Фарзанд тарбиясини қачон бошлаш керак?
Рукн: Ибрат
Чоп этилган: 10.12.2014
Ашраф Али Таҳонавий р.а. айтадилар:
«Фарзандларни комил қилиб тарбиялаш барча ота-онанинг бурчидир.
80 йиллик умрим давомида буюк олимлар билан суҳбатлашиб, таълимини олганимдан келиб чиқиб, шуни айтаманки, «болам ақли кириб, гап тушунадиган бўлганда тарбиясини бошлайман, бир яхши одамга таълимга берсам, албатта солиҳ бўлиб етишади», деб ҳаргиз ўйламанг. Инсон умри давомида хоҳ яхши, хоҳ ёмон хулқни 5 ёшигача олиб бўлади. Сиз ҳаргиз у ҳали ёш бола деб унинг олдида ёмон хулқланманг. Фотоаппаратни кўрганмисиз? Унинг жони йўқ, ақли йўқ. Лекин сиз расм оладиган бўлсангиз, қошу кипригингизгача аниқ кўрсатиб беради. Ёш боланинг эса ўзига яраша ақли бор, жони бор.
Сиз 10-15 болам бўлса деб ният қиласиз. Лекин 3-4 тасини тарбия қилганингиздан сўнг, нафасингиз орқага қайтади. Буларни қандай солиҳ ва солиҳа қилиб тарбия қиламан, деб ўйлайсиз. Менинг Аллоҳ учун сизга насиҳатим шуки, сиз биринчи фарзандингизга бор ғайратингизни сарфлаб, яхшилаб тарбия қилиб олинг. Бошқаларини шу болангизнинг ўзи тарбия қилиб олади.»
* * *
Ashraf Ali Tahonaviy r.a. aytadilar:
«Farzandlarni komil qilib tarbiyalash barcha ota-onaning burchidir.
80 yillik umrim davomida buyuk olimlar bilan suhbatlashib, ta’limini olganimdan kelib chiqib, shuni aytamanki, «bolam aqli kirib, gap tushunadigan bo‘lganda tarbiyasini boshlayman, bir yaxshi odamga ta’limga bersam, albatta solih bo‘lib yetishadi», deb hargiz o‘ylamang. Inson umri davomida xoh yaxshi, xoh yomon xulqni 5 yoshigacha olib bo‘ladi. Siz hargiz u hali yosh bola deb uning oldida yomon xulqlanmang. Fotoapparatni ko‘rganmisiz? Uning joni yo‘q, aqli yo‘q. Lekin siz rasm oladigan bo‘lsangiz, qoshu kiprigingizgacha aniq ko‘rsatib beradi. Yosh bolaning esa o‘ziga yarasha aqli bor, joni bor.
Siz 10-15 bolam bo‘lsa deb niyat qilasiz. Lekin 3-4 tasini tarbiya qilganingizdan so‘ng, nafasingiz orqaga qaytadi. Bularni qanday solih va soliha qilib tarbiya qilaman, deb o‘ylaysiz. Mening Alloh uchun sizga nasihatim shuki, siz birinchi farzandingizga bor g‘ayratingizni sarflab, yaxshilab tarbiya qilib oling. Boshqalarini shu bolangizning o‘zi tarbiya qilib oladi. »