“Шайх Зайниддин” жоме масжидида 10000 га яқин намозхонлар таровиҳ намозини адо этмоқда

Тошкент шаҳрининг “Шайх Зайниддин” (Кўкча) жоме масжидида таровиҳ намозлари хатми Қуръон билан адо этилмоқда. 17 июндан бошланган хатми Қуръонда "Анъом" сурасигача ўқиб бўлинди. Таровиҳ намозларида Қуръони карим 21 кунда хатм қилиниши режалаштирилган.

Бу йил жоме масжидида Қуронни карим хатимини Хасанхон қори ва Насруллоҳ қорилар адо этишяпти. Уларнинг гўзал қироатлари намозхонларни хушнуд этмоқда. Таровиҳ намозига ҳар куни 10000 га яқин намозхонлар ташриф буюрмоқда.

Жоме масжидда намозхонларнинг ибодатлари учун барча шарт шароит яратиб берилди. Кўнгиллилардан иборат ёшлар намозхонларга хизмат қилишмоқда.

“Шайх Зайниддин” жоме масжидининг матбуот хизмати томонидан кунлик таровиҳ ва унга тайёргарликлар мунтазам ёритилмоқда. Таровиҳ мавъизалари muxlis.uz сайтида эълон қилинмоқда.

* * *

Toshkent shahrining “Shayx Zayniddin” (Ko‘kcha) jome masjidida tarovih namozlari xatmi Qur’on bilan ado etilmoqda. 17 iyundan boshlangan xatmi Qur’onda "An’om" surasigacha o‘qib bo‘lindi. Tarovih namozlarida Qur’oni karim 21 kunda xatm qilinishi rejalashtirilgan.

Bu yil jome masjidida Quronni karim xatimini Xasanxon qori va Nasrulloh qorilar ado etishyapti. Ularning go‘zal qiroatlari namozxonlarni xushnud etmoqda. Tarovih namoziga har kuni 10000 ga yaqin namozxonlar tashrif buyurmoqda.

Jome masjidda namozxonlarning ibodatlari uchun barcha shart sharoit yaratib berildi. Ko‘ngillilardan iborat yoshlar namozxonlarga xizmat qilishmoqda.

“Shayx Zayniddin” jome masjidining matbuot xizmati tomonidan kunlik tarovih va unga tayyorgarliklar muntazam yoritilmoqda. Tarovih mav’izalari muxlis.uz saytida e’lon qilinmoqda.

• Олдинги
• Кейинги