2013 йил учун закот, фитр ва фидя нисоблари белгиланди
Ўзбекистон мусулмонлари идораси Уламолар Кенгаши 2013 йил учун закот, фитр садақа ва фидя нисобларини эълон қилди. Қарорга кўра, жорий йил учун закот нисоби 8 000 000 сўм, фитр садақаси 3000 сўм, фидя миқдори 8000 сўм этиб белгиланди.
Ушбу қарорга кўра:
1. Ўзбекистон мусулмонлари идораси Фатво ҳайъатининг милодий 2013 йил (ҳижрий 1434 йил) учун ЗАКОТ нисоби 1 гр. тиллонинг бугунги кундаги бозордаги ўртача нархи 94.118 (тўқсон тўрт минг бир юз ўн саккиз) сўм эканлигини эътиборга олиб, 85 гр. тилло ҳисобидан закот нисоби 8 000 000 (саккиз миллион ) сўм эканлиги ва мазкур суммадан қирқдан бир ҳиссаси, яъни 200 000 ( икки юз минг) сўм закот чиқариш тўғрисидаги хулосаси маъқулланди.
2. Бу йилги Фитр садақаси миқдори вилоят, шаҳар ва туман бозорларидаги 2 кг. буғдой нархидан келиб чиққан ҳолда белгиланди. Масалан Тошкент шаҳар бозорида 1 кг. буғдойнинг нархи ўртача 1.500 сўм бўлса, демак 2 кг. буғдой нархи 3.000 сўм бўлади.
3. Бу йилги Фидя миқдори бир оч одамнинг бир кунлик озиқ-овқати баробарида бўлиб, ўртача 8.000 (саккиз минг) сўм деб белгиланди.
Ўтган йили закот нисоби 9 000 000 сўм, фитр садақаси 3000 сўм, фидя миқдори 6000 сўм этиб белгилан эди.
* * *
O‘zbekiston musulmonlari idorasi Ulamolar Kengashi 2013 yil uchun zakot, fitr sadaqa va fidya nisoblarini e’lon qildi. Qarorga ko‘ra, joriy yil uchun zakot nisobi 8 000 000 so‘m, fitr sadaqasi 3000 so‘m, fidya miqdori 8000 so‘m etib belgilandi.
Ushbu qarorga ko‘ra:
1. O‘zbekiston musulmonlari idorasi Fatvo hay’atining milodiy 2013 yil (hijriy 1434 yil) uchun ZAKOT nisobi 1 gr. tilloning bugungi kundagi bozordagi o‘rtacha narxi 94.118 (to‘qson to‘rt ming bir yuz o‘n sakkiz) so‘m ekanligini e’tiborga olib, 85 gr. tillo hisobidan zakot nisobi 8 000 000 (sakkiz million ) so‘m ekanligi va mazkur summadan qirqdan bir hissasi, ya’ni 200 000 ( ikki yuz ming) so‘m zakot chiqarish to‘g‘risidagi xulosasi ma’qullandi.
2. Bu yilgi Fitr sadaqasi miqdori viloyat, shahar va tuman bozorlaridagi 2 kg. bug‘doy narxidan kelib chiqqan holda belgilandi. Masalan Toshkent shahar bozorida 1 kg. bug‘doyning narxi o‘rtacha 1.500 so‘m bo‘lsa, demak 2 kg. bug‘doy narxi 3.000 so‘m bo‘ladi.
3. Bu yilgi Fidya miqdori bir och odamning bir kunlik oziq-ovqati barobarida bo‘lib, o‘rtacha 8.000 (sakkiz ming) so‘m deb belgilandi.
O‘tgan yili zakot nisobi 9 000 000 so‘m, fitr sadaqasi 3000 so‘m, fidya miqdori 6000 so‘m etib belgilan edi.