“Ўзингга қаттиқ, қолганларга юмшоқ бўл”

Камтар эканлигингни билган бўлсанг, такаббур экансан. Ибн Атоуллоҳ Искандарий

Кимдир сени танқид қилса ёки фикри сеникига тўғри келмаса, қалбингда чумолидек нафрат туғилади. Уни ўша заҳоти эзиб ташламасанг, у бора-бора илонга, ҳаттоки аждарҳога айланиб кетиши мумкин. Жалолиддин Румий

Бепарво одамга маслаҳат берадиган одамнинг ўзи маслаҳатга муҳтождир. Саъдий Шерозий

Ихлос бу яратилган махлуқотларга қарашни унутиб, доимо Холиқнинг ўзига қарашдир. Абу Усмон

Денгизда беҳисоб хазиналар бор, мақсадинг хавфсизлик бўлса у қирғоқдадир. Шайх Саъдий

Ёшликда олинган илм тошга ўйилган нақш кабидир. Ҳасан ал-Басрий

Илм ёд олинган нарса эмас, илм бу натижаси фойда берадиган билимдир. Имом Шофеий

Сенинг илоҳий севгингга етишиб билдимки, йўқлигимнинг ўзи борлигимдан кўра минг чандон ширин (аъло) экан. Жалолиддин Румий

Қалбинг сайқал берилган ойна мисолидир, унинг сиртига қўнган чангларни артиб тозалаб туришинг зарур. Чунки у илоҳий сирлар нурини акс эттириб туришга мўлжаллангандир. Абу Ҳомид ал-Ғаззолий

Менинг талабим жаннат эмас, истагим Жамолингни кўришдир. Ибн ал-Фарид

Шеригингнинг айбини айтишингдан олдин ўз хатоларингни ўйлаб кўргин. Ибн Аббос (р.а.)

Кимки раҳнамосиз сафарга чиқса икки кунлик масофани икки юз йилда босиб ўтади. Жалолиддин Румий

Ўзингга қаттиқ, қолганларга юмшоқ бўл. Имом Шофеий

Ўз омадсизликларимиз учун бошқаларни айблаб юришимиз — бу нафсимизнинг ғалабасидир. Шайх Абдул Ҳаким Мурод

Ё раббим, бу дунёда менга аталган неъматларингни ғанимларимга, у дунёда аталганларини дўстларимга ато қилгин. Менга ёлғиз Ўзинггина кифоядурсан.  Робиа ал-Адавия

Бомдод намозига уйғонмайдиган бўлсанг умуман уйғонмай қўяқол. Ҳамза Юсуф

Доимий давом этадиган гўзаллик — қалб гўзаллигидир. Жалолиддин Румий

Сен фақат танам бор деб ўйлайсан, танангнинг ичида эса коинот-борлиқдан ҳам каттароқ нарса бор. Имом Шофеий

Ҳеч қачон Унинг зикрисиз юрмагин, зикр қилишинг Руҳ қушига қанот ва куч-қувват ато этади. Жалолиддин Румий

Инглиз тилидан Шерзод Тоғаев таржимаси

* * *

Kamtar ekanligingni bilgan bo‘lsang, takabbur ekansan. Ibn Atoulloh Iskandariy

Kimdir seni tanqid qilsa yoki fikri senikiga to‘g‘ri kelmasa, qalbingda chumolidek nafrat tug‘iladi. Uni o‘sha zahoti ezib tashlamasang, u bora-bora ilonga, hattoki ajdarhoga aylanib ketishi mumkin. Jaloliddin Rumiy

Beparvo odamga maslahat beradigan odamning o‘zi maslahatga muhtojdir. Sa’diy Sheroziy

Ixlos bu yaratilgan maxluqotlarga qarashni unutib, doimo Xoliqning o‘ziga qarashdir. Abu Usmon

Dengizda behisob xazinalar bor, maqsading xavfsizlik bo‘lsa u qirg‘oqdadir. Shayx Sa’diy

Yoshlikda olingan ilm toshga o‘yilgan naqsh kabidir. Hasan al-Basriy

Ilm yod olingan narsa emas, ilm bu natijasi foyda beradigan bilimdir. Imom Shofeiy

Sening ilohiy sevgingga yetishib bildimki, yo‘qligimning o‘zi borligimdan ko‘ra ming chandon shirin (a’lo) ekan. Jaloliddin Rumiy

Qalbing sayqal berilgan oyna misolidir, uning sirtiga qo‘ngan changlarni artib tozalab turishing zarur. Chunki u ilohiy sirlar nurini aks ettirib turishga mo‘ljallangandir. Abu Homid al-G‘azzoliy

Mening talabim jannat emas, istagim Jamolingni ko‘rishdir. Ibn al-Farid

Sherigingning aybini aytishingdan oldin o‘z xatolaringni o‘ylab ko‘rgin. Ibn Abbos (r.a.)

Kimki rahnamosiz safarga chiqsa ikki kunlik masofani ikki yuz yilda bosib o‘tadi. Jaloliddin Rumiy

O‘zingga qattiq, qolganlarga yumshoq bo‘l. Imom Shofeiy

O‘z omadsizliklarimiz uchun boshqalarni ayblab yurishimiz — bu nafsimizning g‘alabasidir. Shayx Abdul Hakim Murod

Yo rabbim, bu dunyoda menga atalgan ne’matlaringni g‘animlarimga, u dunyoda atalganlarini do‘stlarimga ato qilgin. Menga yolg‘iz O‘zinggina kifoyadursan.  Robia al-Adaviya

Bomdod namoziga uyg‘onmaydigan bo‘lsang umuman uyg‘onmay qo‘yaqol. Hamza Yusuf

Doimiy davom etadigan go‘zallik — qalb go‘zalligidir. Jaloliddin Rumiy

Sen faqat tanam bor deb o‘ylaysan, tanangning ichida esa koinot-borliqdan ham kattaroq narsa bor. Imom Shofeiy

Hech qachon Uning zikrisiz yurmagin, zikr qilishing Ruh qushiga qanot va kuch-quvvat ato etadi. Jaloliddin Rumiy

Ingliz tilidan Sherzod Tog‘ayev tarjimasi

• Олдинги
• Кейинги