Ўзбекистонлик қорилар хатми Қуръон учун Россияга жўнаб кетдилар

Рукн: Янгиликлар Чоп этилган: 26.05.2017

Ўзбекистонлик 6 нафар қори Рамазон ойида таровиҳ  намозларини ўқиб беришлари учун Россия Федерациясига жўнаб кетди. Бу ҳақда Ўзбекистон мусулмонлари идораси Халқаро алоқалар бўлими хабар бермоқда.

Россия мусулмонлари диний жамияти таклифига биноан, 26 май куни 6 нафар қориларимиз – Чилонзор тумани Бош имом-хатиби Ҳусниддин Абдукаримов, Ўзбекистон мусулмонлари идораси ҳузуридаги муқаддас қадамжоларни сақлаш ва обод этиш хайрия жамғармаси ходими Фаррух Худойбердиев, Дин ишлари бўйича қўмита Таълим бўлими ходими Миродил Хайдаров, Шайхонтоҳур тумани “Дорус-Салом” масжид ноиб-имоми Ислом Убайдуллаев, Чилонзор тумани “Қатортол” масжиди имом-хатиби Аброр Алимов ва Яшнобод тумани “Али ибн Абу Толиб” масжиди ноиб-имоми Нурилла Мирсодиқов Москва шаҳрига сафарбар этилди.

Қориларимиз муборак ой давомида Россия Федерацияси шаҳарларида мусулмонларга таровиҳ  намозларида хатми Қуръон ўқиб берадилар.

Шунингдек, сафар давомида қориларимиз Россия Федерацияси шаҳарларида ташкил этиладиган диний маросимларда иштирок этишлари кутилмоқда. 

O‘zbekistonlik 6 nafar qori Ramazon oyida tarovih  namozlarini o‘qib berishlari uchun Rossiya Federatsiyasiga jo‘nab ketdi. Bu haqda O‘zbekiston musulmonlari idorasi Xalqaro aloqalar bo‘limi xabar bermoqda.

Rossiya musulmonlari diniy jamiyati taklifiga binoan, 26 may kuni 6 nafar qorilarimiz – Chilonzor tumani Bosh imom-xatibi Husniddin Abdukarimov, O‘zbekiston musulmonlari idorasi huzuridagi muqaddas qadamjolarni saqlash va obod etish xayriya jamg‘armasi xodimi Farrux Xudoyberdiev, Din ishlari bo‘yicha qo‘mita Ta’lim bo‘limi xodimi Mirodil Xaydarov, Shayxontohur tumani “Dorus-Salom” masjid noib-imomi Islom Ubaydullaev, Chilonzor tumani “Qatortol” masjidi imom-xatibi Abror Alimov va Yashnobod tumani “Ali ibn Abu Tolib” masjidi noib-imomi Nurilla Mirsodiqov Moskva shahriga safarbar etildi.

Qorilarimiz muborak oy davomida Rossiya Federatsiyasi shaharlarida musulmonlarga tarovih  namozlarida xatmi Qur’on o‘qib beradilar.

Shuningdek, safar davomida qorilarimiz Rossiya Federatsiyasi shaharlarida tashkil etiladigan diniy marosimlarda ishtirok etishlari kutilmoqda.