Теҳрондаги Қуръон мусобақасида ўзбекистонлик қорилар иштирок этди

Жорий йилнинг 1–7 июнь кунлари Эрон Ислом Республикасининг пойтахти Теҳрон шаҳрида Қуръони каримни ёддан ва тажвид қоидаси билан ўқиш бўйича мусобақа ўтказилди.

30-бор ўтказилган халқаро Қуръони карим мусобақасида 2 нафар Ўзбекистон вакили – ҳифз йўналиши бўйича Тошкент ислом институти ўқитувчиси Муҳаммадзафар Аҳмаджонов ва мужаввидлик (қироат) йўналишида диний идора ҳузуридаги Муқаддас қадамжоларни сақлаш ва обод этиш хайрия жамғармаси ходими Фаррух Худайбердиев иштирок этди.

Ушбу мусобақада дунёдаги 70 дан ортиқ етук Қуръон ҳофизлари иштирок этди. Мусобақанинг ҳифз йўналишида 1-ўринни Эрон, 2-ўринни Нигерия, 3-ўринни Ироқ, қироат йўналишида 1-ўринни Эрон, 2-ўринни Сурия, 3-ўринни  Германия давлатлари вакиллари эгаллади.

* * *

Joriy yilning 1–7 iyun kunlari Eron Islom Respublikasining poytaxti Tehron shahrida Qur’oni karimni yoddan va tajvid qoidasi bilan o‘qish bo‘yicha musobaqa o‘tkazildi.

30-bor o‘tkazilgan xalqaro Qur’oni karim musobaqasida 2 nafar O‘zbekiston vakili – hifz yo‘nalishi bo‘yicha Toshkent islom instituti o‘qituvchisi Muhammadzafar Ahmadjonov va mujavvidlik (qiroat) yo‘nalishida diniy idora huzuridagi Muqaddas qadamjolarni saqlash va obod etish xayriya jamg‘armasi xodimi Farrux Xudayberdiev ishtirok etdi.

Ushbu musobaqada dunyodagi 70 dan ortiq yetuk Qur’on hofizlari ishtirok etdi. Musobaqaning hifz yo‘nalishida 1-o‘rinni Eron, 2-o‘rinni Nigeriya, 3-o‘rinni Iroq, qiroat yo‘nalishida 1-o‘rinni Eron, 2-o‘rinni Suriya, 3-o‘rinni  Germaniya davlatlari vakillari egalladi.

• Олдинги
• Кейинги