Яхши ўй, холис қалб, зафарли умид

Имоми Аъзам, раҳматуллоқи алайҳ, ўғиллари Ҳаммодга шундай насиҳат қилганлар:

“Эй бўтам, Аллоҳ сени ҳидоятга бошласин ва сенга доимо Ўзи мададкор бўлсин! Мен сенга панду насиҳат қилмоқчиман. Менинг ўгитларимни хотирангда сақласанг ва қулоғингга қуйиб олсанг, дининг ва дунёйинг йўлида сенга, иншааллоҳ, бахту иқбол ёр бўлади.

1. Аллоҳдан қўрқиб, жисмингдаги барча аъзоларни гуноҳу маъсиятдан сақлаган ҳолда Унга бандалик қил! Унинг буйруқларини сўзсиз адо эт.

2. Эҳтиёжинг тушадиган илмни ўрганишдан ўзингни олиб қочма!

3. Дину дунё йўлида асқотадиган кишилар билангина ошналик қил!

4. Нафсингдан ҳаққингни ол. Зарурат бўлганидагина унга инсоф қил!

5. Мусулмонга ҳам, зиммийга ҳам душманлик қила кўрма!

6. Аллоҳ берган ризқингга қаноат қил!

7. Бошқаларга муҳтож бўлмаслигинг учун қўлингдаги бор бисотингдан тадбиркорлик билан фойдалан!

8. Одамлар сенга таҳқир назари билан боқишларига сабаб бўладиган ишларни қилма!

9. Эҳтиёжингдан ортиқча нарсаларга берилишдан нафсингни тий!

10. Одамлар билан учрашганингда гапни салом беришдан бошла, майин ва мулойим сўзла, яхшиларга ёқимли бўл, ёмонлар билан муросаю мадора қил!

11. Аллоҳга кўп зикр айт, Унинг Пайғамбарига, алайҳиссалом, бисёр саловотлар йўлла!

* * *

Imomi A’zam, rahmatulloqi alayh, o‘g‘illari Hammodga shunday nasihat qilganlar:

“Ey bo‘tam, Alloh seni hidoyatga boshlasin va senga doimo O‘zi madadkor bo‘lsin! Men senga pandu nasihat qilmoqchiman. Mening o‘gitlarimni xotirangda saqlasang va qulog‘ingga quyib olsang, dining va dunyoying yo‘lida senga, inshaalloh, baxtu iqbol yor bo‘ladi.

1. Allohdan qo‘rqib, jismingdagi barcha a’zolarni gunohu ma’siyatdan saqlagan holda Unga bandalik qil! Uning buyruqlarini so‘zsiz ado et.

2. Ehtiyojing tushadigan ilmni o‘rganishdan o‘zingni olib qochma!

3. Dinu dunyo yo‘lida asqotadigan kishilar bilangina oshnalik qil!

4. Nafsingdan haqqingni ol. Zarurat bo‘lganidagina unga insof qil!

5. Musulmonga ham, zimmiyga ham dushmanlik qila ko‘rma!

6. Alloh bergan rizqingga qanoat qil!

7. Boshqalarga muhtoj bo‘lmasliging uchun qo‘lingdagi bor bisotingdan tadbirkorlik bilan foydalan!

8. Odamlar senga tahqir nazari bilan boqishlariga sabab bo‘ladigan ishlarni qilma!

9. Ehtiyojingdan ortiqcha narsalarga berilishdan nafsingni tiy!

10. Odamlar bilan uchrashganingda gapni salom berishdan boshla, mayin va muloyim so‘zla, yaxshilarga yoqimli bo‘l, yomonlar bilan murosayu madora qil!

11. Allohga ko‘p zikr ayt, Uning Payg‘ambariga, alayhissalom, bisyor salovotlar yo‘lla!

«Hidoyat» jurnali 2003 yil 7-sonidan olindi.

• Олдинги
• Кейинги