«Муслимаат.уз» сайтининг 10 йиллиги нишонланди

Рукн: Янгиликлар Чоп этилган: 17.10.2017

2017 йил 15 октябрь куни «Ҳилол-нашр» нашриётининг мажлислар залида «Ислом.уз» порталидан ажралиб чиққан «Муслимаат.уз» аёл-қизлар сайтининг 10 ёшга тўлгани муносабати билан байрам тадбири бўлиб ўтди. Кечага бир қанча диний ташкилотлардан, ахборот тарқатувчи марказлардан, қолаверса, хориждан азиз меҳмонлар ташриф буюришди.

Тадбирни Шайх Муҳаммад Содиқ Муҳаммад Юсуф ҳазратлари бошлаб берган хайрли ишларнинг муносиб давомчиси, у кишининг фарзанди аржумандлари, «Ҳилол-нашр» нашриёт-матбаасининг ношири Исмоил Муҳаммад Юсуф очиб берди.

Тадбирда «Муслимаат.уз» сайтининг бугунги кундаги фаолияти, унинг илк ташкил этилган кунидан бошлаб, 10 йил мобайнида амалга оширган ишлари ҳақида йиғилганларга батафсил маълумот берилда ҳамда ушбу хайрли ишларнинг бошида турган Шайх Муҳаммад Содиқ Муҳаммад Юсуф раҳматуллоҳи алайҳ ва бошқа фидойи ходимлар ҳаққига дуои хайрлар қилинди.

Кечада «Муслимаат.уз» сайтининг асосий ташкилотчиси ва раҳбари олима Одинахон Муҳаммад Юсуф сўзга чиқиб, нозик хилқат бўлмиш аёл-қизларнинг жамият тараққиётидаги роли ва алоҳида ўрни ҳақида, шунингдек, сайтнинг фаолияти тўғрисида фикр билдирар экан, сўзининг охирида ушбу сайтнинг интернет оламида ўзига хос ўрин эгаллашида меҳнатларини, билим ва тажрибаларини аямасдан меҳнат қилиб келаётган жонкуяр ходимларига, ҳар бир мутахассис-ишчиларга алоҳида миннатдорчилигини изҳор қилди. Шунингдек вақтини аямасдан, байрамга ташриф буюрган меҳмонларга ва мухлисларга ташаккур билдирди.

Шунингдек, тадбирда бош муфтий Усмонхон Алимовнинг рафиқалари Адолат Алимова, Тошкент шаҳри бош отинойиси Дилбар Отабоева, Шайх Муҳаммад Содиқ Муҳаммад Юсуф ҳазратларининг аёллари – Фотима Исмоил Махдум қизи, Россия Федерациясидан ташриф буюрган меҳмон – «Аль-Васатия» Ислом илмий-маърифий марказининг ходимаси Наталья Бариева ҳамда бошқа иштирокчилар нутқ сўзлаб, сайт ходимларини муборакбод этдилар.

2017 yil 15 oktyabr kuni «Hilol-nashr» nashriyotining majlislar zalida «Islom.uz» portalidan ajralib chiqqan «Muslimaat.uz» ayol-qizlar saytining 10 yoshga to‘lgani munosabati bilan bayram tadbiri bo‘lib o‘tdi. Kechaga bir qancha diniy tashkilotlardan, axborot tarqatuvchi markazlardan, qolaversa, xorijdan aziz mehmonlar tashrif buyurishdi.

Tadbirni Shayx Muhammad Sodiq Muhammad Yusuf hazratlari boshlab bergan xayrli ishlarning munosib davomchisi, u kishining farzandi arjumandlari, «Hilol-nashr» nashriyot-matbaasining noshiri Ismoil Muhammad Yusuf ochib berdi.

Tadbirda «Muslimaat.uz» saytining bugungi kundagi faoliyati, uning ilk tashkil etilgan kunidan boshlab, 10 yil mobaynida amalga oshirgan ishlari haqida yig‘ilganlarga batafsil ma’lumot berilda hamda ushbu xayrli ishlarning boshida turgan Shayx Muhammad Sodiq Muhammad Yusuf rahmatullohi alayh va boshqa fidoyi xodimlar haqqiga duoi xayrlar qilindi.

Kechada «Muslimaat.uz» saytining asosiy tashkilotchisi va rahbari olima Odinaxon Muhammad Yusuf so‘zga chiqib, nozik xilqat bo‘lmish ayol-qizlarning jamiyat taraqqiyotidagi roli va alohida o‘rni haqida, shuningdek, saytning faoliyati to‘g‘risida fikr bildirar ekan, so‘zining oxirida ushbu saytning internet olamida o‘ziga xos o‘rin egallashida mehnatlarini, bilim va tajribalarini ayamasdan mehnat qilib kelayotgan jonkuyar xodimlariga, har bir mutaxassis-ishchilarga alohida minnatdorchiligini izhor qildi. Shuningdek vaqtini ayamasdan, bayramga tashrif buyurgan mehmonlarga va muxlislarga tashakkur bildirdi.

Shuningdek, tadbirda bosh muftiy Usmonxon Alimovning rafiqalari Adolat Alimova, Toshkent shahri bosh otinoyisi Dilbar Otaboeva, Shayx Muhammad Sodiq Muhammad Yusuf hazratlarining ayollari – Fotima Ismoil Maxdum qizi, Rossiya Federatsiyasidan tashrif buyurgan mehmon – «Al-Vasatiya» Islom ilmiy-ma’rifiy markazining xodimasi Natalya Barieva hamda boshqa ishtirokchilar nutq so‘zlab, sayt xodimlarini muborakbod etdilar.

Мулоҳаза қўшиш


Ҳимоя коди
Янгилаш