Дўст дўст учун йиғлайди-да!

Расулуллоҳ саллаллоҳу алайҳи ва салламнинг мавлолари Зайд ибн Ҳориса Муъта ғазотида шаҳид бўлдилар. Сарвари коинот саллаллоҳу алайҳи ва саллам:

— Зайд ҳақиқатан ҳам Аллоҳ йўлида ҳақиқий жиҳод қилди. Энди у қиёмат кунида Аллоҳга барча гуноҳлардан покланган ҳолда йўлиқади, — дедилар.

Лекин ундан сўнг Зайд разияллоҳу анҳунинг қизи Расулуллоҳ саллаллоҳу алайҳи ва салламни отасининг жасадининг устида йиғлаб турганларини кўриб сўради:

— Нега Сизни йиғлаган ҳолда кўрмоқдаман?

— Дўст албатта дўсти учун йиғлайди, — деб жавоб бердилар Расулуллоҳ саллаллоҳу алайҳи ва саллам кўзлари тўла ёш билан.

Инглиз адиби Томас Карлейл бу қиссадан таъсирланиб шундай ёзган: “Бу каби қиссалар ва воқеалар бизларга Муҳаммад алайҳиссалом тимсолида ҳақиқий инсонийликка асосланган биродарлик ва меҳрибонликни кўрсатади. У зот бизлар учун ўта раҳмдил, мушфиқ инсон. Бизлар ҳаммамиз Одам ато ва Момо Ҳавонинг фарзандларимиз”.

Шайх Аҳмад Муҳаммад Ассофнинг “Қабасотун мин ҳаётир-Расул” китобидан Шаҳобиддин Парпиев таржимаси.

* * *

Rasululloh sallallohu alayhi va sallamning mavlolari Zayd ibn Horisa Mu’ta g‘azotida shahid bo‘ldilar. Sarvari koinot sallallohu alayhi va sallam:

— Zayd haqiqatan ham Alloh yo‘lida haqiqiy jihod qildi. Endi u qiyomat kunida Allohga barcha gunohlardan poklangan holda yo‘liqadi, — dedilar.

Lekin undan so‘ng Zayd raziyallohu anhuning qizi Rasululloh sallallohu alayhi va sallamni otasining jasadining ustida yig‘lab turganlarini ko‘rib so‘radi:

— Nega Sizni yig‘lagan holda ko‘rmoqdaman?

— Do‘st albatta do‘sti uchun yig‘laydi, — deb javob berdilar Rasululloh sallallohu alayhi va sallam ko‘zlari to‘la yosh bilan.

Ingliz adibi Tomas Karleyl bu qissadan ta’sirlanib shunday yozgan: “Bu kabi qissalar va voqealar bizlarga Muhammad alayhissalom timsolida haqiqiy insoniylikka asoslangan birodarlik va mehribonlikni ko‘rsatadi. U zot bizlar uchun o‘ta rahmdil, mushfiq inson. Bizlar hammamiz Odam ato va Momo Havoning farzandlarimiz”.

Shayx Ahmad Muhammad Assofning “Qabasotun min hayotir-Rasul” kitobidan Shahobiddin Parpiyev tarjimasi.

• Олдинги
• Кейинги