Тошкент Ислом институти битирувчиларининг “Хатмона–2013” тадбири бўлиб ўтди

Рукн: Янгиликлар Чоп этилган: 18.06.2013

 

12 июнь куни Ўзбекистон мусулмонлари идораси тасарруфидаги Имом Бухорий номли Тошкент Ислом институтида “Баркамол ёшлар – обод турмуш таянчи” шиори остида 2012-2013 ўқув йили битирувчиларининг “Хатмона–2013” тадбири бўлиб ўтди.

Анжуманга Ўзбекистон мусулмонлар идораси ходимлари, фахрий устозлар, жумладан, Шайх Муҳаммад Содиқ Муҳаммад Юсуф, Шайх Абдулазиз Мансур, битирувчи талабаларнинг ота-оналари таклиф қилиниб, байрам дастурхони безатилди.

Давра Қуръон карим тиловати билан бошлаб берилди. Қуйи курс талабалари кириш сўз, шеърлар, институт ҳаётига оид кутилмаган совға (“Қоидаси шунуқа”), қизиқарли савол-жавоблар, ўзбекча саловатлар ҳамда саҳна кўринишлари билан даврани файзга тўлдиришди.

Кечада битирувчи талабаларга сўз берилди. Уларга институт раҳбарияти ҳамда 1 курс талабалар томонидан эсдалик совғалари топширилди.

Дастур сўнгида институт ректори Ҳайдархон Йўлдошхўжаев ва таълим бўлими ходимлари битирувчиларга фахрий ёрлиқлар топшириб, келгуси ишларида муваффақиятлар тилашди.

* * *

12 iyun kuni O‘zbekiston musulmonlari idorasi tasarrufidagi Imom Buxoriy nomli Toshkent Islom institutida “Barkamol yoshlar – obod turmush tayanchi” shiori ostida 2012-2013 o‘quv yili bitiruvchilarining “Xatmona–2013” tadbiri bo‘lib o‘tdi.

Anjumanga O‘zbekiston musulmonlar idorasi xodimlari, faxriy ustozlar, jumladan, Shayx Muhammad Sodiq Muhammad Yusuf, Shayx Abdulaziz Mansur, bitiruvchi talabalarning ota-onalari taklif qilinib, bayram dasturxoni bezatildi.

Davra Qur’on karim tilovati bilan boshlab berildi. Quyi kurs talabalari kirish so‘z, she’rlar, institut hayotiga oid kutilmagan sovg‘a (“Qoidasi shunuqa”), qiziqarli savol-javoblar, o‘zbekcha salovatlar hamda sahna ko‘rinishlari bilan davrani fayzga to‘ldirishdi.

Kechada bitiruvchi talabalarga so‘z berildi. Ularga institut rahbariyati hamda 1 kurs talabalar tomonidan esdalik sovg‘alari topshirildi. Dastur so‘ngida institut rektori Haydarxon Yo‘ldoshxo‘jaev va ta’lim bo‘limi xodimlari bitiruvchilarga faxriy yorliqlar topshirib, kelgusi ishlarida muvaffaqiyatlar tilashdi.