо қилиб тураман, уларга қарашнинг иложи йўқ, савдо ҳам қилмасликнинг иложи йўқ. Мен бу дарддан қандай қутулай?
Шайх шундай даво услубини тавсия қилибди. Унинг қўлига бир стакан сутни тўлдириб, шундай дебди:
— Бу сутни фалон шайхнинг олдига олиб борасан. Шарти шуки, уни шу бозор ҳудудидан олиб борасан. Манзилга етгунингча, ундан бир томчи ҳам тўкилмаслиги керак. Ортингда мана бу полвон одам пойлаб боради. Агар сутдан озроқ тўкилса ҳам у сени дўппослайди.
Шогирд уни назорат қилиб кетаётган барзанги полвоннинг зарбасидан қўрқиб, сутни тўкмасдан манзилга олиб борибди. Сўнг устози ҳузурига бориб, мақтанибди:
— Устоз, сутни бир томчи ҳам туширмай шайхга олиб бордим.
— Йўлда аёлларни кўрдингми?
— Валлоҳи, сутга ва устимда турган полвонга ҳавотирланиб, уларни кўрмабман.
— Сен устингда турган бир банданинг зарбидан қўрқиб гуноҳни тарк қиласан-у, нега сени яратиб қўйган Аллоҳнинг назоратидан қўрқмайсан?
 
Олимлар бадназарликнинг олдини оладиган қуйидаги тавсияларни қилишади:
4. Бирон аёл киши олдингиздан ўтиб кетаётганда унга қарамасдан, ҳунук бир одамни тасаввур қилиш.
5. Ўша аёлнинг ўлиб, чириб кетган ҳолатини тасаввур қилишлик.

* * *

Zulfiqor Ahmad Naqshbandiy “Hayo va pokdomonlik” kitobida shunday hikoya qiladi:
Payg’ambar s.a.v. aytadilar:
“Begona ayolga qarashlik shayton o’qlarining ichida zaharlanganidir”
(O’q tegib o’ldirmasa-da, zahari albatta qalbni o’ldiradi)
Nomahramga tasodifan birinchi marta nigoh zararli emas, agar uni olib qochilsa. Birinchi qarashda ham unga lazzat bilan qarash haromdir.
Shaytonning eng kuchli qurollaridan biri haromni go’zal qilib ko’rsatishdir. Zero, uzoqdan qaraganda ko’p narsalar go’zal ko’rinadi.
Dunyoda qilingan birinchi gunohga ham badnazarlik sabab bo’lgan edi. O’shanda Qobilning ko’nglida Hobilning xotini go’zalligi uchun yomon niyat paydo bo’lgan edi.

Ibni Javziy “Talbisi iblis” degan kitobida hikoya qiladi:
“Abdulloh ibn Jalol aytadi:
“Bir kuni oldimdan chiroyli nasroniy qiz o’tib ketayotgandi, unga qaradim. Shunda Abu Abdulloh Balxiy oldimdan o’tayotib, bu yerda nima ish bilan mashg’ul ekanligimni so’radi. Men:
- Hazrat, anau hushsurat jussani qarang. O’ylanib qoldim, Alloh taolo shunday chiroyli chehrani qanday qilib do’zaxga tashlab yuborarkin…
Shunda u zot ikki kiftim orasiga urib:
- Mana shu qilgan gunohingning natijasini yillar o’tib ketgandan keyin ham ko’rasan, - dedilar.
40 yildan so’ng, murattab qori bo’laturib, Qur’onni unutib yubordim…”

Qonun:
Har mukofotning ajri ham o’z jinsidan bo’lgani kabi, har gunohning jazosi ham o’z jinsidan bo’ladi. Zinokorning qiyomatdagi jazosi zinokorlarning farjidan chiqadigan suyuqlikdir. Uning bu dunyodagi jazosini esa Rasululloh s.a.v. va’id sifatida bayon qiladilar:
“Kim zino qilsa, uning ham zinosini qiladilar, agarchi devoriga ishqalab ketib bo’lsa ham…”
Ya’ni, kim zino qilsa, uning mahramlari – onasi, opa-singlisi, xonadonidagi yaqinlarini ham zino qiladilar. Hech bo’lmagan taqdirda uning devori tagida zino qilib ketadilar…

Hazrat Dovud alayhissalom Sulaymon alayhissalomga shunday nasihat qilgan ekanlar:
“O’g’im, sher bilan ajdahoning orqasidan yurgin-u, hargiz ayol kishining ortidan yurma.”

Hazrat Umar r.a. aytadilar:
“Agar ayol va erkakning ikkita chirigan suyagini xilvat joyga qo’ysangiz, hatto suyagi ham tortishadi.”

1. Alloh taolo aytganidek, ko’zni pastga qaratish.
2. Uylanish.
3. Alloh taoloning uni ko’rib turganini eslash.

Bir ulug’ zotning oldiga shogirdi kelib so’rabdi:
- Ustoz men bozorda savdo qilaman. Ayollarga ham savdo qilib turaman, ularga qarashning iloji yo’q, savdo ham qilmaslikning iloji yo’q. Men bu darddan qanday qutulay?
Shayx shunday davo uslubini tavsiya qilgan ekan: qo’liga bir stakan sutni to’ldirib, shunday debdi:
- Bu sutni falon shaxning oldiga olib borasan. Sharti shuki, uni shu bozor hududidan olib borasan. Manzilga yetguningcha, undan bir tomchi ham to’kilmasligi kerak. Ortingda mana bu polvon odam poylab boradi. Agar sutdan ozroq to’kilsa ham u seni do’pposlaydi.
Shogird uni nazorat qilib ketayotgan barzangi polvonning zarbasidan qo’rqib, sutni to’kmasdan manzilga olib boribdi. So’ng ustozi huzuriga borib, maqtanibdi:
- Ustoz, sutni bir tomchi ham tushirmay shaxga olib bordim.
- Yo’lda ayollarni ko’rdingiz.
- Vallohi, sutga va ustimda turgan polvonga havotirlanib, ularni ko’rmabman.
- Sen ustingda turgan bir bandaning zarbidan qo’rqib gunohni tark qilasan-u, nega seni yaratib qo’ygan Allohning nazoratidan qo’rqmaysan?
 
Olimlar badnazarlikning oldini oladigan quyidagi tavsiyalarni qilishadi:
4. Biron ayol kishi oldingizdan o’tib ketayotganda unga qaramasdan, hunuk bir odamni tasavvur qilish.
5. O’sha ayolning o’lib, chirib ketgan holatini tasavvur qilishlik.

• Олдинги
• Кейинги